CamNews

ស្វែងរកកំរិតខ្ពស់
កីឡាជាតិ 

Cam-All Stars​ យកឈ្នះ​ក្រុម​កីឡា​អាហ្វ្រិក​ ២-១​ ក្នុងជំនួប​កម្ដៅ​សាច់ដុំ

(ភ្នំពេញ)៖ ក្រុមបាល់ទាត់ Cambodia All Stars ធ្វើបានយ៉ាងល្អ បើទោះបីមិនទាន់ឆ្លងកាត់ការប្រមូល​ផ្ដុំហ្វឹកហាត់ក៏ដោយ ដោយកាលពីល្ងាចថ្ងៃទី១១ ខែធ្នូនេះ ក្រុមដឹកនាំដោយលោក ទេព ឡុងរចនា នេះបានយកឈ្នះក្រុម​កីឡាករអាហ្វ្រិករស់នៅកម្ពុជា(African All Stars) ដោយលទ្ធផល ២-១ ក្នុងជំនួបមិត្តភាពកម្ដៅសាច់ដុំ​លើទីលាន​ពហុកីឡដ្ឋានជាតិ ។

ការប្រកួតកម្ដៅសាច់ដុំនេះធ្វើឡើង ៣តង់ ក្នុងនោះតង់ទី១ ទាំងក្រុម Cambodia All Stars និងក្រុម African All Stars រកបាន ១គ្រាប់ស្មើគ្នា ហើយតង់ទី២ ពុំមានគ្រាប់បាល់ទម្លុះសំណាញ់គ្នាឡើយ ។ ប៉ុន្ដែតង់ទី៣ កីឡាករនៃក្រុម Cambodia All Stars បានបន្ថែម ១គ្រាប់ធ្វើឲ្យចប់ការប្រកួតឈ្នះក្រុមកីឡាករអាហ្វ្រិក ដោយលទ្ធផល ២-១ តែម្ដង ។

នេះជាការប្រកួតដំបូង ស្របពេលក្រុម Cambodia All Stars មិនទាន់បានប្រមូលផ្ដុំហ្វឹកហាត់នៅឡើយ ប៉ុន្ដែលោក ទេព ឡុងរចនា បានចាត់ទុកជារឿងល្អ ដែលកីឡាករម្នាក់ៗបង្ហាញសមត្ថភាពគួរឲ្យចាប់អារម្មណ៍ និងបានទទួលជ័យជម្នះក្រុម African All Stars ដែលជាក្រុមមួយមិនងាយមានក្រុមក្នុងស្រុកយកឈ្នះ ហើយរាល់ចំណុចខ្វះខាត់ ដែលកីឡាករបង្ហាញ​លើទីលានក្នុង​ការប្រកួតនេះ លោកនឹងកែតម្រូវនៅពេលហ្វឹកហាត់ ។

គួរបញ្ជាក់ថា ការបង្កើតក្រុម Cambodia All Stars ជាថ្មីនាពេលនេះ គឺត្រៀមប្រកួតមិត្តភាពអន្ដរជាតិជាមួយក្រុម Morocco All Stars ឬក្រុមតារាបាល់ទាត់ឆ្នើមៗនៃប្រទេសម៉ារ៉ុក នៅថ្ងៃទី១៨ ខែធ្នូចុងសប្ដាហ៍នេះ នៅលើទីលានពហុកីឡដ្ឋានជាតិ រាជធានីភ្នំពេញ ។ បច្ចុប្បន្ន Cambodia All Stars មានសមាជិក ៣២នាក់ ប៉ុន្ដែលោក ទេព ឡុងរចនា នឹងជម្រុះទុកកីឡាករ ២៥នាក់ប៉ុណ្ណោះ ដើម្បីត្រៀមការប្រកួតអន្ដរជាតិនេះ ៕



ផ្តល់សិទ្ធដោយ ៖ ខ្មែរថកឃីង


Tags: Cambodia All Star, 

កីឡាជាតិ ដែលមើលច្រើន

ការប្រកួតប៉ារ៉ាឡាំពិក ២០១២ ត្រូវបានបញ្ចប់ ជាមួយនឹងអំណរដ៏ធំធែង

អង់គ្លេស៖ តាមកាអោយដឹងពីសារពត៌មាន BBC កាលពីចុងពីសប្ដាហ៍នេះ បានអោយដឹងថា ក្រោយពីការបញ្ចប់ការប្រកួតប៉ារ៉ាឡាំពិក ឆ្នាំ២០១២រូច មក គណៈកម្មការរៀបចំការប្រកួតកីឡា

កីឡាករកម្ពុជាត្រលប់មកមាតុភូមិវិញជាមួយកិត្តិយស

ក្រុមកីឡាករតូចដែលមានសមាជិកត្រឹមតែ 13 នាក់បានឈ្នះមេដាយប្រាក់ចំនួន

ក្រុមសេះបង្កង់ Juventus ធ្លាក់ពី UEFA Champion League ក្នុងវគ្គ ១៦ ក្រុមចុងក្រោយ

Lyon បានបើកីឡារដ្ឋានទទួលស្វាគមន៍ក្រុមបាល់ទាត់ Juventus ដើម្បីលេង វគ្គជម្រុះ ១៦ ក្រុមចុងក្រោយ ដោយ Lyon មានប្រៀបជាង Juventus ដោយសារកាល ពីប្រគួតនៅទឹកដីរបស់ Juventus ជើងទីមួយ Lyon បានយកឈ្នះក្រុម ម្ចាស់ផ្ទ

ក្រុមអ្នកគាំទ្រសម្រុកមកពហុកីឡដ្ឋាន Bernabéu យ៉ាងភ្លូកទឹកភ្លូកដីដើម្បីអបអរកីឡាករថ្មីក្នុងថ្ងៃបង្ហាញខ្

Eden Hazard នឹងគ្មានថ្ងៃភ្លេចថ្ងៃដំបូងរបស់ខ្លួនជាកីឡាកររបស់ ស្តេចស Real Madrid ឡើយ។

តារាងម៉ោងប្រកួតបាល់ទាត់សំរាប់ថ្ងៃទី 30/03 ដល់ 02/04 ២០១៣

នេះតារាងម៉ោងប្រកួតបាល់ទាត់សំរាប់ថ្ងៃទី 30/03 ដល់ 02/04 ២០១៣ ។

តារាងលទ្ធផលបាល់ទាត់ ២៥ មិនា ២០១៣

នេះជាតារាងលទ្ធផលបាល់ទាត់ ២៥ មិនា ២០១៣ ។