រឿងគ្រូបង្វឹកម្នាក់ និងក្មេង ១២ នាក់ជាប់ក្នុងល្អាង កំពុងចាប់ផ្តើម ក្រោមចំណងជើងថា....!

ព័ត៌មានអន្តរជាតិ

រឿងគ្រូបង្វឹកម្នាក់ និងក្មេង ១២ នាក់ជាប់ក្នុងល្អាង កំពុងចាប់ផ្តើម ក្រោមចំណងជើងថា....!

02:31 PM 26.11.2018
Print Email

ថៃ ៖ រឿងរ៉ាវដ៏កក្រើកដែលកើតឡើងនៅក្នុងប្រទេសថៃ ដែលក្មេងចំនួន ១២ នាក់ និងគ្រូបង្វឹកម្នាក់ដែលជាប់នៅក្នុងល្អាងថាំហ្លួង កាលពីខែកក្កដា ពេលនេះគឺផលិតករម្នាក់ឈ្មោះថា Tom Waller កំពុងតែចាប់ផ្តើមថតជាខ្សែភាពយន្តខ្នាតធំ ។

ខ្សែភាពយន្តនេះមានចំណងជើងថា “The Cave, Nang Non” ហើយក៏ជារឿងដែលទទួលបានការចាប់អារម្មណ៍ខ្លាំងពីមនុស្សជុំវិញពិភពលោកផងដែរ ។

លោក Tom Waller បានថ្លែងទៅកាន់សារព័ត៌មានទាំងក្នុងនិងក្រៅប្រទេសថៃ "ពួកយើងចង់ប្រាប់អំពីរឿងរ៉ាវដ៏ខ្លាហានរបស់ក្មេងៗនិងគ្រូបង្វឹតរបស់ពួកគេ ដែលមិនបោះបង់ការខិតខំប្រឹងប្រែងទោះស្ថិតក្នុងហានិភ័យខ្ពស់ក៏ដោយ។ មិនត្រឹមតែប៉ុណ្ណោះ យើងក៏ចង់រំលឹកគុណដល់វីរៈបុរសម្នាក់គឺលោក Jim ដែលបានបាត់បង់ជីវីតក្នុងពេលបំពេញបេសកម្មនេះផងដែរ" ។

យោងតាមហ្វេសប៊ុកផេករបស់តារាសម្តែងថៃលោក Nirut Sirijanya កំពុងអង្គុយនៅលើកៅអី ហើយផ្ទៃខាងក្រោយគឺកន្លែងថត នៅរ៉ូងភ្នំថាំហ្លួង ។ ប្រភពដដែលបានឲ្យដឹងថា សម្តែងថៃជើងចាស់រូបនេះនឹងដើរតួជាអភិបាលខេត្ត ។

គួរបញ្ជាក់ឲ្យដឹងទៀតថា ខ្សែភាពយន្តខ្នាតធំមួយនេះនឹងជ្រើសកន្លែងថតនៅប្រទេសអៀរឡង់ និងប្រទេសថៃរហូតដល់ចុងខែធ្នូ ហើយរំពឹងថា នឹងចាក់បញ្ចាំងនៅឆ្នាំក្រោយ ៕