CamNews

ស្វែងរកកំរិតខ្ពស់
ព័ត៌មានអន្តរជាតិ 

ចលាចលបណ្តើរ នៅ Seoul កសិករ បើកត្រាក់ទ័រ ចូលក្រុង តវ៉ា ទម្លាក់ប្រធានាធិបតីរបស់ខ្លួន

(​សេអ៊ូល)៖ គ្រឿងយន្ដកសិកម្មប្រមាណ ១,០០០គ្រឿងរួមមានទំាងត្រាក់ទ័រ និងយានយន្តកសិកម្មជា ច្រើនគ្រឿងផេ្សងទៀត នឹងធ្វើដំណើរចូលទៅដល់ទីក្រុងសេអ៊ូល ដើម្បីចូលរួមក្នុងបាតុកម្មតវ៉ានៅ​ថ្ងៃសុក្រនេះ ទាមទារឱ្យប្រធានាធិបតីកូរ៉េខាងត្បូង លោកស្រី ផាក គឺនហេ ចុះចេញពីតំណែង ខណៈបាតុកម្មតវ៉ាទ្រង់ទ្រាយធំ ដែលគេរំពឹងថានឹងមានបាតុករ ២លាននាក់ចូលរួមនឹងត្រូវធ្វើឡើងនៅ​ថ្ងៃសៅរ៍ ស្អែកនេះ។ នេះបើតាមការចេញផ្សាយដោយទីភ្នាក់ងារសារព័ត៌មានចិន ស៊ិនហួរ នៅរសៀលថ្ងៃសុក្រ ទី២៥ ខែវិច្ឆិកា ឆ្នាំ២០១៦។

យោងតាមរូបភាពបង្ហោះដោយស្ថានីយ៍ទូរទស្សន៍នៅក្នុងស្រុក គេឃើញកសិករជាច្រើននាក់បើកត្រាក់ទ័រ និងយានយន្ដកសិកម្មរបស់ពួកគេ សំដៅចូលទៅក្នុង ទីក្រុងសេអ៊ូល ដោយក្នុងនោះមានដោតទង់ ដែលមានសរសេរអក្សរនៅពីលើនោះថា «ធានាស្ថេរភាពតម្លៃស្រូវ! ចាប់ខ្លួនលោកស្រី ផាក! លោកស្រី ផាក អើយចុះចេញទៅ!»។ ទន្ទឹមគ្នានោះដែរកងកម្លាំងប៉ូលិសក្រុងសេអ៊ូល បានហាតមឃាត់ចំពោះការ​បើកត្រាក់ទ័រចូលក្រុងក្រោមហេតុផលកកស្ទះចរាចរណ៍ ក៏ប៉ុន្តែតុលាការទីក្រុងសេអ៊ូល បានអនុញ្ញាត​ឱ្យក្រុមកសិករធ្វើបាតុកម្មតវ៉ា ក្នុងលក្ខខណ្ឌមិនឱ្យយកត្រាក់ទ័រចូលក្រុង។

គួរបញ្ជាក់ថា ក្រុមបាតុករជាកសិករបានធ្វើដំណើរតាមត្រាក់ទ័រ ចេញពីទីជនបទរបស់ពួកគេដោយ​ចំណាយពេលជាង១០ថ្ងៃ ដើម្បីធ្វើដំណើរមកកាន់ទីក្រុងសេអ៊ូល ហើយពួកគេនឹងមានគំរោងប្រមូលផ្ដុំគ្នា នៅឯឧទ្យាន Sejongno ក្បែរទីលាន Gwanghwamun ស្ថិតនៅកណ្ដាលក្រុងសេអ៊ូល មុននឹងនាំគ្នាដើរហែរជាក្បួនឆ្ពោះទៅកាន់ វិមានប្រធានាធិបតីលោកស្រី ផាក គឺនហេ។ ការតវ៉ានេះរៀបចំ​ឡើងដោយសម្ព័ន្ធកសិករកូរ៉េខាងត្បូង៕



ប្រភព ៖ ស៊ិនហួរ


Tags: South korea,  Busan,  Seoul,  Asia,  President,  Park Geun hye

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......