សោកនាដកម្ម កីឡាករទៀតហើយ, ៣០នាក់ស្លាប់ ក្រោយទូកដឹកក្រុមកីឡាករបាល់ទាត់ ក្រឡាប់លិចនៅឯបឹង
(អ៊ូហ្គង់ដា)៖ មនុស្សយ៉ាងហោចណាស់ចំនួន៣០នាក់បានលង់ទឹក នៅក្រោយពេលដែលទូកផ្ទុក ទៅដោយកីឡាករបាល់ទាត់មួយក្រុម រួមជាមួយនិងអ្នកគាំទ្រ របស់ពួកគេបានក្រឡាប់លិច នៅលើបឹងអាល់បឺត (Lake Albert) ក្នុងប្រទេសអ៊ូហ្គង់ដា។ នេះបើតាមសម្តីមន្រ្តីប៉ូលិសអ៊ូហ្គង់ដា ដែលចេញផ្សាយដោយសារព័ត៌មាន BBC នៅមុននេះបន្តិចនាព្រឹកថ្ងៃអង្គារ ទី២៧ ខែធ្នូ ឆ្នាំ២០១៦។
មន្រ្តីប៉ូលិសអ៊ូហ្គង់ដា ដែលនៅនឹងតំបន់កើតហេតុបានឲ្យដឹងថា ទូកដែលផ្ទុកមនុស្សណែនតាន់តាប់ខាងលើ បានដឹកមនុស្សប្រមាណជា៤៥នាក់ ហើយនៅពេលដែលវាបានបាត់បង់លំនឹងរួចក៏ក្រឡាប់លិច ដោយសារតែអ្នកដំណើរច្រើនគ្នាពេកបានចល័ត ទៅកាន់ផ្នែកម្ខាងនៃទូក។ ខណៈមកទល់ព្រឹកថ្ងៃចន្ទនេះ សាកសពមនុស្សចំនួន០៩នាក់ ត្រូវបានគេរកឃើញ និងអ្នកដំណើរចំនួន១៥នាក់ទៀតត្រូវគេជួយសង្រ្គោះបានទាន់ពេលវេលា ហើយក្រុមអ្នកនេសាទក៏កំពុងតែស្វះស្វែង ជួយអាជ្ញាធរដើម្បីតាមរកជនរងគ្រោះជាង២០នាក់ទៀត ដែលនៅតែបន្តបាត់ខ្លួននៅឡើយផងដែរ។
គួរបញ្ជាក់ដែរថា អ្នកដំណើរភាគច្រើនបានស្ថិតនៅក្នុងសភាពស្រវឹងជោគ អំឡុងពេលពួកគេធ្វើដំណើរនៅលើទូក ដែលបានជួបគ្រោះថ្នាក់ ហើយមនុស្សមួយក្រុមនេះ មានគោលដៅចេញពីស្រុក Buliisa ដើម្បីទៅចូលរួមការប្រកួតបាល់ទាត់មួយ នាឱកាសនៃបុណ្យគ្រីស្មាស់នៅក្នុងស្រុក Hoima ដោយបានច្រៀងលេង យ៉ាងសប្បាយរីករាយនៅមុនពេលជួបសោកនាដកម្ម ដ៏គួរឲ្យស្តាយនេះ៕
ប្រភព ៖ ប៊ីប៊ីស៊ី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
