CamNews

ជាការពិតណាស់ថា សំលៀកបំពាក់ក៏ដូចជាវត្ថុប្រើប្រាស់ផ្សេងៗភាគច្រើនត្រូវធ្វើការ
ព្រាងម៉ូតជាមុនសិន មុននិងបញ្ជេញលក់នៅលើទីផ្សារ។ ដោយឡែកនៅក្នុងករណីនេះ
នាង Kara Koskowich បានរចនាម៉ូតសំលៀកបំពាក់ដោយខ្លួននាងផ្ទាល់ដែលម៉ូត
សំលៀកបំពាក់នេះ ត្រូវបានធ្វើឡើងដោយក្រដាស Homework ចាស់ជាច្រើនក្នុងការ
ចូលរួមថ្ងៃបញ្ជប់ការសិក្សា។



ច្បាស់ណាស់ថា ភាគច្រើននៃសិស្សនិស្សិតប្រាកដជានិងមិនមើលសន្លឹកកិច្ចការផ្ទះជាថ្មីម្តង
ទៀតទេក្រោយពីពួកគេបានបញ្ជប់ការសិក្សា​ ក៏ប៉ុន្តែនាង Kara Koskowich ដែលមានវ័យ១៧
ឆ្នាំ បាននឹកឃើញគំនិតថ្មីមួយភ្លែកៗក្នុងការយកសន្លឹក Homework មកធ្វើជាសំលៀកបំពាក់
ដើម្បីចូលរួមក្នុងពិធីបញ្ជប់ការសិក្សារបស់គេ។​ សំរាប់ខ្ញុំវាមិនមែនជារឿងធំដុំអ្វីនោះទេ ហើយ
ក៏មិនចាំបាច់ចំណាយលុយច្រើន វាមើលទៅស្រស់ស្អាតនិង សមល្មមដែលយើងអាចទទួលយក
បាន យុវតីជនជាតិកាណាដារូបនេះបានប្រាប់​ដល់ CBC ដូច្នេះទើបនាងធ្វើវាឡើងដោយមានគំ
និតច្នៃប្រឌិត​ និងមានតែមួយគត់ ដោយនាងមិនចាំបាច់ទៅដើរមើលសំលៀកបំពាក់នៅឯផ្សារ
នោះទេ។ នាងបាននឹកឃើញគំនិតនេះតាំងពីខែមិនាមកម្ល៉េះ ហើយនាងក៏បានធ្វើវាតាំងពីពេល
នោះមក ធ្វើយ៉ាងណាអោយទាន់និងកម្មវិធីដ៏អស្ចារ្យនេះ។

                  សំលៀកបំពាក់ដែលធ្វើចេញពីក្រដាស Homework គណិតវិទ្យា

នាង Kara Koskowich បានធ្វើវាឡើងដោយសរុបសន្លឹក Homework គណិតវិទ្យារបស់នាងទាំង
អស់មានចំនួន៧៥ទំព័រ និងបង្រ្គប់វាដោយបន្ថែមនូវខ្សែក្រវ៉ាត់ចំរុះពណ៌ដ៏ស្រស់ស្អាតថែមទៀត
ផង។ នាងក៏បានចំណាយច្រើនថ្ងៃគួរសមដែរក្នុងការធ្វើវា ដោយនាងព្យាយាម កាត់ផង​ ដេរប៉ាក់
ផង​ បិទជ័រកាវផង ដែលជាលទ្ធផលនាងក៏ទទួលបានសំលៀកបំពាក់ក្រដាសមួយនេះ។​ អ្វី
ដែលជារឿងពិបាកនោះគឺថា នាងរួមនឹងមិត្តនាងម្នាក់ទៀតដែលមានឈ្មោះថា Dorothy
Graham បានព្យាយាមធ្វើវាដោយផ្ចិតផ្វង់ ដែលជាចុងក្រោយនាងក៏ទទួលបានពាក្យសរសើរ
ទៅលើការច្នៃប្រឌិតសំលៀកបំពាក់នេះ​ ហើយវាក៏ជារឿងកំប្លែងមួយដែលអ្នករាល់គ្នាមាន
ស្លៀកសំលៀកបំពាក់ដែលមានតំលៃថ្លៃ ខណៈពេលដែលនាងខ្ញុំបានស្លៀកសំលៀកបំពាក់
ដែលគ្មានតំលៃ តែអ្វីដែលអស្ចារ្យនោះគឹថា ខ្ញុំទទួលបានការគាំទ្រយ៉ាងខ្លាំងនាពេលនោះ៕

ដោយ ៖ រិទ្ធី
ប្រភព ៖ odditycentral