លោក Lee៖ ចាន់ វឌ្ឍនាកា ទៅហាត់នៅជប៉ុន នឹងបានផលចំណេញដល់ក្រុមគោព្រៃកម្ពុជា
(ភ្នំពេញ)៖ ស្របពេលក្រុមជម្រើសជាតិកម្ពុជា ត្រូវបានប្រមូលផ្ដុំរយៈពេលជាង ១សប្ដាហ៍មកនេះ គឺមិនមានវត្តមានខ្សែប្រយុទ្ធឆ្នើម ចាន់ វឌ្ឍនាកា នោះទេ ដោយសារគេជាប់បេសកកម្មទស្សនៈកិច្ច និងហ្វឹកហាត់នៅជប៉ុន។ ប៉ុន្ដែការអវត្តមានរបស់អ្នកលេងជើងឆ្វេងរូបនេះ មិនបានធ្វើឲ្យប៉ះពាល់ដល់ក្រុមនោះទេ ផ្ទុយទៅវិញ វានឹងទទួលបានផលចំណេញសម្រាប់ក្រុមកំពុងត្រៀមប្រកួតពាន AFF Suzuki Cup 2016 វគ្គចែកពូលនេះទៅវិញ ។ នេះបើតាមការលើកឡើងរបស់លោក Lee Tae Hoon គ្រូបង្វឹកក្រុមជម្រើសជាតិកម្ពុជា។
លោក Lee បានឲ្យដឹងក្រោយដឹកនាំក្រុមយកឈ្នះក្រុមភ្នំពេញក្រោន ៣-១ ក្នុងជំនួបមិត្តភាពល្ងាចមិញថា ការចេញទៅហាត់នៅជប៉ុន គឺជាឱកាសដ៏ល្អដែល ចាន់ វឌ្ឍនាកា ត្រូវអភិវឌ្ឍន៍ខ្លួន និងនាំមកវិញនូវបទពិសោធន៍ បច្ចេកទេសថ្មីៗ សម្រាប់ចែករំលែកដល់មិត្តរួមក្រុម ។ ជារួមគឺមានផលប្រយោជន៍ច្រើន សម្រាប់ក្រុមជម្រើសជាតិកម្ពុជា។ យ៉ាងណាមិញគេត្រឡប់មកវិញថ្ងៃនេះហើយ ដូច្នេះឱកាសនៃការហ្វឹកហាត់ជុំគ្នាត្រៀមប្រកួតពានកម្រិតអាស៊ានខាងលើ ក៏មិនមានផលប៉ះពាល់អ្វីដែរ ។
គួរបញ្ជាក់ថា ខ្សែប្រយុទ្ធមកពីក្លឹបបឹងកេតអង្គរ ចាន់ វឌ្ឍនាកា បានចេញទៅជប៉ុន កាលពីយប់ថ្ងៃទី៣១ ខែតុលាកន្លងទៅ ដើម្បីទស្សនៈកិច្ច និងហ្វឹកហាត់ជាមួយក្លឹប Fujieda MYFC រយៈពេលមួយសប្ដាហ៍ ដើម្បីផ្លាស់ប្ដូរបទពិសោធន៍ តាមរយៈការអញ្ជើញរបស់ថ្នាក់ដឹកនាំក្លឹបនៃលីគលំដាប់ទី៣ របស់ប្រទេសជប៉ុននេះ។ ប៉ុន្ដែបើតាមការឲ្យដឹងពីលោក បែរ មករា អ្នកចាត់ក្រុមបឹងកេត នៅរសៀលនេះលោក និង វឌ្ឍនាកា នឹងធ្វើដំណើរមកដល់កម្ពុជាវិញហើយ៕
ចាន់ វឌ្ឍនាកា (រូបទី២ រាប់ពីឆ្វេង)
ផ្តល់សិទ្ធដោយ ៖ ខ្មែរថកឃីង
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
កីឡាជាតិ ដែលមើលច្រើន
