CamNews

ស្វែងរកកំរិតខ្ពស់
ព័ត៌មានអន្តរជាតិ 

CIA ព្រមានថា ក្រុម IS នឹងវាយប្រហារអាមេរិក ដូចនៅ Istanbul

អគ្គនាយករបស់ CIA កាលពីម្សិលមិញ បានព្រមានថា ក្រុមរដ្ឋអ៊ីស្លាម IS កំពុងតែមានបំណង
បើកការវាយប្រហារទៅលើអាមេរិក ដូចទៅនឹងករណីវាយប្រហារនៅ ព្រលានយន្ដហោះ ក្រុង
Istanbul។

អគ្គនាយកនៃទីភ្នាក់ងារចារកម្មអាមេរិក (CIA) John Brennan បានឱ្យដឹងថា ករណីភេរវកម្មនៅ
ឯព្រលានយន្ដអន្តរជាតិ Ataturk ក្នុងក្រុង Istanbul ប្រទេស​ទួគី គឺមានសញ្ញាទាំងអស់របស់ក្រុម
រដ្ឋអ៊ីស្លាម។ ក្រុមនេះ អាចនឹងមានគម្រោងវាយប្រហារដូចគ្នានេះ ទៅលើសហរដ្ឋអាមេរិក។

អគ្គនាយកនៃទីភ្នាក់ងារចារកម្មអាមេរិក (CIA) លោក John Brennan

ទំព័រ Yahoo News ដកស្រង់សំដី លោក Brennan ឱ្យដឹងថា “ខ្ញុំមានការព្រួយបារម្ភអំពីបញ្ហានេះ
ខ្លាំងណាស់”។ លោក Brennan បន្តថា ការទប់ទល់នឹងក្រុមភេរវកម្មបំផ្ទុះគ្រាប់បែកអត្តឃាត គឺ
ជារឿងលំបាក ព្រោះថា ពួកវាមិនមានបំណងរត់គេចខ្លួននោះទេ ថែមពីនេះ ពួកវាមានការប្ដេជ្ញា
ចិត្តខ្ពស់ផងដែរ។

មេដឹកនាំ CIA សង្កត់ធ្ងន់ថា ៖ “ខ្ញុំនឹងមានការភ្ញាក់ផ្អើល បើសិនក្រុមរដ្ឋអ៊ីស្លាមមិនមានបំណង
វាយប្រហារបែបនេះ ទៅលើអាមេរិក”។ ប៉ុន្តែ លោក Brennan មិនបានអះអាងថា ក្រុមរដ្ឋអ៊ី
ស្លាម នៅពីក្រោយការវាយប្រហារ​នៅព្រលានយន្តហោះ ក្រុង Istanbul នោះទេ។ បច្ចុប្បន្ន
ក្រុមរដ្ឋអ៊ីស្លាម ក៏មិនទាន់ចេញមកទទួលខុសត្រូវក្នុងការវាយប្រហារនេះនោះដែរ។

សូមរំលឹកថា ការបំផ្ទុះគ្រាប់បែកអត្តឃាត និងបាញ់ប្រហារបីលើក ត្រូវបានធ្វើឡើងជាបន្តបន្ទាប់
នៅព្រលានយន្តហោះ Ataturk ក្រុង Istanbul បណ្ដាលឱ្យមានមនុស្សស្លាប់យ៉ាងតិច ៤១នាក់
និងអ្នករងរបួស ២៤០នាក់។ នាយករដ្ឋមន្ដ្រី​ទួគី លោក Binali Yildirim ថ្លែងថា ការស៊ើបអង្កេត
ជំហានដំបូង បង្ហាញថា មានសញ្ញារបស់ក្រុមភេរវកម្ម  IS។

ប្រែសម្រួល ៖ បុត្រា


Tags: CIA​,  John Brennan,  Istanbul,  ភេរវកម្ម,  រដ្ឋអ៊ីស្លាម

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......