ចោរប្លន់ប្រដាប់អាវុធ ចាប់ផ្ដើមធ្វើសកម្មភាពជាថ្មី បន្ទាប់ពីកិច្ចប្រជុំកំពូលអាស៊ាន បានបញ្ចប់
កិច្ចប្រជុំកំពូលអាស៊ានបានបញ្ចប់មិនទាន់បានប៉ុន្មានថ្ងៃផង ចោរប្លន់ប្រដាប់អាវុធក៏បានធ្វើ
សកម្មភាពជាថ្មី ដោយបានបាញ់ប្លន់ក្នុងបំណងយកម៉ូតូ ក្នុងករណីចំនួនពីរផ្សេងគ្នា ដែលអ្នក
រងគ្រោះម្នាក់ជាស្រីនៅខណ្ឌមានជ័យ និងម្នាក់ទៀតជាប្រុសនៅខណ្ឌសែនសុខ។
ក្នុងករណីប្លន់នៅឯខណ្ឌមានជ័យ កើតឡើងនៅវេលាម៉ោង ៦ និង ៣០នាទី ព្រលប់ថ្ងៃទី២១ ខែ
វិច្ឆិកា ឆ្នាំ២០១២ នៅតាមផ្លូវលំ ក្នុងភូមិទ្រា៤ សង្កាត់ស្ទឹងមានជ័យ ខណ្ឌមានជ័យ។ នារីគ្រោះ
ឈ្មោះ ឌន សាវន អាយុ ២៣ឆ្នាំ ស្នាក់នៅផ្ទះជួល ម្តុំលូ៥ សង្កាត់ស្ទឹងមានជ័យ ខណ្ឌមានជ័យ
ត្រូវជនសង្ស័យពីរនាក់ ជិះម៉ូតូ STR បាញ់មួយគ្រាប់ ដើម្បីប្លន់យកម៉ូតូឃ្លីកមួយគ្រឿង ប៉ុន្ដែមិន
បានសម្រេច។ ទោះយ៉ាងណា ក្រុមចោរ បានបាញ់នារីរងគ្រោះ ឱ្យរបួសចំក្រោមស្មា ធ្លាយទៅ
ម្ខាង។ ចំណែកក្រុមជនសង្ស័យ បន្ទាប់ពីធ្វើសកម្មភាពប្លន់មិនបានសម្រេច ត្រូវសមត្ថកិច្ចឃាត់
ខ្លួនបានទាំងពីរនាក់។
នារីគ្រោះ ឈ្មោះ ឌន សាវន ត្រូវចោរបាញ់ចំក្រោមស្មា ធ្លាយទៅម្ខាង
រីឯ នៅក្នុងករណីប្លន់ប្រដាប់អាវុធទីពីរ កើតឡើងកាលពីវេលាម៉ោង១ និង២០នាទីរំលងអធ្រាត្រ
ឈានចូលថ្ងៃទី២២ ខែវិច្ឆិកាឆ្នាំ ២០១២ នៅចំណុចដីឡូត៌មួយកន្លែង តាមបណ្តោយផ្លូវសហព័ន្ធ
រុស្ស៊ី ទល់មុខរោងចក្រមិថុនា ឋិតក្នុងសង្កាត់ទឹកថ្លា ខណ្ឌសែនសុខ។ ក្រុមចោរមាន គ្នា៦នាក់
ជិះម៉ូតូ៣គ្រឿង បានបាញ់ទៅលើបុរសម្នាក់ មានឈ្មោះ ងួន ជឹមសៀន អាយុ៤៣ឆ្នាំ មុខរបររត់
ម៉ូតូឌុប ស្នាក់ផ្ទះជួលក្នុងភូមិប៉ប្រក សង្កាត់កាកាប ខណ្ឌពោធិ៍សែនជ័យ បណ្ដាលឱ្យបាក់ភ្លៅខាង
ស្តាំធ្លាយមកកំភួនជើងខាងឆ្វេង រួចក្រុមចោរនោះក៏យកម៉ូតូរបស់ជនរងគ្រោះម៉ាកហុងដា សេ
១២៥ ស៊េរីឆ្នាំ២០០៨ពណ៌ខ្មៅ ពាក់ស្លាកលេខព្រៃវែង 1B-1638 ជិះគេចខ្លួនដោយសុវត្ថិភាព។
បុរសរងគ្រោះ ឈ្មោះ ងួន ជឹមសៀន ត្រូវចោរបាញ់ចំជើងខាងឆ្វេង
និងប្លន់យកម៉ូតូបានសម្រេច
ករណីចោរប្លន់ប្រដាប់អាវុធខាងលើ បានធ្វើឱ្យប្រជាជនមានការព្រួយបារម្ភយ៉ាងខ្លាំង ហើយមាន
មនុស្សមួយចំនួននិយាយថា ៖ "ប្រសិនបញ្ហាសន្ដិសុខ ត្រូវបានរឹតបន្ដឹងដូចទៅនឹងក្នុងអំឡុងកិច្ច
ប្រជុំកំពូលអាស៊ាន នោះបញ្ហាចោរប្លន់ប្រដាប់អាវុធ ប្រាកដជាមិនអាចកើតមានឡើងនោះទេ!"៕
ដោយ ៖ សីហា
- អូអុិឈិ តែបៃតងលេខ១ នៅកម្ពុជា រកឃើញអ្នកឈ្នះរង្វាន់ ៨នាក់ ពីកម្មវិធី (05/03/2019 17:02:00)
- គន្លឹះទាំងនេះ ជួយឱ្យអ្នកស្រកខ្លាញ់ក្បាលពោះយ៉ាងមានប្រសិទ្ធភាព (04/03/2019 16:07:00)
- ហេតុអ្វី ខ្ញុំមិនប្រសើរដូចគេ? វគ្គ១ (27/02/2019 12:05:00)
- វីធីរក្សាជីវិតគូឲ្យបានយួរអង្វែង (20/02/2019 14:36:00)
- រៀបការបានមួយខែ នី រតនា មានកាដូពិសេសជូនហ្វេនៗ (19/02/2019 09:59:00)
- តោះមកដឹងទីតាំងដែល តារាចម្រៀង សុខ ពិសី ប្រកាសអញ្ជើញលោកតា លោកយាយ ដែលខ្វះខាតមកពិសារបាយថ្ងៃមួយពេល (13/02/2019 12:04:00)
- សុខ ពិសី មិនត្រឹមតែស្អាត និងច្រៀងពិរោះប៉ុណ្ណោះទេ តែថែមទាំងចិត្តល្អទៀត! តើនាងធ្វើអំពើល្អអ្វីខ្លះទៅ (12/02/2019 13:45:00)
- មិននឹកស្មានថា ស្លឹកត្របែកក៏អាចព្យាបាលរោគស្រ្ដីប្រភេទនេះបានដែរ! (09/02/2019 09:08:00)
- វិធីទាក់ចិត្ដបុរសឱ្យលង់ស្នេហ៍នឹងអ្នក ដែលអ្នកមិនធ្លាប់ដឹង (30/01/2019 15:08:00)
- សុខ ពិសី ទប់ទឹកភ្នែកលែងជាប់ ក្រោយម្តាយ ខេមរៈ ស្រីពៅ រៀបរ៉ាប់រឿងរ៉ាវមុនពេលនាងទទួលមរណភាព (28/01/2019 11:07:00)
ដែលមើលច្រើន
