ខ្មាន់កាំភ្លើង បន្សល់ សារ ស្អប់ខ្ពើម នៅកន្លែងកើតហេតុ ខណៈ Obama ខឹងសម្បារ ជាខ្លាំង វប្បធម៌ច្រំដែល
ព័ត៌មានអន្តរជាតិ ៖ ស្ថិតនៅក្នុងវ័យ ២៦ ឆ្នាំខ្មាន់កាំភ្លើង មកពី រដ្ឋ Oregon សហរដ្ឋអាមេរិក ដែល បានបង្កជាភាពភ្ញាក់ផ្អើល ដល់សង្គមមនុស្សទូទាំងពិភពលោក ជាមួយនឹងការបាញ់សម្លាប់រង្គាល របស់ខ្លួននោះ ខ្មាន់កាំភ្លើងរូបនេះ ធ្លាប់បានលើកឡើងអោយដឹងថា ៖ "សម្លាប់មនុស្សកាន់តែច្រើន មុខមាត់របស់អ្នកកាន់តែមានមនុស្សស្គាល់" ។
គួររំឮកថា ខ្មាន់កាំភ្លើង កាលពីសប្តាហ៍កន្លងទៅនេះ ថ្ងៃព្រហស្បត្តិ៍ បានបើកការវាយប្រហារ បាញ់ សម្លាប់រង្គាលមនុស្ស នៅ ឯ សាកលវិទ្យាល័យ សហគមន៍ Umpqua ក្នុង ទី ក្រុង Roseburg រដ្ឋ Oregon សហរដ្ឋអាមេរិក ជាមួយនឹង វត្តមាន ពាក់អាវក្រោះ ដៃប្រដាប់ដោយកាំភ្លើង ៤ ដើម ខ្លី ៣ ដើម និងវែងមួយដើម ឈានទៅសម្លាប់សិស្សនិស្សិត ហោច ណាស់ ៩ នាក់ ស្របពេលដែល ៩ នាក់ផ្សេងទៀត រងរបួសធ្ងន់ និងស្រាល ។ បេក្ខភាព សាក្សីរស់ ដែលបានឃើញហេតុការណ៍ផ្ទាល់ ភ្នែកអោយដឹងថា ខ្មាន់កាំភ្លើង បានបញ្ជា អោយ ចំណាប់ខ្មាំងរបស់ខ្លួន ក្រោកឈរ ឡើង រួចសារ ភាពអោយច្បាស់ ថាតើ ខ្លួនប្រតិបត្តិសាសនាអ្វីអោយប្រាកដ មានលក្ខខ័ណ្ឌ ២ ដែលជនរងគ្រោះ មិនអាចគេចផុតពីសេចក្តីស្លាប់ ពោល ក្នុងលក្ខខ័ណ្ឌ ទី ១ បើសិនជាឆ្លើយថា កាន់សាសនា គ្រឹស្តិ នោះនឹងមានការបាញ់សម្លាប់ចំក្បាល ដោយ ខ្មាន់កាំភ្លើង ស្រែកបន្លឺ ឡើងថា ៖ ល្អណាស់ ចឹងទេ ឯងនឹងឃើញព្រះបន្តិចទៀតនេះ ដោយឡែក លក្ខខ័ណ្ឌទី ២ ក្នុងករណីឆ្លើយថា ប្រតិបត្តិសាសនា ដទៃក្រៅពីសាសនាគ្រឹស្តិ នោះនឹងមានការបាញ់សម្លាប់ ត្រង់ដងខ្លួន ។
អាជ្ញាធរ ក្នុង រដ្ឋ Oregon បាននិយាយថា ជន ប្រដាប់ អាវុធ ម្នាក់ ដែលបានបាញ់កាំភ្លើងសម្លាប់មនុស្សនៅក្នុង មហាវិទ្យាល័យសហគមន៍មួយបានបន្សល់កំណត់ ហេតុពោរពេញទៅដោយភាពស្អប ខ្ពើមមួយ នៅកន្លែងកើតហេតុ។
បណ្តាញ ទូរទស្សន៍អាមេរិកាំង NBC និង CBS បានដកស្រង់ពាក្យសម្តីពី ប្រភពផ្លូវការមួយដែលបាននិយាយកាលពី រសៀលថ្ងៃសុក្រថា អ្នកបាញ់កាំភ្លើងនេះ «មាន អារម្មណ៍ ថាពិភពលោកប្រ ឆាំងនឹងគាត់»។ បុរសនេះបានសរសេរថា គាត់ «ឋិតក្នុងផ្លូវខុស» និងថាគាត់គ្មានសង្សារទេ ដោយបន្ថែមថាគាត់ «គ្មានជីវិតឡើយ»។
នៅ ក្នុងសារគាត់ដែលវាយតាមកុំព្យូទ័រមានច្រើនទំព័រ ឈ្មោះ Christopher Harper Mercer អាយុ២៦ឆ្នាំ ដែលបានបាញ់សម្លាប់និស្សិត ៩ នាក់ និងបានធ្វើឱ្យនិស្សិត៩នាក់ទៀតត្រូវរបួសនៅមុនពេលគាត់ត្រូវបាន សម្លាប់នៅក្នុងការបាញ់កាំភ្លើងតគ្នាជាមួយក្រុមប៉ូលិសនៅក្នុង មហាវិទ្យាល័យសហគមន៍ Umpqua ក៏បានសរសេរដែរថាគាត់នឹង «ត្រូ វស្វាគមន៍ នៅក្នុងឋាននរក និងត្រូវឱបក្រសោបដោយបីសាច»។
ក្រុម អ្នកស៊ើបអង្កេតសហព័ន្ធបានរកឃើញអាវុធ១៣ដើម របស់ជនប្រដាប់អាវុធតែ ម្នាក់ឯងនេះ ដោយកាំភ្លើង៦ដើមត្រូវបានរកឃើញនៅក្នុងមហាវិទ្យាល័យនោះ និង៧ដើមទៀតនៅក្នុងផ្ទះរបស់ជននេះ ។ ដោយឡែក ជាមួយ នឹងវិនាសកម្មចុងក្រោយ នៃ ការវាយប្រហារ បាញ់សម្លាប់មនុស្ស រង្គាលប្រការនេះ ពិតជានាំអោយមានភាពរំជើបរំជួលជាខ្លាំង មនុស្ស ទូទាំងសហរដ្ឋអាមេរិក ជា ពិ សេសរដ្ឋាភិបាល លោក អូបាម៉ា តែម្តង ខណៈលោកអូបាម៉ា ខឹងជាខ្លាំង ជាមួយនឹង វិនាសកម្ម ច្រំ ដែលប្រការនេះ ដោយទទូចអោយសាធារណជន ក៏ដូចជា អាជ្ញាធរពាក់ព័ន្ធ រួមគ្នាធ្វើការផ្លាស់ប្តូរ ច្បាប់កាន់សព្វាវុធនៅសហរដ្ឋអាមេរិក ៕
ប្រែសម្រួល ៖ កុសល
ប្រភព ៖ ដេលីម៉ែល និង វីអូអេញ៉ូវ
- ប៉ូលីស បំបែក ផែនការសម្ងាត់ គ្រោងសម្លាប់នាយករដ្ឋមន្រ្តី ដោយរឹបអូស អាវុធដ៏ច្រើនលើសលប់ (20/03/2017 09:32:00)
- រស់នៅសុទ្ធប្រទេសអ្នកមាន តែអគតិ អារកសម្លាប់ ឪពុក និងបងប្រុសរបស់ខ្លួន (18/03/2017 09:00:00)
- អេហ្ស៊ីប៖ «រូបចម្លាក់បុរាណអាយុកាលជិត ៣,០០០ឆ្នាំដែលទើបគាស់បាន ត្រូវបញ្ជូនទៅសារមន្ទីរជាតិទីក្រុងគែរ!» (17/03/2017 11:33:00)
- មួយយប់ ២០ដង អាមេរិក លេងលើកនេះ យ៉ាងចាស់ដៃ រកតែធ្វើអីមិនកើត (03/03/2017 09:51:00)
- ម៉ាឡេស៊ី ចាប់ខ្លួនបុរស ៣នាក់ មានម្នាក់ជាមន្ត្រីសន្តិសុខក្រុមហ៊ុន Malaysia Airlines ដោយសង្ស័យ (01/02/2017 13:56:00)
- ចូលឆ្នាំចិន តែនៅចិន ណែនាំមិនឲ្យដុតផាវ ព្រោះខ្លាច....... (27/01/2017 14:29:00)
- មេ Facebook ចេញមុខច្រានចោលព័ត៌មានដែលថា ថ្ងៃអនាគតលោកចង់ក្លាយជាប្រធានាធិបតីអាមេរិក! (25/01/2017 15:39:00)
- ស្របគ្នានឹងឱកាសបុណ្យចូលឆ្នាំចិន, ប្រតិទិនជនជាតិអេហ្ស៊ីបបុរាណ បង្ហាញការពិតអំពី«ផ (25/01/2017 14:52:00)
- ប្រទេសចិន ប្រាប់សហរដ្ឋអាមេរិកឲ្យ «ប្រយ័ត្នមាត់-កមែនទែន» ជុំវិញបញ្ហាសមុទ្រចិនខាងត្បូង! (24/01/2017 16:16:00)
- កន្លែងស្រស់ស្អាតទាំង១០លើពិភពលោក ដែលគ្មានវត្ថមានរថយន្ត (23/01/2017 15:54:00)
ព័ត៌មានអន្តរជាតិ ដែលមើលច្រើន
