យន្តហោះក្រុមហ៊ុន Jetstar និង AirAsia ប៊ិះបុកគ្នានៅអាកាសយានដ្ឋានអូស្ត្រាលី
(ស៊ីដនី)៖ យន្តហោះរបស់ក្រុមហ៊ុន Jetstar និង AirAsia បានប្រឈមមុខនឹងគ្រោះថ្នាក់ ដោយប៊ិះនឹងប៉ះទង្គិចគ្នាលើ ដែនអាកាសអំឡុងពេលចុះចតនៅព្រលានយន្តហោះក្នុងតំបន់ Gold Coast នៃប្រទេសអូស្ត្រាលីទៅហើយ។ នេះបើតាមការចេញផ្សាយ ដោយទីភ្នាក់ងារព័ត៌មានចិនស៊ិនហួរ នាព្រឹកថ្ងៃសុក្រ ទី២៩ ខែកក្កដា ឆ្នាំ២០១៦។
អាជ្ញាធរអូស្ត្រាលីបានបញ្ជាក់នៅមុននេះបន្តិចថា តាមពិតទៅហេតុការណ៍ដ៏គួរឲ្យព្រឺព្រួចខាងលើនេះ បានកើតឡើង តាំងពីថ្ងៃព្រហស្បតិ៍មកម្ល៉េះ ដោយយន្តហោះរបស់ AirAsia បានហោះចូលមកកៀកយន្តហោះ Jetstar ចម្ងាយពីគ្នា តែ១៥២ម៉ែត្រប៉ុណ្ណោះ ជាហេតុនាំឲ្យសំឡេងប្រកាសអាសន្ន រោទ៍ឡើងពេញបន្ទប់បញ្ជាការហោះហើរតែម្តង។
ការិយាល័យសុវត្ថិភាពដឹកជញ្ជូនអូស្ត្រាលី បានឲ្យដឹងថា ពីឡុតរបស់យន្តហោះ Jetstar ត្រូវបានបង្ខំឲ្យហោះទៅ ចុះចតនៅផ្លូវផ្សេង ក៏ព្រោះតែយន្តហោះ AirAsia បានបង្ខំយកផ្លូវដែលខ្លួនត្រូវចុះចតនោះ ក្នុងន័យរំដោះខ្លួនពី ភាពអាសន្ន ខណៈសំឡេងប្រកាសអាសន្នបានលាន់ឮពាសពេញបន្ទប់ទៅហើយ។
គួរបញ្ជាក់ថា កម្រិតដែលយន្តហោះកំពុងដំណើរការហោះហើរលើអាកាស ឬត្រៀមចុះចតអាចមានចម្ងាយកៀកគ្នា បំផុតត្រឹមតែ ៣០៥ម៉ែត្រប៉ុណ្ណោះ ចុះទម្រាំពេលនេះវាកៀកគ្នាខ្លាំងជាងកម្រិតប្រកាសអាសន្នរហូតដល់ ១៥២ម៉ែត្រវិញ តើវាគួរឲ្យព្រឺក្បាលបែបណាទៅ? ហេតុការណ៍នេះបានកើតឡើងនៅព្រលានយន្តហោះ Coolangatta នៃរដ្ឋQueensland នៃប្រទេសអូស្ត្រាលី ហើយសម្រាប់យន្តហោះ Jetsrart ជាប្រភេទ A320 ដឹកមនុស្ស ១៨០នាក់ ដោយឡែកយន្តហោះ AirAsia ជាប្រភេទ A330៕
ប្រភព ៖ ស៊ិនហួរ
ផ្តល់សិទ្ធដោយ ៖ ហ្វ្រេសញូវអាស៊ី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
