ព័ត៌មានកីឡា៖ ដូចអ្វីដែលធ្លាប់បានលើកឡើងម្ដងរួចមកហើយ កាលពីព្រឹកមិញ អំពីជំនួបប្រកួតគ្នារវាងក្រុមម្ចាស់ផ្ទះ Real Madrid ប៉ះជាមួយក្រុមភ្ញៀវ Atletico Madrid បានធ្វើឲ្យមានការស្រែកហ៊ោកញ្ជ្រាវ ស្ទើតែបិទមាត់មិនជិត របស់ទស្សនិកជន លើការបរាជ័យមួយដ៏គួរឲ្យខ្មាស់បំផុតរបស់ក្រុមម្ចាស់ផ្ទះ ត្រូវក្រុមភ្ញៀវ ចាប់ស៊ីតាំងតែពីតង់ទី១ នាទីទី ១ ដើមការប្រកួត ដោយកីឡាករ Fernando Torres ធ្វើឲ្យម្ចាស់បាល់មាសអាម៉ាសបំផុត។
Cristiano Ronaldo ពិតជាមានការសោកស្ដាយជាខ្លាំង រហូតដល់ហ៊ានលុតជង្គង់ស្រែកខ្លាំងៗ ប្រាប់ទៅដល់ក្រុមរបស់ខ្លួនថា គាត់ពិតជាមានការសោកស្ដាយជាខ្លាំង ដែលជួបប្រទះរឿងរ៉ាវបែបនេះ គាត់សុំការអភ័យទោសផងពីមិត្ដភក្ដិរួមក្រុម ថ្នាក់ដឹកនាំ និង អ្នកគាំទ្រទាំងអស់ ។ វាគឺជារឿងមួយដែលមិនគួរកើតទាល់តែសោះ ស្ទើតែ មួយគាគមួយរយហើយសម្រាប់ Real Madrid ដែលប្រឈមមុខនិងរឿងបែបនេះ ហើយកាន់តែសំខាន់ទៀតនោះ គឺការប្រកួតស្ថិតក្នុងទឹកដីរបស់ខ្លួនថែមទៀត ។
Cristiano Ronaldo បានបង្ហាញវត្ដមានមុនពេលប្រកួតយ៉ាងសង្ហាជាមួយពានរង្វាន់ បាល់មាស ទើបតែនឹងទទួលបានថ្មីៗ ។ មិនត្រឹមតែប៉ុណ្ណោះទៀតទេ ទន្ទឹមនឹងចូលដល់ទីលានប្រកួត កីឡាករ Ronaldo ទទួលបានសម្លេងនៃការគាំយ៉ាងត្រហឹង ជាសញ្ញាបង្ហាញពីក្ដីស្រលាញ់គាំទ្រ ដល់កីឡាករ ប៉ុន្ដែពេលចាប់ផ្ដើមការប្រកួតភ្លាម ក្រុមបែជាត្រូវដៃគូរ ស៊ីភ្លាមៗដូចគ្នានៅនាទីទី ១ ហើយក៏ប្រែប្រួលសម្លេងនៃការស្រែកហ៊ោដែរ ។ តែទោះបីជាយ៉ាងណាក៏ដោយ លទ្ធផលនៃការប្រកួតរវាងក្រុមទាំង ២ ទទួលលទ្ធផលគឺ ពិន្ទុ ២ គ្រាប់ស្មើគ្នា ។
អាន៖ ហួសចិត្ដ Real Madrid បានត្រូវក្រុមភ្ញៀវ Atletico Madrid ស៊ីចាប់តាំងពីនាទីទី ១ មិនដែលមាន (មានវីដេអូ)
ដោយ៖ អឿ អ៊ុយ
ប្រភព៖ watoday