ក្តៅៗ! ប្រជាជនខ្ទង់លាន «ចុះហត្ថលេខាលើញត្តិមួយ ប្រឆាំងនឹងនយោបាយជនភៀសខ្លួន» របស់ ដូណាល់ ត្រាំ!
(វ៉ាស៊ីនតោន)៖ ប្រជាជន០៥លាននាក់នៅទូទាំងពិភពលោក បានចុះហត្ថលេខាលើលិខិតបើកចំហមួយ តាមរយៈបណ្ដាញអ៊ីនធើណែត ដើម្បីជំទាស់ក៏ដូចជាអំពាវនាវឱ្យប្រធានាធិបតីអាមេរិក លោក ដូណាល់ ត្រាំ លុបចោលគោលនយោបាយដ៏ចម្រូងចម្រាស់ស្ដីពីជនភៀសខ្លួន និងការហាមឃាត់ជាបណ្ដោះអាសន្ន ប្រជាជនមកពីបណ្ដាប្រទេសអ្នកកាន់សាសនាអ៊ីស្លាមចំនួន០៧ ចូលក្នុងសហរដ្ឋអាមេរិក។ នេះបើតាមការចេញផ្សាយដោយសារព័ត៌មាន Sputnik នៅរសៀលថ្ងៃព្រហស្បតិ៍ ទី០២ ខែកុម្ភៈ ឆ្នាំ២០១៧។
យោងតាមគេហទំព័រ Avaaz campaigning community លិខិតខាងលើមានខ្លឹមសារថា «ពិភពលោកបដិសេធការភ័យខ្លាច ការស្អប់ខ្ពើម និងការរើសអើងរបស់ អ្នក(លោក ត្រាំ)។ យើងបដិសេធការគាំទ្ររបស់អ្នក លើការធ្វើទារុណកម្ម និងការលើកទឹកចិត្តឱ្យប្រព្រឹត្តអំពើហិង្សា ហើយយើងក៏បដិសេធផងដែរ ការប្រមាថរបស់អ្នកចំពោះស្ត្រី ជនមូស្លីម (អ្នកកាន់សាសនាអ៊ីស្លាម) ប្រជាជនមិចស៊ីកូ ព្រមទាំងប្រជាជនរាប់លាននាក់ផ្សេងទៀត ដែលមើលទៅមិនដូចជាអ្នក, មិននិយាយដូចអ្នក, និងជឿលើព្រះតែមួយដូចអ្នក»។
គួររំលឹកថាលោក ដូណាល់ ត្រាំ កាលពីថ្ងៃសុក្រសប្ដាហ៍មុន បានចុះហត្ថាលេខាលើក្រឹត្យ ស្ដីពីជនភៀសខ្លួន ដោយសម្រេចហាមឃាត់ជាបណ្ដោះអាសន្នប្រជាជនមកពី បណ្ដាប្រទេសចំនួន០៧ ដែលមានអ្នកកាន់សាសនាអ៊ីស្លាមភាគច្រើនដូចជា អ៊ីរ៉ង់, អ៊ីរ៉ាក់, លីប៊ី, សូម៉ាលី, ស៊ូដង់, ស៊ីរី, និងយ៉េមែន ចូលក្នុងសហរដ្ឋអាមេរិករយៈពេល ៩០ថ្ងៃ រីឯជនភៀសខ្លួនមកពីបណ្តាប្រទេសជាច្រើនទៀត ត្រូវបានហាមឃាត់រយៈពេល១២០ថ្ងៃ និងសម្រាប់ជនភៀសខ្លួនស៊ីរីវិញ គឺត្រូវបានហាមឃាត់ដោយគ្មានពេលកំណត់៕
ផ្តល់សិទ្ធិដោយ ៖ ហ្រ្វេសញ៉ូវអាសុី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
