ផ្ទះជាច្រើនខ្នងរលំ នៅភាគខាងកើតប្រទេសចិន និងសង្កត់មនុស្ស ២២នាក់ រហូតដល់ស្លាប់
(ប៉េកាំង)៖ មនុស្សចំនួន ២២នាក់ត្រូវបាន អាជ្ញាធរអះអាងថា បានស្លាប់បាត់បង់ជីវិត បន្ទាប់ពីលំនៅឋានចំនួនបួនខ្នង នៅក្រុង Wenzhou នៃខេត្ត Zhejiang ភាគខាងកើតប្រទេសចិន បានដួលរលំនៅថ្ងៃចន្ទ ដើមសប្តាហ៍នេះ។ នេះបើតាមការចេញផ្សាយដោយ ទីភ្នាក់ងារព័ត៌មានចិន ស៊ិនហួរ នៅមុននេះបន្តិច នាព្រឹកថ្ងៃអង្គារ ទី១១ ខែតុលា ឆ្នាំ២០១៦។
ហេតុការណ៍ខាងលើ បានកើតឡើងនៅវេលាម៉ោង ៤៖០០នាទី ព្រឹកថ្ងៃចន្ទ នៅក្នុងសង្កាត់ Lucheng នៃខេត្ត Wenzhou អាជ្ញាធរនៃតំបន់កើតហេតុបានឲ្យដឹងថា មនុស្សចំនួន ២៨នាក់ ត្រូវបានគេទាញ ចេញពីគំនរបាក់បែក ហើយក្នុងនោះមានតែមនុស្សចំនួន ០៦នាក់ ប៉ុណ្ណោះដែលនៅរស់រានមានជីវិត។
ជុំវិញការដួលរលំផ្ទះនេះដែរ ក្រុមសង្រ្គោះបានបញ្ជាក់ថា អគារទាំងប្រាំនោះ ត្រូវបានសាងសង់ឡើង ដោយប្រជាជនដែលរស់នៅក្នុងសង្កាត់ Lucheng ដោយគ្មានក្បួនខ្នាត និងបច្ចេកទេសច្បាស់លាស់ នោះឡើយ រីឯផ្ទះប្រាំខ្នងទៀតនៅជាប់នោះ ដែលត្រូវបានកសាងឡើង កាលពីទសវត្សរ៍ទី៧០ ហើយ ក៏ត្រូវបានគេកម្ទេចចោល ដើម្បីបង្កាហានិភ័យ ដែលអាចនឹងកើតមាននៅពេលក្រោយៗទៀត។
គួរបញ្ជាក់ដែរថា ប្រទេសចិន តែងតែមានករណីដួលរលំផ្ទះ ឬអគារជាញឹកញយ នៅក្នុងរយៈពេល ប៉ុន្មានឆ្នាំចុងក្រោយនេះ ដោយខ្លះគឺបណ្តាលមកពីគុណភាពសំណង់ តួយ៉ាងកាលពីខែឧសភា មនុស្សចំនួន ១៦នាក់ ត្រូវបានរាយការណ៍ថា បានបាត់បង់ជីវិត នៅក្រោយការដួលរលំអគារមួយ នៅខេត្ត Guizhou ហើយកាលពីខែមេសា ឯណោះវិញ មនុស្សពីរនាក់បានស្លាប់ រួមជាមួយនឹង ២៤នាក់ទៀត បានទទួលរងរបួស ដោយសារការដួលរលំអគារមួយកន្លែងផងដែរ៕
ប្រភព ៖ ស៊ិនហួរ
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
