រកឃើញ ផូស៊ីល ដាយនូស័រ យក្ស មានទំហំធំមហិមា ធំអស់ទាស់ ក្នុងទំព័រ ប្រវត្តិសាស្រ្ត ពិភពលោក
ព័ត៌មានអន្តរជាតិ ៖ យោងតាមសម្តី អ្នកវិទ្យាសាស្រ្ត បកស្រាយអោយដឹងថា ផូស៊ីល ដាយនូស័រ យក្ស មានទំហំធំមហិមា ធំជាងពេលណាណា ទាំងអស់ ត្រូវបានប្រទះឃើញ នៅឯ ប្រទេស អា ហ្សង់ទីន ។
បន្ថែមពីលើនេះ ទំព័រសារព័ត៌មានបរទេស ប៊ីប៊ីស៊ី បញ្ជាក់បន្ថែមអោយដឹងថា ដាយនូស័រ ដែល ទើបតែបានរកឃើញនេះ វាអាចនឹងមានកំពស់ដល់ទៅ ២០ ម៉ែត្រ ខណៈប្រវែង បើចាប់គិត ពី ក្បាលរហូតដល់ចុងកន្ទុយ អាចនឹងមានប្រវែង ដល់ទៅ ៤០ ម៉ែត្រ នេះបើយោង តាមការ វិភាគ ទៅ លើ ឆ្អឹងភ្លៅ ដ៏ធំមហិមា របស់វា ។
សេចក្តីរាយការណ៍ បន្តអោយដឹងថា ខណៈមានទម្ងន់ដល់ទៅ ៧៧ តោន វាពិតជាធ្ងន់ស្មើនឹងដំរី អាហ្វ្រិកយក្ស ដល់ទៅ ១៤ ក្បាលឯណោះ ស្របពេលដែល ចំនួនគីឡូ ដ៏ធ្ងន់លើកនេះ បានបំ បែកកំណត់ត្រា ផូស៊ីល Argentinosaurus កាលពីពេលមុន ពោល មានទម្ងន់ ៧ តោន ធ្ងន់ជាង
ក្រុមអ្នកជំនាញ វិទ្យាសាស្រ្ត ជឿជាក់អោយដឹងថា វាគឺជាពូជដាយនូស័រ ប្រភេទថ្មី titanosaur គឺ ជាពូជដាយនូស័រយក្ស ដែលធ្លាប់បានរស់នៅលើភពផែនដី កាលពីចុងយុគសម័យ Cretaceous ពោល នាយុគសម័យអវសាន នៃពូជ ដាយនូស័រ ។
ក្រោយពីបានរកឃើញ ជាលើកដំបូង ពីកសិករ ក្នុងស្រុកមួយរូប ខណៈក្រោយមក ក៏មានការជីក កកាយរកផូស៊ីល ដាយនូស័រយក្ស មួយនេះ ពីសំណាក់ ក្រុមអ្នកជំនាញ មកពី សារមន្ទីរ Palae - ontology Egidio Feruglio ដែលមានលោក Jose Luis Carballido និង លោក Diego Pol ជាអ្នក ដឹកនាំ ។
គួរបញ្ជាក់ថា ដោយយោងទៅការវិភាគ ទៅលើ បណ្តាឆ្អឹង ក៏ដូចជា ផូស៊ីល ថ្ម និង ស្ថានភាព ដី ជាក់ស្តែង នៅឯតំបន់រុករកឃើញខាងលើ អោយដឹងថា ពូជដាយនូស័រ មួយនេះ ធ្លាប់មានវត្តមាន រស់នៅលើភពផែនដី កាលពីអំឡុង ១០០ លានឆ្នាំមុន ៕
ប្រែសម្រួល ៖ កុសល
ប្រភព ៖ ប៊ីប៊ីស៊ី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
