ន៎ុះ Lamborghini ផ្ទុះឆេះច្រើនគ្រឿង, ពេលនេះ Lamborghini ប្រកាសប្រមូលរថយន្តវិញ ទូទាំងពិភពលោក
(សិង្ហបុរី)៖ ក្រុមហ៊ុនផលិតរថយន្តម៉ាក Lamborghini របស់ប្រទេសអ៊ីតាលី បានប្រកាសប្រមូលយករថយន្តដ៏ទំនើប និងមានតម្លៃថ្លៃកប់ពពកនេះរាប់ពាន់គ្រឿងចូលមកវិញ ជុំវិញបញ្ហាអគ្គិភ័យបន្ទាប់ពីករណីផ្ទុះឆេះរថយន្តហោះប្រភេទចំនួនចំនួន០៧លើកត្រូវបានរាយការណ៍នៅទូទាំងពិភពលោក។ នេះបើតាមការចេញផ្សាយដោយសារព័ត៌មាន Channel News Asia នៅមុននេះបន្តិចនាល្ងាចថ្ងៃព្រហស្បតិ៍ ទី១៦ ខែកុម្ភៈ ឆ្នាំ២០១៧។
ក្រុមហ៊ុនផលិតរថយន្តដ៏ល្បីឈ្មោះបំផុតមួយនេះបានឲ្យដឹងនៅក្នុងសេចក្តីថ្លែងការណ៍របស់ខ្លួនថា ក្រុមហ៊ុនពុំបានទទួលដឹងថាមានអ្នកបើកឬមួយក៏អ្នកដំណើរណាបានទទួលរងរបួសដោយសារតែបញ្ហាខាងលើឡើយ។ ជុំវិញបញ្ហានេះរដ្ឋបាលសុវត្ថិភាពចរាចរណ៍លើមហាវិថីជាតិរបស់សហរដ្ឋអាមេរិក បានលើកឡើងថា «នៅក្នុងលក្ខខណ្ឌនៃការបើកបរណាមួយ ខណៈពេលដែលយានយន្តម៉ាក Lamborghini មានផ្ទុកឥន្ធនៈនៅពេញបេនសាំងនោះ ប្រេងសាំងប្រហែលជាប៉ះពាល់ជាមួយប្រព័ន្ធបញ្ចេញផ្សែងពុល ដែលប្រការនេះអាចបង្កើនហានិភ័យនៃការផ្ទុះឆេះឡើងបានយ៉ាងងាយ»។
ជាមួយគ្នានេះយោងតាមសេចក្តីរាយការណ៍របស់ CNN អ្នកនាំពាក្យមកពីក្រុមហ៊ុន Lamborghini បានថ្លែងថាម្ចាស់រថយន្តទាំងអស់គួរតែនាំយករថយន្តរបស់ពួកគេទៅកាន់ក្រុមហ៊ុនលក់រថយន្តនេះនៅតាមតំបន់រៀងៗខ្លួន ដើម្បីធ្វើការកែតម្រូវបញ្ហានេះដែលនឹងចំណាយពេលយ៉ាងច្រើនពីពីរទៅបីថ្ងៃគឺរួចរាល់ហើយ។ ម្ចាស់រថយន្តដ៏ទំនើបនេះត្រូវបានស្នើឲ្យធ្វើការទាក់ទងទៅកាន់ក្រុមហ៊ុនផ្នែកលក់រថយន្ត Lambor ghini ដែលមានការអនុញ្ញាតត្រឹមត្រូវ ដើម្បីទទួលបានការដំឡើងប្រព័ន្ធគ្រប់គ្រងការបញ្ចេញផ្សែងពុល EVAP ទៅកាន់ជំនាន់ចុងក្រោយបំផុត។
គួរបញ្ជាក់ថាម៉ូដែលរថយន្ត Lamborghini ដែលស្ថិតក្រោមការប៉ះពាល់រួមមាន Aventador ដែលមានតម្លៃខ្ទង់៤០០,០០០ដុល្លារសហរដ្ឋអាមេរិកក្នុងមួយគ្រឿង និងម៉ូដែល Venono ដ៏កម្រដែលមានតម្លៃដល់ទៅបួនលានដុល្លារ ហើយរថយន្ត Lamborghini ម៉ូដែល Aventadors ចំនួនជិត៦,០០០គ្រឿងត្រូវបានប្រមូលចូលវិញ ដើម្បីឆ្លងកាត់ការកែតម្រូវបញ្ហា៕
ប្រភព ៖ CNA
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
រថយន្ត ដែលមើលច្រើន
