CamNews

ស្វែងរកកំរិតខ្ពស់
ព័ត៌មានអន្តរជាតិ 

គណបក្សប្រឆាំងធំបំផុតនៅជប៉ុន សម្រេចជ្រើសតំាងអតីតតារាម៉ូដែលស្រី ជាប្រធានបក្សលើកដំបូង

​(តូក្យូ)៖ គណបក្សប្រជាធិបតេយ្យ DP​ ដែលជាគណបក្សប្រឆាំង ដ៏ធំមួយនៅក្នុងប្រទេសជប៉ុន បានបោះឆ្នោតជ្រើសរើសតំាង​ស្រ្តីម្នាក់ ជា​លើកដំបូងបំផុត ឲ្យធ្វើជាប្រធានគណបក្ស ជាមួយនឹង សំឡេងគាំទ្រដ៏ច្រើនលើសលប់។ នេះបើយោងតាមការចុះផ្សាយ របស់​ទីភ្នាក់ងារសារព័ត៌មាន ចិន​ស៊ិនហួរ នៅមុននេះបន្តិចនា ​រសៀលថ្ងៃព្រហស្បតិ៍ ទី១៥ ខែកញ្ញា ឆ្នាំ២០១៦។

លោកស្រី Renho ​មានអាយុ ៤៨ឆ្នាំ បានទទួលសម្លេងគំាទ្រ៥០៣សម្លេង ក្នុងចំណោមសឹ្លកឆ្នោត សរុបចំនួន ៨៤៩ ពីសមាជិកបក្ស ខណៈគូរប្រជែងរបស់លោកស្រី គឺអតីតរដ្ឋមន្រី្តការបរទេស​​លោក Seiji Maehara ​បានទទួលការគំាទ្រ ២៣០សម្លេង និង សមាជិ​កសភាលោក Yuichiro Tamaki ទទួលបាន ១១៦សម្លេង​។

គួរបញ្ជាក់ថា លោកស្រី Renho ​ដែលធ្លាប់ធ្វើ​ជាតារាម៉ូដែល និង​ពិធីការីនីទូរទស្សន៍បានជាប់ឆ្នោត ជាសមាជិកសភាជាន់ខ្ពស់ជប៉ុន ចាប់ពីឆ្នាំ២០០៤ ហើយលោកស្រីក៏ធ្លាប់ បានបម្រើការងារជារដ្ឋមន្រ្តី កំណែទម្រង់រដ្ឋបាលនៅ អំឡុងពេល​​គណបក្ស DP​ ដឹកនំារដ្ឋាភិបាល​នៅចន្លោះឆ្នាំ ២០០៩ និង ២០១២ ផងដែរ។

គណបក្សប្រជាធិបតេយ្យ DP ត្រូវបានបង្កើតឡើង កាលពីខែមីនាកន្លងទៅ តាមរយៈការរួមបញ្ចូលគ្នា នៃគណបក្ស Ishin no To ​និង គណបក្សប្រជាធិបតេយ្យ​ជប៉ុន(DPJ)។ លោកស្រី Renho នឹងកាន់តំណែងជាប្រធានបក្ស​រហូតដល់ ខែកញ្ញា ឆ្នាំ២០១៩៕​



ផ្តល់សិទ្ធដោយ ៖ ខ្មែរថកឃីង


Tags: Japan,  Earthquake,  Tokyo,  Asia,  Asean,  Int news,  Hot news, 

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......