CamNews

ស្វែងរកកំរិតខ្ពស់
ព័ត៌មានអន្តរជាតិ 

ខុសពីការរំពឹងទុក! Ban Ki Moon ប្រកាសថា នឹងមិនឈរឈ្មោះបោះឆ្នោត យកតំណែងប្រធានាធីបតី​កូរ៉េខាងត្បូង​នោះទេ

(សេអ៊ូល)៖ អតីតអគ្គលេខាធិការនៃអង្គការសហប្រជាជាតិ លោក បាន គីមូន នៅថ្ងៃពុធនេះបានប្រកាស​ជា​ផ្លូវការថា លោកនឹងមិនឈរឈ្មោះជាបេក្ខជន​ប្រកួតប្រជែងយកតំណែងប្រធានាធិបតីកូរ៉េខាងត្បូង ដែលគ្រោងធ្វើឡើងនៅក្នុងឆ្នាំ២០១៧​នេះឡើយ ដែលវាផ្ទុយស្រឡះពីការរំពឹងទុករបស់សាធារណជន​កន្លងមក។ នេះបើតាមការចេញផ្សាយនៅមុននេះបន្តិច ដោយទីភ្នាក់ងារព័ត៌មានចិនស៊ិនហួរ នារសៀលថ្ងៃពុធ ទី០១ ខែមករា ឆ្នាំ២០១៧។

លោក បាន គីមូន បានប្រាប់អ្នកសារព័ត៌មាននានានៅទីក្រុងសេអ៊ូលថា លោកនឹងបោះបង់ចោលឆន្ទៈ ក្នុងដឹកនាំការផ្លាស់ប្តូរនយោបាយក្នុងប្រទេស និងការបង្រួមបង្រួមជាតិ ព្រមទាំងបោះបង់ចោលនូវ​មហិច្ឆតាក្នុងការក្លាយជាប្រធានាធិបតីកូរ៉េខាងត្បូងនៅអាណត្តិក្រោយ ដែលនេះជាការឆ្លើយតបទៅនឹងការ​ទម្លាក់តំណែងប្រធានាធិបតីកូរ៉េខាងត្បូងគឺលោកស្រី ផាក គឺនហេ រួចទទួលការស៊ើបអង្កេត។ បន្ថែមពីនេះ លោកក៏ធ្លាប់បានស្នើឲ្យសភាកូរ៉េខាងត្បូងធ្វើវិសោធនកម្មច្បាប់ ស្តីពីអំណាចប្រធានាធិបតីឡើងវិញផងដែរ។

គួរបញ្ជាក់ថា លោក បាន គីមូន កន្លងមកមិនធ្លាប់ដែលបានប្រកាសជាផ្លូវការចេញពីមាត់លោកឡើយថា លោកនឹងឈរឈ្មោះ ឬមិនឈរឈ្មោះក្នុងការប្រកួត​ប្រជែងយកតំណែងប្រធានាធិបតីកូរ៉េខាងត្បូងនោះ ប៉ុន្តែទោះបីជាបែបនេះក្តី អ្នកស្រង់មតិនានាធ្លាប់បានបង្ហាញរបាយការណ៍នៃការស្ទង់មតិជាច្រើនដងថា លោក បាន គីមូន ទទួលបានប្រជាប្រិយភាពខ្លាំងនាំមុខបេក្ខជននានានៅកូរ៉េខាងត្បូង ហើយលោកអាចនឹងក្លាយ​ជា​ប្រធានាធិបតីនៅអាណត្តិថ្មីឆ្នាំ២០១៧ ប្រសិនបើលោកចូលរួមឈរឈ្មោះនោះ៕



ផ្តល់សិទ្ធដោយ ៖ ហ្វ្រេសញូវអាស៊ី


Tags: Ban ki moon,  Int news,  Hot news, 

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......