CamNews

ស្វែងរកកំរិតខ្ពស់
ព័ត៌មានអន្តរជាតិ 

ផ្ទុះឃ្លាំងគ្រាប់ធំបំផុតនៅឥណ្ឌា បណ្តាលឲ្យមេបញ្ជាការយោធា និង ពលទាហានសរុប ២០នាក់ស្លាប់

(ញូដេលី)៖ មនុស្សយ៉ាងហោចណាស់ ២០នាក់បាត់បង់ជីវិត ក្នុងនោះមានមេបញ្ជាការយោធា ២នាក់ និង ពលទាហាន ១៨នាក់ ព្រមទាំងនាយទាហាន ១៧នាក់ទៀតរងរបួស បន្ទាប់ពីអគ្គីភ័យបានឆាបឆេះ ឃ្លាំងស្តុកគ្រាប់ និងអាវុធជាតិផ្ទុះធំជាងគេ បណ្តាលឲ្យផ្ទុះឡើងដ៏កក្រើក ស្ថិតនៅរដ្ឋ Maharashtra ភាគខាងលិច ប្រទេសឥណ្ឌា។ នេះបើតាមការចេញផ្សាយមុននេះបន្តិច ដោយទីភ្នាក់ងារព័ត៌មានចិន ស៊ិនហួរ នារសៀលថ្ងៃអង្គារ ទី៣១ ខែឧសភា ឆ្នាំ២០១៦។

អគ្គីភ័យខាងលើនេះបានកើតឡើង កាលពីវេលាម៉ោង ១ទៀបភ្លឺថ្ងៃអង្គារនេះ ម៉ោងទីក្រុងញូដេលី ដោយមូលហេតុនៃការផ្ទុះឆេះនេះ នៅមិនទាន់មានការបញ្ជាក់ ពីយោធានោះទេ។ ដោយឡែកប្រជាជន នៅជុំវិញតំបន់នោះប្រមាណជាង ១,០០០នាក់ ត្រូវបានអាជ្ញាធរជម្លៀសចេញទៅកន្លែងមានសុវត្ថិភាព ទាំងយប់តែម្តង។ ចំពោះនាយករដ្ឋមន្ត្រីឥណ្ឌាលោក ណារិនដ្រា ម៉ូឌី បានចេញសារថ្លែងមរណទុក្ខភ្លាមៗ ក្រោយកើតហេតុតែប៉ុន្មានម៉ោងប៉ុណ្ណោះ។

គួរបញ្ជាក់ថា ឃ្លាំងស្តុកគ្រាប់ក្នុងមូលដ្ឋានយោធា Pulgaon នៅភាគខាងលិចឥណ្ឌានោះ គឺជាឃ្លាំងដ៏ ធំបំផុតក្នុងប្រទេស មានចម្ងាយ ១១០គីឡូម៉ែត្រពីទីក្រុង Nagpur របស់រដ្ឋ Maharashtra ។ ទីតាំង ឃ្លាំងនេះក៏ធ្លាប់ទទួលបានពានរង្វាន់ផងដែរ ទៅការប្រើប្រាស់ថាមពលព្រះអាទិត្យ ដើម្បីការពារផលប៉ះពាល់ទៅ ដល់អាវុធជាតិផ្ទុះទាំងឡាយ ប៉ុន្តែពេលនេះអគ្គីភ័យបានកើតឡើង នាំឲ្យមានការសង្ស័យថាជាទង្វើរបស់ មនុស្សជាក់ជាមិនខាន៕



ផ្តល់សិទ្ធដោយ ៖ ហ្វ្រេសញូវអាស៊ី


Tags: india,  libya,  UAE,  Heatwave, 

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......