ថៃ ៖ កាលពីប៉ុន្មានថ្ងៃមុននេះគណនី Instagram មានឈ្មោះថា diary1922 ត្រូវបានគេដឹងថាបង្ហាញនូវរូបភាពគូស្នេហ៍មួយគូ កំពុងតែដើរនៅលើវាលខ្សាច់ ដែល Fans សង្ស័យថា អុិនស្រ្តាក្រាមគឺជារបស់គូស្នេហ៍ផ្អែមល្អែមប្រចាំឆ្នាំ គឺនាង Kimberly និងមិត្តប្រុសគឺ លោក Mark prin នេះឯង ។
នៅក្នុងគណនី អុិនស្រ្តាក្រាមនេះគឺមានរូបថតចំនួន ៩ សន្លឹក ហើយ ៦ សន្លឹកគឺជារូបអាហារ និង ៣ សន្លឹកទៀត បានបង្ហាញនូវភាពផ្អែមល្អែម ដូចជា កាន់ដៃជាលក្ខណៈគូស្នេហ៍ជាដើម ។
ថ្វីត្បិតតែមិនធ្លាប់បានបង្ហាញឲ្យឃើញតារាថៃទាំងពីរដួងនេះក៏ដោយចុះ ប៉ុន្តែអ្នកគាំទ្រជឿជាក់យ៉ាងច្បាស់ថា គឺជាលោក Mark Prin និងនាង Kimmy Kimberly ច្បាស់ណាស់ ដោយសារតែឃើញអាវយឺតពណ៍ ស ដែលពួកគេបានពាក់ ហើយបង្ហោះនៅលើ IG ផ្ទាល់ខ្លួនជាមួយនិងវ៉ែនតាផងដែរ ។
ហេីយអ្វីដែលគួរតែកត់សម្គាល់ទៀតនោះគឺ លេខ ១៩ គឺជាថ្ងៃខែឆ្នាំកំណើតរបស់ Mark Prin និងថ្ងៃទី ២២ គឺជាថ្ងៃកំណើតរបស់នាង Kimmy Kimberly តែម្តង ទើបពួកគេសម្រេចចិត្តដាក់ឈ្មោះនៅលើ IG នោះថា diary1922 ៕
ប្រែសម្រួល ៖ គន្ធា
ប្រភព ៖ daranews