អច្ឆរិយវត្ថុរបស់ខ្មែរ(ភាគទី៣)៖ប្រាសាទព្រះវិហារ
ប្រាសាទព្រះវិហាររបស់កម្ពុជាស្ថិតក្នុងភូមិស្វាយជ្រំ ឃុំកន្ទួត ស្រុកជាំខ្សាន្ត ក្នុងខេត្រព្រះវិហារ
នៅលើខ្នងភ្នំដងរែក ដែលដងភ្នំនេះមានលក្ខណៈចោទខ្លាំងពីខាងប្រទេសកម្ពុជា និងជម្រាល
ពីខាងប្រទេសថៃ និងមានជណ្ដើរមួយ ដែលអាចឲ្យគេឡើងទៅដល់កំពូលភ្នំ ដែលជាទីតាំងនៃ
ប្រាសាទព្រះវិហារ។ ប្រាសាទព្រះវិហារមានចម្ងាយ ៤០៥គីទ្បូមែត្រពីទីក្រុងភ្នំពេញ។
ប្រាសាទព្រះវិហារគឺជាតំបន់ប្រវត្តិសាស្ត្រមួយដែលមានឈ្មោះថា សិក្ខាគីរីស្វារៈ មានន័យថា
អំណាចនៃភ្នំ ហើយត្រូវបានសាងសង់ឡើងនៅក្នុងអំឡុងចុងសតវត្សទី៩ និងដើមសតវត្សទី១០
ដោយព្រះមហាក្សត្រ៤អង្គព្រះនាម៖ ព្រះបាទយសោវរ្ម័នទី១ (សាងសង់ក្នុងគ.ស ៨៨៩-៩១០)
ព្រះបាទសូរ្យវរ្ម័នទី១(សាងសង់ក្នុងគ.ស ១០០២-១០៥០) ព្រះបាទសូរ្យវរ្ម័នទី២ (សាងសង់ក្នុង
គ.ស ១១១៣-១១៥០) និងព្រះបាទជ័យវរ្ម័នទី៦ (សាងសង់ក្នុងគ.ស ១០៨០-១១០៩)។
ប្រាសាទព្រះវិហារត្រូវបានកាន់កាប់ដោយខុសច្បាប់ពីសំណាក់ប្រទេសថៃ ក្នុងឆ្នាំ១៩៥៤ តែ
ត្រូវទាមទារបានមកវិញដោយការកាត់សេចក្ដីពីតុលាការអន្តរជាតិ ក្រុងទ្បាអេ ១៥ មិថុនា ១៩៦២
ក្រោមព្រះរាជកិច្ចដឹកនាំរបស់ព្រះមហាក្សត្រខ្មែរ។ រហូតមកទល់នឹងថ្ងៃទី ៧ កក្កដា ឆ្នាំ ២០០៨
អង្គការ UNESCO បានសម្រេចដាក់ប្រាសាទព្រះវិហាររបស់កម្ពុជាចូលក្នុងបញ្ជីបេតិកភណ្ឌ
ពិភពលោក ក្នុងសម័យប្រជុំលើកទី៣២ នៅក្នុងទីក្រុងកេបិក ប្រទេសកាណាដា។
ប្រាសាទព្រះវិហារត្រូវបានស្ថាបនាឡើងពីថ្ម ចាប់តាំងពីរជ្ជកាលព្រះបាទសុរិយវរ្ម័នទី១។
ទីតាំងធ្វើប្រាសាទ ដែលស្ថិតនៅលើទីខ្ពស់ជាងគេ នោះមានកំពស់ ៦២៥ម៉ែត្រ(ឯកសារបារាំង)
ឬ ៦១៥ម៉ែត្រ(ឯកសារអង់គ្លេស)។
ប្រាសាទព្រះវិហារមានជណ្តើរឡើង ស្ថិតនៅក្នុងទឹកដីថៃនាពេលបច្ចុប្បន្ន នេះគឺដោយសារតែ
កាលពីបុរាណសម័យ ប្រទេសកម្ពុជាមានទឹកដីធំល្វឹងល្វើយ លាតសន្ឋឹងទៅដល់ប្រទេសថៃ៕
ដោយ ៖ សូរីយ៉ា
ដកស្រង់ពី ៖ cbd/vkpd
- អូអុិឈិ តែបៃតងលេខ១ នៅកម្ពុជា រកឃើញអ្នកឈ្នះរង្វាន់ ៨នាក់ ពីកម្មវិធី (05/03/2019 17:02:00)
- គន្លឹះទាំងនេះ ជួយឱ្យអ្នកស្រកខ្លាញ់ក្បាលពោះយ៉ាងមានប្រសិទ្ធភាព (04/03/2019 16:07:00)
- ហេតុអ្វី ខ្ញុំមិនប្រសើរដូចគេ? វគ្គ១ (27/02/2019 12:05:00)
- វីធីរក្សាជីវិតគូឲ្យបានយួរអង្វែង (20/02/2019 14:36:00)
- រៀបការបានមួយខែ នី រតនា មានកាដូពិសេសជូនហ្វេនៗ (19/02/2019 09:59:00)
- តោះមកដឹងទីតាំងដែល តារាចម្រៀង សុខ ពិសី ប្រកាសអញ្ជើញលោកតា លោកយាយ ដែលខ្វះខាតមកពិសារបាយថ្ងៃមួយពេល (13/02/2019 12:04:00)
- សុខ ពិសី មិនត្រឹមតែស្អាត និងច្រៀងពិរោះប៉ុណ្ណោះទេ តែថែមទាំងចិត្តល្អទៀត! តើនាងធ្វើអំពើល្អអ្វីខ្លះទៅ (12/02/2019 13:45:00)
- មិននឹកស្មានថា ស្លឹកត្របែកក៏អាចព្យាបាលរោគស្រ្ដីប្រភេទនេះបានដែរ! (09/02/2019 09:08:00)
- វិធីទាក់ចិត្ដបុរសឱ្យលង់ស្នេហ៍នឹងអ្នក ដែលអ្នកមិនធ្លាប់ដឹង (30/01/2019 15:08:00)
- សុខ ពិសី ទប់ទឹកភ្នែកលែងជាប់ ក្រោយម្តាយ ខេមរៈ ស្រីពៅ រៀបរ៉ាប់រឿងរ៉ាវមុនពេលនាងទទួលមរណភាព (28/01/2019 11:07:00)
យល់ដឹង ដែលមើលច្រើន
