គ្រាន់តែបញ្ជប់បទឈប់បាញ់ភ្លាម មានការបាញ់បោះ ដោះដូរ គ្រាប់រ៉ុកកែត ភ្លែត
ព័ត៌មានអន្តរជាតិ ៖ បើតាមការអោយដឹងពីទំព័រសារព័ត៌មានបរទេស ប៊ីប៊ីស៊ី ចេញផ្សាយមុននេះបន្តិច អោយដឹងថា ក្រុមឧទ្ទាម ហាម៉ាស់ បានបដិសេធ ក៏ដូចជា ច្រានចោលនូវការពន្យាពេលបទឈប់បាញ់ សម្រាប់រយៈពេលបីថ្ងៃកន្លងមកនេះ ដោយនៅក្នុងនោះ បទឈប់បាញ់មួយនេះ គឺផុតកំណត់នាវេលា ព្រឹកថ្ងៃសុក្រនេះ ។
ក្រុមឧទ្ទាមដដែលនេះ បន្តអោយដឹងថា អ៊ីស្រាអែល បានបរាជ័យ ចំពោះជំនួបតម្រូវការរបស់ខ្លួន រួម ទាំងការតម្រូវអោយបើកឡើងវិញ នូវកំពង់ផែ តំបន់ហ្គាសា ។ ខណៈព្រឹកថ្ងៃ សុក្រនេះ វេលាម៉ោង ៨ ព្រឹក (ម៉ោងក្នុងស្រុក ប្រទេសប៉ាឡេស្ទីន) ជាពេលវេលាមួយបញ្ជប់ភ្លាមៗ នូវបទឈប់បាញ់ រយៈពេល ៧២ ម៉ោង ដើម្បីមនុស្សធម៌ ភ្លាមៗនោះ គេឃើញមានគ្រាប់រ៉ុកកែត ជាច្រើនគ្រាប់ បាញ់ហោះពីតំបន់ ហ្គាសា ចូលទៅក្នុងដែនអធិបតេយ្យភាព ប្រទេស ប៉ាឡេស្ទីន ដោយនៅក្នុងនោះ គេពុំ ទាន់បានឃើញ ប្រតិកម្មបាញ់បោះណាមួយ ត្រលប់មកវិញ ពីសំណាក់ កងកម្លាំងអ៊ីស្រាអែល នោះទេ ។
របាយការណ៍ បញ្ជាក់បានថា ក្រុមមនុស្ស មានគ្នាដល់ទៅ ១៩៤០ នាក់ បានស្លាប់ បាត់បង់ជីវិត ក្នុងអំ ឡុងពេលដែលមានការប៉ះទង្គិច រយៈពេល ៤ សប្តាហ៍កន្លងមកនេះ នៅក្នុងតំបន់ ហ្គាសា ។ ដោយ ឡែក មន្រ្តីជាន់ខ្ពស់ ប្រទេស ប៉ាឡេស្ទីន គូសបញ្ជាក់ថា យ៉ាងហោចណាស់ ពលរដ្ឋស៊ីវិល ប៉ាឡេស្ទីន ១៨៧៥ នាក់បានស្លាប់បាត់បង់ជីវិតចាប់តាំងពីមានប្រតិបត្តិការវាយប្រហារយោធា ពី ប្រទេស អ៊ីស្រា អែល ថ្ងៃទី ៨ កក្កដា មកម្ល៉េះ ។ យ៉ាងណាមិញ សេចក្តីរាយការណ៍ពីអង្គការសហប្រជាជាតិសរបញ្ជាក់ បានថា ១៣៥៤ នាក់ ដែលជាជនរងគ្រោះស្លាប់បាត់បង់ជីវិតនោះ គឺជាជនស៊ីវិល ក្នុងនោះរួមមាន ក្មេង ៗចំនួន ៤១៥ នាក់ និងស្រ្តីភេទ ចំនួន ២១៤ នាក់ ៕
ប្រែសម្រួល ៖ កុសល
ប្រភព ៖ ប៊ីប៊ីស៊ី
- រស់នៅសុទ្ធប្រទេសអ្នកមាន តែអគតិ អារកសម្លាប់ ឪពុក និងបងប្រុសរបស់ខ្លួន (18/03/2017 09:00:00)
- អេហ្ស៊ីប៖ «រូបចម្លាក់បុរាណអាយុកាលជិត ៣,០០០ឆ្នាំដែលទើបគាស់បាន ត្រូវបញ្ជូនទៅសារមន្ទីរជាតិទីក្រុងគែរ!» (17/03/2017 11:33:00)
- ម៉ាឡេស៊ី ចាប់ខ្លួនបុរស ៣នាក់ មានម្នាក់ជាមន្ត្រីសន្តិសុខក្រុមហ៊ុន Malaysia Airlines ដោយសង្ស័យ (01/02/2017 13:56:00)
- ស្របគ្នានឹងឱកាសបុណ្យចូលឆ្នាំចិន, ប្រតិទិនជនជាតិអេហ្ស៊ីបបុរាណ បង្ហាញការពិតអំពី«ផ (25/01/2017 14:52:00)
- ប្រទេសចិន ប្រាប់សហរដ្ឋអាមេរិកឲ្យ «ប្រយ័ត្នមាត់-កមែនទែន» ជុំវិញបញ្ហាសមុទ្រចិនខាងត្បូង! (24/01/2017 16:16:00)
- កន្លែងស្រស់ស្អាតទាំង១០លើពិភពលោក ដែលគ្មានវត្ថមានរថយន្ត (23/01/2017 15:54:00)
- ក្តៅៗ! បាត់លុយជាតិជាង ១១លានដុល្លារ ក្រោយប្រធានាធិបតីហ្គាំប៊ី ព្រមចុះចេញពីតំណែង និងរត់ចោលស្រុក (23/01/2017 11:56:00)
- ត្រូវចាំយូរបន្តិចហើយ! IPad ស៊េរីថ្មីមិនអាចបង្ហាញវត្តមាន ពាក់កណ្តាលឆ្នាំ២០១៧នេះ បានទេ (20/01/2017 12:00:00)
- ឆេះនិងរលំអគារពាណិជ្ជកម្មកម្ពស់ ១៧ជាន់នៅទីក្រុងតេហេរ៉ង់, មនុស្សយ៉ាងតិច៣៨នាក់របួស (19/01/2017 16:30:00)
- BREAKING NEWS: មនុស្សស្លាប់៣០នាក់ ដោយសារគ្រោះរញ្ជួយដី និងគំនរព្រិលសង្កត់មនុស្ស នៅទីក្រុងរ៉ូម (19/01/2017 16:16:00)
ព័ត៌មានអន្តរជាតិ ដែលមើលច្រើន
