មេបញ្ជាការប៉ូលិសម៉ាឡេស៊ី «ចេញមុខធានាសុវត្ថិភាពជូនសមាជិកគ្រួសារ ដែលមកយកសពលោក គីម ជុងណាំ»ឲ្យបានតឹងរ៉ឺង
(គូឡាឡាំពួរ)៖ ខណៈពេលមានព័ត៌មានចុះផ្សាយព្រោងព្រាតថា កូនប្រុសរបស់លោក គីម ជុងណាំ បានធ្វើដំណើរមកដល់ទីក្រុងគូឡាឡាំពួរនៃប្រទេសម៉ាឡេស៊ី ដើម្បីទទួលយកសាកសពរបស់ឪពុកនោះ មេបញ្ជាការប៉ូលិសម៉ាឡេស៊ីលោក Abd Samah Mat បានថ្លែងឲ្យដឹងថាសមាជិកក្រុមគ្រួសារទាំងឡាយណាដែលបានមកដល់ទីនេះ នឹងទទួលបានការការពារយ៉ាងចិត្តទុកដាក់បំផុតពីសំណាក់កងកម្លាំងប៉ូលិសម៉ាឡេស៊ី។ នេះបើតាមការចេញផ្សាយដោយសារព័ត៌មាន Channel News Asia នៅមុននេះបន្តិចនាព្រឹកថ្ងៃអង្គារ ទី២១ ខែកុម្ភៈ ឆ្នាំ២០១៧។
លោក Samah បានបញ្ជាក់ថាមកទល់ព្រឹកថ្ងៃអង្គារនេះពុំទាន់មានសមាជិកក្រុមគ្រួសារណាម្នាក់របស់លោក គីម ជុងណាំ បានមកទទួលយកសាកសពនៅឡើយទេ ក៏ប៉ុន្តែបើសិនជាពួកគេបានមកកាន់ទីនេះដើម្បីធ្វើដូច្នោះនោះ វត្តមានរបស់ពួកគេនៅម៉ាឡេស៊ីនឹងមិនត្រូវលាតត្រដាងឲ្យសាធារណជនបានឲ្យដឹងនោះឡើយរហូតដល់ដំណាក់កាលដែលចាំបាច់បំផុត ដើម្បីធានាសុវត្ថិភាពរបស់ពួកគេ។
លោកមេបញ្ជាការប៉ូលិសរូបនេះបានបន្តថា បើសិនជាសមាជិកគ្រួសារណាម្នាក់ស្ថិតនៅទីនេះ ពួកគេនឹងត្រូវនាំយកទៅកាន់មន្ទីរពេទ្យនៃរដ្ឋធានីគូឡាឡាំពួរដើម្បីធ្វើការកំណត់អត្តសញ្ញាណសាកសពជនរងគ្រោះ និងប្រគល់គំរូ DNA។ ក្រោយមកប្រសិនបើប៉ូលិសឯកភាពថាបុគ្គលនោះ ពិតជាកូនចៅរបស់ជនរងគ្រោះប្រាកដមែន សាកសពលោក គីម ជុងណាំ នឹងត្រូវប្រគល់ដល់ដៃរបស់សមាជិកគ្រួសាររូបនោះ ហើយអាជ្ញាធរម៉ាឡេស៊ីនឹងបញ្ជូនដំណឹងទៅកាន់ស្ថានទូតកូរ៉េខាងជើង។
ជុំវិញបញ្ហានេះមានសេចក្តីរាយការណ៍ព័ត៌មានថា លោក គីម ហាន់សូល ដែលជាកូនប្រុសរបស់លោក គីម ជុងណាំ ទំនងបានធ្វើដំណើរមកដល់ទីក្រុងគូឡាឡាំពួរ តាមជើងហោះហើរនៃក្រុមហ៊ុនអាកាសចរណ៍ AirAsia ពីទីក្រុងម៉ាកាវ ហើយការមកដល់នេះធ្វើឡើងបន្ទាប់ពីអាជ្ញាធរម៉ាឡេស៊ីប្រកាសថានឹងប្រគល់សាកសពលោក គីម ត្រឡប់ទៅវិញបើសិនជាក្រុមគ្រួសារ សាច់ញាតិរបស់លោកយល់ព្រមផ្ដល់គំរូ DNA។
គួរបញ្ជាក់ថាកូរ៉េខាងជើងក៏បានទាមទារឲ្យម៉ាឡេស៊ីប្រគល់សាកសពលោក គីម ជុងណាំ ទៅឲ្យស្ថានទូតរបស់ខ្លួនប្រចាំនៅទីក្រុងគូឡាឡាំពួរភ្លាមៗផងដែរដោយពុំចាំបាច់ធ្វើកោសល្យវិច័យអ្វីឡើយ ក៏ប៉ុន្តែត្រូវបានបដិសេធ ដោយអាជ្ញាធរម៉ាឡេស៊ីបានលើកឡើងថាការស្លាប់នោះបានកើតឡើងយ៉ាងទាន់ហន់ និងពោរពេញដោយអាថ៌កំបាំង។
ដោយឡែកនាព្រឹកថ្ងៃអង្គារនេះគេបានសង្កេតឃើញថាមានក្បួនរថយន្តគ្មានសញ្ញាសម្គាល់ចំនួនបួនគ្រឿងបានធ្វើដំណើរចូលទៅកាន់បរិវេណនៃមន្ទីរពេទ្យគូឡាឡាំពួរអមដោយកងកម្លាំងពិសេសប្រមាណជា ៣០នាក់ការពារសន្តិសុខជុំវិញទីនោះ ដែលទីកន្លែងតម្កល់សាកសពលោក គីម ជុងណាំ ប៉ុន្តែពុំមានសារព័ត៌មានណាបញ្ជាក់បន្ថែមពីរឿងនេះឡើយ៕
ប្រភព ៖ CNA
- ទោះបីទទួលមរណភាពច្រើនឆ្នាំហើយ តែហ្វេនមិនដែលភ្លេចសារជូនពរថ្ងៃកំណើតរបស់ Jonghyun នោះទេ (03/05/2019 15:25:00)
- ព្រោះតែតារាចម្រៀង SHINee ទើបធ្វើឲ្យបុរសម្នាក់.....!! (24/04/2019 10:42:00)
- Lee min ho នឹងត្រលប់មកសម្តែងរឿងធម្មតាវិញ ក្នុងកំឡុងពេលបីថ្ងៃខាងមុខនេះ (22/04/2019 16:50:00)
- មិននឹកស្មានថា MV បទ "Kill This Love" របស់ Blackpink មានអ្នកទស្សនាច្រើនដល់ថ្នាក់នេះ ខណៈទើបផុសបាន ១៥ (05/04/2019 13:43:00)
- តារាកូរ៉េទាំង ៩ ដែលមានធ្មេញសរ ចែងចាំង គួរឲ្យទាក់ទាញ (22/03/2019 15:25:00)
- Minho នឹងធ្វើរឿងមួយសិនជូនហ្វេនសិន មុនពេលចូលបម្រើសេវាយោធា (21/03/2019 14:45:00)
- តារាចម្រៀង Park Bom នឹងត្រលប់មកវិញ ជាមួយឹងអាល់ប៊ុមថ្មី នៅខែក្រោយ (15/02/2019 11:33:00)
- តារាចម្រៀងកូរ៉េ នាង Suran នឹងចេញអាល់ប៊ុមខ្នាតតូចថ្មី នៅខែនេះ (14/02/2019 11:42:00)
- បែកធ្លាយដំណឹងថា Suzy និង Lee Min Ho ត្រលប់ទៅបង្កាត់ភ្លើងស្នេហ៍ចាស់ (11/02/2019 11:45:00)
- អ្នកគាំទ្រខឹងសម្បារខ្លាំង ក្រោយ YG បម្រុងរាំស្លៀកឈុតដូច Lisa (14/01/2019 10:07:00)
ព័ត៌មានអន្តរជាតិ ដែលមើលច្រើន
