ឃាត់ខ្លួនជនសង្ស័យជាប់ពាក់ព័ន្ធ ឃាតកម្មលើអ្នកយកព័ត៌មាន កាសែតវរជនខ្មែរ
នគរបាលខេត្តរតនគិរី នៅថ្ងៃទី១៤ ខែកញ្ញា ២០១២នេះ កំពុងបន្តសួរចម្លើយជនសង្ស័យ
២នាក់ប្តីប្រពន្ធ ទាក់ទងការស្លាប់អ្នកកាសែតវរជនខ្មែរ ដែលត្រូវបានគេសម្លាប់កាលពីដើម
សប្តាហ៍នេះ។
មន្ត្រីនគរបាលខេត្តរតនគិរី បានបញ្ជាក់ឲ្យដឹងថា ជនសង្ស័យខាងលើ ដែលនគរបាលកំពុង
ដំណើរការសួរចម្លើយ ឈ្មោះ អ៊ាន ប៊ុនហេង ហៅអេង ជាមន្ត្រីអាវុធហត្ថខេត្ត និងប្រពន្ធឈ្មោះ
ស៊ឹម វី នៅភូមិទេសអន្លុង សង្កាត់បឹងកន្សែង ក្រុងបានលុង ខេត្ដរតនគិរី។
ប្រភពពត៌មានពីខេត្តរតនគិរីឲ្យ ដឹងថា តាមរយះការស្រាវជ្រាវរយះពេល៣ថ្ងៃកន្លងមក និង
ភស្តុតាង ដែលរកឃើញនៅខាងក្រៅផ្ទះជនសង្ស័យខាងលើ នគរបាលបានឃាត់ខ្លួនជន
សង្ស័យខាងលើ កាលពីថ្ងៃទី១៣ ខែកញ្ញា ២០១២។
ប្រភពខាងលើបន្តថា ការឈានទៅចាប់ខ្លួនជនទាំង២ខាងលើ គឺដំបូងឡើយគេរកឃើញ
ស្បែកជើងជនរងគ្រោះ គឺលោក លោកហង្ស សិរីឧត្ដម អ្នកយកព័ត៌មានកាសែត វរជនខ្មែរ
ប្រចាំខេត្ដរតនគិរី នៅក្នុងផ្ទះមួយ កាលពីព្រឹកថ្ងៃទី១៣ ខែកញ្ញា ២០១២ និងបន្ទាប់មករក
ឃើញ កម្រាលពូក មួយផ្ទាំង ប្រឡាក់ដាមដោយឈាមធុំក្លិនឆ្អាបស្អុយត្រាំទឹកចោលនៅខាង
ក្រោយ ផ្ទះ ជនសង្ស័យ នាំឲ្យសមត្ថកិច្ចធ្វើការកំណត់មុខសញ្ញានិងចាប់ខ្លួនតែម្តង។
សូមបញ្ជាក់ថា លោក ហង្ស សិរីឧត្តម អាយុ៤៤ឆ្នាំ ជាអ្នកយកពត៌មាន កាសែតវរជនខ្មែរ
បានបាត់ខ្លួននៅយប់ថ្ងៃទី៩ កញ្ញា ២០១២។ លុះ៣ថ្ងៃក្រោយ គឺនៅ ព្រឹកថ្ងៃទី១១ ខែកញ្ញា
ឆ្នាំ២០១២ គេបានប្រទះឃើញសាកសពលោក នៅក្នុងឃ្លុបឡានរបស់លោក បន្ទាប់ពីមាន
អ្នកភូមិជនជាតិភាគតិចក្នុងភូមិធួយអម្ពិល បានផ្តល់ដំណឹងដល់ក្រុមអ្នកកាសែត និងសមត្ថ
កិច្ចថា បានឃើញរថយន្តកាមរីមួយគ្រឿងចតចោលនៅក្នុងចម្ការស្វាយ ចន្ទី ហើយក្រុមអ្នក
តាមរកក៏បានទៅកាន់ទីនោះទើបស្គាល់ថា ជារថយន្តរបស់លោក ហង្ស សេរីឧត្តម មែន។
ប្រពន្ធលោក ហង្ស សិរីឧត្តម អ្នកស្រី ចន្ធី អាយុ២៨ឆ្នាំ ដែលមានផ្ទៃពោះ៧ខែ ដែលមានទី
លំនៅក្នុងភូមិមួយ សង្កាត់ឡាបានសៀក ក្រុងបានលុង បានឲ្យដឹងថា លោក ហង្ស សិរីឧត្តម
បានបាត់ខ្លួនតាំងពីម៉ោង ៧យប់ ថ្ងៃទី៩ខែកញ្ញា ឆ្នាំ២០១២ ដោយពុំដឹងជាទៅទីណា ក្រោយ
ពីមានទូរស័ព្ទហៅទៅជួប។
មកទល់ថ្ងៃទី១៤ កញ្ញា ឆ្នាំ២០១២ ជនសង្ស័យទាំង២នាក់ប្តីប្រពន្ធ សមត្ថកិច្ចនៅតែបន្តសាក
សួរ ទៅតាមនិតិវិធី និងប្រមូលភស្តុតាងបន្ថែម ហើយនៅមិនទាន់មានពត៌មានផ្លូវការថា ជន
សង្ស័យខាងលើជាឃាតករពិត និងមានអ្នកណាខ្លះជាប់ពាក់ព័ន្ធនៅឡើយទេ៕
ដោយ ៖ សូរីយ៉ា
ប្រភព ៖ NKW
- អូអុិឈិ តែបៃតងលេខ១ នៅកម្ពុជា រកឃើញអ្នកឈ្នះរង្វាន់ ៨នាក់ ពីកម្មវិធី (05/03/2019 17:02:00)
- គន្លឹះទាំងនេះ ជួយឱ្យអ្នកស្រកខ្លាញ់ក្បាលពោះយ៉ាងមានប្រសិទ្ធភាព (04/03/2019 16:07:00)
- ហេតុអ្វី ខ្ញុំមិនប្រសើរដូចគេ? វគ្គ១ (27/02/2019 12:05:00)
- វីធីរក្សាជីវិតគូឲ្យបានយួរអង្វែង (20/02/2019 14:36:00)
- រៀបការបានមួយខែ នី រតនា មានកាដូពិសេសជូនហ្វេនៗ (19/02/2019 09:59:00)
- តោះមកដឹងទីតាំងដែល តារាចម្រៀង សុខ ពិសី ប្រកាសអញ្ជើញលោកតា លោកយាយ ដែលខ្វះខាតមកពិសារបាយថ្ងៃមួយពេល (13/02/2019 12:04:00)
- សុខ ពិសី មិនត្រឹមតែស្អាត និងច្រៀងពិរោះប៉ុណ្ណោះទេ តែថែមទាំងចិត្តល្អទៀត! តើនាងធ្វើអំពើល្អអ្វីខ្លះទៅ (12/02/2019 13:45:00)
- មិននឹកស្មានថា ស្លឹកត្របែកក៏អាចព្យាបាលរោគស្រ្ដីប្រភេទនេះបានដែរ! (09/02/2019 09:08:00)
- វិធីទាក់ចិត្ដបុរសឱ្យលង់ស្នេហ៍នឹងអ្នក ដែលអ្នកមិនធ្លាប់ដឹង (30/01/2019 15:08:00)
- សុខ ពិសី ទប់ទឹកភ្នែកលែងជាប់ ក្រោយម្តាយ ខេមរៈ ស្រីពៅ រៀបរ៉ាប់រឿងរ៉ាវមុនពេលនាងទទួលមរណភាព (28/01/2019 11:07:00)
ដែលមើលច្រើន
