អាមេរិក និងចិន កំពុងនាំមុខ ពីការឈ្នះមេដាយច្រើនជាងគេ នៅ Olympic Games 2016
(ក្រុងរីយ៉ូ)៖ ក្រុមអត្តពលិករបស់អាមេរិក បានកំពុងនាំមុខគេបណ្តោះអាសន្ន ពីការឈ្នះមេដាយបានច្រើនជាងគេ ក្នុងព្រឹត្តិការណ៍កីឡាអូឡាំពិក រដូវក្តៅ ឆ្នាំ២០១៦ នៅប្រទេសប្រេស៊ីល តាមពីក្រោយដោយអត្តពលិករបស់ចិន គិតត្រឹមព្រឹកថ្ងៃចន្ទ ទី០៨ ខែសីហានេះ (ម៉ោងនៅកម្ពុជា)។
តាមរយៈគេហទំព័រផ្លូវការរបស់ Rio 2016 បានបង្ហាញក្នុងតារាងថា ក្រោយបើកការប្រកួតកីឡាអូឡាំពិកពិភពលោក នៅទីក្រុង Rio de Janeiro នៃប្រទេសប្រេស៊ីល រយៈពេល៣ថ្ងៃមកនេះ ក្រុមអត្តពលិកអាមេរិក ឈ្នះមេដាយបាន ១២គ្រឿងច្រើនជាងគេ ក្នុងនោះមានមេដាយមាស ៣គ្រឿង មេដាយប្រាក់ ៥គ្រឿង និងមេដាយសំរឹទ្ធ ៤គ្រឿង តាមពី ក្រោយដោយអត្តពលិកចិន ឈ្នះមេដាយបាន៨គ្រឿង មាស៣ ប្រាក់២ និងសំរឹទ្ធ ៣គ្រឿង។
សូមបញ្ជាក់ផងដែរថា គិតមកដល់ពេលនេះ មានប្រទេសចំនួន៣០ហើយ ក្នុងចំណោម២០៧ប្រទេសដែលបានបញ្ជូនអត្តពលិកមកចូលរួម Olympic Games 2016 លើកទី៣១នេះ ដោយចំនួនមេដាយសរុប ៨១គ្រឿង (មាស ២៥គ្រឿង, ប្រាក់ ២៦គ្រឿង និងមេដាយសំរឹទ្ធ ៣០គ្រឿង) ក៏បានបំពាក់ជូនអត្តពលិកជយលាភីរួចរាល់ផងដែរ ទៅលើវិញ្ញាសាខ្លះៗដែលបានបញ្ចប់ទៅហើយ ក្នុងចំណោម ៣២០វិញ្ញាសា ពី ២៨ប្រភេទកីឡាដែលបានដាក់ឲ្យ ប្រកួតប្រជែងដណ្តើមយកមេដាយ ដោយពុំទាន់មានកីឡាណាមួយបញ្ចប់នៅឡើយទេ។
អត្តពលិកកម្ពុជា នឹងចាប់ផ្តើមប្រកួតដំបូង វិញ្ញាសាហែលទឹកបែបសេរី ថ្ងៃទី០៩ ខែសីហា ឆ្នាំ២០១៦ ស្អែកនេះ ដោយកីឡាករ ពូ សុវិជ្ជា និងវិញ្ញាសាបន្តបន្ទាប់ចាប់ផ្តើមនាពេលក្រោយៗទៀត៕
ផ្តល់សិទ្ធដោយ ៖ ខ្មែរថកឃីង
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
កីឡាអន្តរជាតិ ដែលមើលច្រើន
