មហាជន និងស្រទាប់យុវវ័យមួយចំនួន មានការភ្ញាក់ផ្អើលយ៉ាងខ្លាំង នៅពេលដឹងថា ឱក សុគន្ធ
កញ្ញា បានគ្រងតំណែង ស្ពតពាណិជ្ជកម្មក្រុមហ៊ុន Samsung ជំនួស សុគន្ធ នីសា នៅក្នុងឆ្នាំ
២០១៣នេះ ។ លើសពីនេះទៅទៀតក៏ មានការលើកឡើង ពីសំណាក់ទស្សនិកជនផងដែរ ថា
ហេតុអ្វីបានជា សុគន្ធ នីសា បណ្តោយឲ្យ ឱក សុគន្ធកញ្ញា ជ្រែកបានតំណែងខ្លួនទៅវិញ? ព្រោះ
ស្ពតពាណិជ្ជកម្ម Samsung គឺជាស្ពតមួយដែលធំ និងអាចរកចំណូល បានច្រើនទៀតផង ។
បញ្ហានេះត្រូវបានគេគិតថា ដោយសារតែ បច្ចុប្បន្នស្រីស្រស់ សុគន្ធ នីសា កំពុងតែសប្បាយ
កើបលុយ នៅលើទឹកដីសហរដ្ឋអាមេរិក យ៉ាងប្រងើយ មិនខ្វល់ពីទីផ្សាររបស់ខ្លួន ក្នុងប្រទេស
សូម្បីតែបន្តិច ខណៈដែលតារាចម្រៀង ឱក សុគន្ធកញ្ញា បានតំណែងក្លាយជា តារាផ្សព្វផ្សាយ
ពាណិជ្ជកម្មផ្តាច់មុខ របស់ក្រុមហ៊ុនទូរស័ព្ទ Samsung ក្នុងឆ្នាំ២០១៣ ។
អ្នកតាមដានសង្គមសិល្បៈ ក៏ដូចជាអ្នកគាំទ្រ របស់តារាចម្រៀងរូបនេះ មានការកោតសរសើរ
យ៉ាងខ្លាំង នៅពេលតំណែងដ៏ធំមួយនេះ បានធ្លាក់ដល់ដៃរបស់ ឱក សុគន្ធកញ្ញា យ៉ាងដូច្នេះ។
នាងបានសម្ដែង អារម្មណ៍រំភើបរីករាយ ដោយបាននិយាយថា "ខ្ញុំសប្បាយចិត្តពេល បានធ្វើជា
តារាតំណាង ឲ្យផលិតផលម៉ាក Samsung ព្រោះជាក្រុមហ៊ុន បច្ចេកវិទ្យា លំដាប់ពិភពលោក ។
ខ្ញុំក៏ចូលចិត្តប្រើផលិតផល របស់ក្រុមហ៊ុន Samsung ជាពិសេសទូរស័ព្ទ Galaxy S3 និង Galaxy
Note2 ដែលជាទូរស័ព្ទ ទំនើបជាងគេ។ ខ្ញុំសូមឲ្យមហាជន ដែលគាំទ្រនាងខ្ញុំ ក៏ដូចជាគាំទ្រផលិត
ផលម៉ាក Samsung មេត្តាបន្តគាំទ្របន្ថែមទៀត ខ្ញុំនឹងនៅរីករាយ ជាមួយអ្នកទាំងអស់គ្នា"៕
ប្រភព ៖ DAP
