CamNews

ស្វែងរកកំរិតខ្ពស់
ព័ត៌មានអន្តរជាតិ 

ដោយសារស្និទ្ធស្នាលនឹងគ្នា យុវវ័យឥណ្ឌូនេស៊ី១៣នាក់ ត្រូវគេវាយនឹងរំពាត់ នៅចំពោះមុខមហាជន

យុវវ័យឥណ្ឌូនេស៊ី ១៣នាក់ ក្នុងនោះមាននារីម្នាក់ ត្រូវបានគេពិន័យដោយវាយនឹងរំពាត់ នៅចំពោះ
មុខមនុស្សរាប់រាប់រយនាក់ ព្រោះតែមានកាយវិការស្និទ្ធស្នាលនឹងគ្នា។

កាលពីថ្ងៃទី ១៧តុលា នៅឯវិហារអ៊ីស្លាមមួយនៅក្នុងទីរួមខែត្រ Banda Aceh យុវវ័យ៦គូដែលមាន
វ័យចាប់ពី ២១ដល់៣០ឆ្នាំ ត្រូវបានគេដាក់ពិន័យ ក្រោមការចោទប្រកាន់ពីបទស្និទ្ធស្នាលជាមួយ
មនុស្សផ្ទុយភេទនៅពេលមិនទាន់រៀបការ ដូចជាប៉ះពាល់ ឱប និងថើបគ្នាជាដើម។

បុរសម្នាក់ផ្សេងទៀត ក៏ត្រូវបានពិន័យ ព្រោះបាននៅជាមួយមនុស្សផ្ទុយភេទនៅទីកំបាំង។ ក្នុង
វិន័យនៃសាសនាអ៊ីស្លាមបានចែងថា ប្រការនេះ អាចនឹងនាំឱ្យមានអំពើផិតក្បត់។

ក្នុងចំណោមមនុស្សដែលមានទោស មាននារីម្នាក់អាយុ២២ឆ្នាំ ត្រូវបានពន្យាពេលនៃការដាក់
ពិន័យ ព្រោះនាងកំពុងមានផ្ទៃពោះ ប៉ុន្តែ នារីទាំងឡាយក្រៅពីនេះ សុទ្ធតែបានស្រែកយំក្នុងការ
ឈឺចាប់ពេលត្រូវវាយនឹងរំពាត់នៅចំពោះមុខមហាជនដែលកំពុងស្រែកថ្កោលទោស។

លោក Aceh Zainal Arifin ចៅហ្វាយក្រុងរងរបស់ខែត្រ Banda Aceh បានឱ្យដឹងថា លោកសង្ឃឹម
ថា ការពិន័យដោយរំពាត់នេះនឹងមានប្រសិទ្ធភាព។ លោកថ្លែងថា “យើងខ្ញុំសង្ឃឹមថា ក្នុងអនាគត
នឹងមិនមានអ្នកបំពានច្បាប់នៅ Banda Aceh”។

Banda Aceh គឺជាខែត្រតែមួយគត់នៅ ឥណ្ឌូនេស៊ី ដែលប្រើប្រាស់ច្បាប់សាសនាអ៊ីស្លាម Sharia
បន្ទាប់ពីបានទទួលសិទ្ធិគ្រប់គ្រងដោយស្វ័យភាពចាប់ពីឆ្នាំ ២០១១ ក្នុងកិច្ចប្រឹងប្រែងបញ្ឈប់ការ
បះបោរទាមទារឯករាជ។

ក្នុងវិន័យនៃសាសនាអ៊ីស្លាមក៏បានចែងថា អ្នកដែលបានបំពានច្បាប់ដូចជា លេងល្បែងស៊ីសង ផឹក
ស្រា មានទំនាក់ទំនងផ្លូវភេទនៃមនុស្សភេទដូចគ្នាជាដើម នឹងត្រូវបានគេដាក់ពិន័យដោយវាយនឹង
រំពាត់៕

ប្រែសម្រួល ៖ តារា
ប្រភព ៖ Dailymail


Tags: អ៊ីស្លាម,  ឥណ្ឌូនេស៊ី,  ដាក់ពិន័យ,  វាយ​នឹង​រំពាត់

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......