CamNews

ស្វែងរកកំរិតខ្ពស់
ព័ត៌មានអន្តរជាតិ 

Debate ចុងក្រោយ រវាង លោកស្រី Clinton និង លោក Donald Trump បានចាប់ផ្តើមនៅសាកលវិទ្យាល័យ Nevada ទីក្រុង

(​វ៉ាស៊ីនតោន)៖ លោកស្រី ហ៊ីលឡារី គ្លីនតុន និង លោក ដូណាល់ ត្រាំ ចាប់ផ្តើមជជែកដេញដោលគ្នាជុំទីបី ជាលើកចុងក្រោយនៅល្ងាចថ្ងៃពុធនេះ (ម៉ោងនៅក្នុងសហរដ្ឋអាមេរិក) ខណៈសល់តែជាង២០ថ្ងៃទៀតការបោះឆ្នោត ជ្រើសរើសប្រធានាធិបតីអាមេរិកនឹងឈានចូលមកដល់។ នេះបើយោងតាមការចុះផ្សាយរបស់ស្ថានីយ៍ ទូរទស្សន៍ CNN​ នៅថ្ងៃពុធ ទី១៩ ខែតុលា ឆ្នាំ២០១៦។




យោងតាមការស្ទង់កាលពីពេលថ្មីៗនេះ លោកស្រីគ្លីនតុន បានទទួលសម្លេងគាំទ្រ ៤៧% ទល់នឹង ៣៨% របស់លោកត្រាំ ដែលកំពុងរងការរិះគន់យ៉ាងខ្លំាងជុំវិញការ ប្រើពាក្យសម្ដីប្រមាជទៅលើស្រ្តី រហូតដល់មានថ្នាក់ ដឹកនំានៃគណបក្សសាធារណៈរដ្ឋមួយចំនួន ចេញមុខប្រឆាំង និងទាមទារឱ្យលោកដកខ្លួនពីការប្រកួតប្រជែង។

ប៉ុន្តែទោះជាយ៉ាងនេះក្ដី គេមិនអាចកំណត់លទ្ធផលទុកជាមុនបានឡើយ ព្រោះថានៅខាងបេក្ខជនប្រធានាធិបតី​ មកពីគណបក្សប្រជាធិបតេយ្យ លោកស្រី គ្លីនតុន ក៏កំពុងជាប់ពាក់ព័ន្ធនឹងរឿងអាស្រូវ Email ផងដែរដែល ត្រូវបានចុះផ្សាយដោយគេហទំព័រ Wikileaks​ ជាបន្តបន្ទាប់ ហើយនេះអាចជាឱកាសមួយ សម្រាប់លោកត្រាំ ទាញយកមេរៀនពីវេទិកាតស៊ូមតិជុំទី១ ពោលគឺបេក្ខជនប្រធានាធិបតីរូបនេះ ត្រូវបានគេរំពឹងថា នឹងលើកយក រឿងអាស្រូវ Email ការវាយប្រហារស្ថានទូតអាមេរិកប្រចំាទីក្រុង Benghazi​​ ប្រទេសលីប៊ី កាលពីឆ្នាំ ២០១២ ព្រមទំាងសង្រ្គាមនៅស៊ីរី និង អ៊ីរ៉ាក់ មកវាយប្រហារលើលោកស្រីគ្លីនតុនសារជាថ្មី។

សូមជំរាបថា វេទិកាតស៊ូមតិលើកចុងក្រោយ រវាងបេក្ខជនប្រធានាធិបតីទំាងពីរ ធ្វើឡើងនៅល្ងាចថ្ងៃពុធនេះ (ម៉ោងនៅក្នុងសហរដ្ឋអាមេរិក) នៅឯសាកលវិទ្យាល័យ Nevada ក្នុងទីក្រុង Las Vegas​ មុននឹងការ បោះឆ្នោតនៅថ្ងៃទី៨ ខែវិច្ឆិកាក្រោយនេះ៕



ប្រភព ៖ ស៊ីអិនអេ/ស៊ីអិនអិន

ផ្តល់សិទ្ធដោយ ៖ ខ្មែរថកឃីង


Tags: Clinton,  Obama,  Trump, 

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......