CamNews

ស្វែងរកកំរិតខ្ពស់
ព័ត៌មានអន្តរជាតិ 

ចូរប្រុង​ប្រយ័ត្ន! អាជ្ញាធរវៀតណាម ទើបរកឃើញផលិតផលទឹកត្រីក្នុងស្រុក ផ្ទុកសារធាតុគ្រោះថ្នាក់កម្រិតខ្ពស់

(ហាណូយ)៖ យោងតាមសារព័ត៌មានវៀតណាម VBN ចេញផ្សាយនៅល្ងាចថ្ងៃអង្គារ ទី១៨ ខែតុលា ឆ្នាំ២០១៦ នេះថា ក្រុមអ្នកគាំពារសិទ្ធិអតិថិជន បានធ្វើការត្រួតពិនិត្យនូវគំរូផលិតផល ទឹកត្រីចំនួន ១៥០ប្រភេទ មកពីផលិតរបស់វៀតណាម និងថៃ សរុប៨៨ម៉ាក ហើយក្នុងនោះ ៦៧ភាគរយ​ នៃផលិតផលទាំងអស់ត្រូវបានគេរកឃើញថា បានផ្ទុកសារធាតុ «អាក់សេនិច» (Arsenic) ក្នុងកម្រិតខ្ពស់មួយ។

សមាគមស្តង់ដារ និងអ្នកប្រើប្រាស់វៀតណាម ត្រូវបានណែនាំឲ្យមានការប្រុងប្រយ័ត្នខ្ពស់បន្ថែមទៀត​ជុំវិញផលិតផលទឹកត្រីជាច្រើនប្រភេទ ដែលពលរដ្ឋវៀតណាម​កំពុងពេញនិយម ដោយក្នុងនោះ គេបានរកឃើញថា ក្នុងចំណោម ១០១ លើ ១៥០ នៃគំរូផលិតផលទឹកត្រីនៅលើទីផ្សារវៀតណាម បានផ្ទុកសារធាតុអាក់សេនិច ដល់កម្រិតសុវត្ថិភាព (មួយមីលីក្រាមក្នុងមួយលីត្រ) ហើយក្នុង​ចំណោមនោះទៀត គឺបានផ្ទុកសារធាតុបំពុលសុខភាពនេះ លើសកម្រិតគ្រោះថ្នាក់រហូតដល់ទៅ ៥ដងឯណោះ។

លោក Vu Van Dien អនុប្រធានសមាគមខាងលើនេះ បានលើកឡើងថា សមាគមត្រូវការការសិក្សា និងត្រួតពិនិត្យបន្ថែមទៀត នៅក្នុងនោះក៏មានការយកផលិតម៉ាកផ្សេងៗទៀត​មកពិនិត្យផងដែរ។ សម្រាប់សារធាតុអាក់សេនិក​នេះដែរ គឺជាត្រូវគេស្គាល់ថាជាសារធាតុពុល ឬ carcinogen ដែលនឹងបង្កគ្រោះថ្នាក់ដល់សុខភាពក្នុងរយៈពេលយូរ។

គួរបញ្ជាក់ថា ការផលិតផលទឹកត្រីត្រូវបានផលិតឡើង​ដោយផ្ទុកសារជាតិ​ប្រូតេអ៊ីនកម្រិតខ្ពស់ ហើយដោយសារតែការផលិត​មិនត្រឹមត្រូវ ទើបមិនអាចលុបបំបាត់សារធាតុ​អាក់សេនិច​ចេញបាន។ ការត្រួតពិនិត្យខាងលើនេះ ត្រូវបានធ្វើឡើងទៅលើ​ម៉ាកផលិតផលទឹកត្រី​ចំនួន៨៨ ក្នុងនោះមានផលិត​មួយម៉ាក ត្រូវបាននាំចូល​ពីប្រទេសថៃ។ ផលិតទាំងឡាយខាងលើនេះ ត្រូវបាន​ចែកចាយ​នៅក្នុងខេត្ត និងទីក្រុងចំនួន១៩ ទូទាំងប្រទេសវៀតណាម៕


ផ្តល់សិទ្ធិដោយ ៖​ ហ្រ្វេសញ៉ូវអាសុី 


Tags: Vietnames, 

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......