CamNews

ស្វែងរកកំរិតខ្ពស់
ព័ត៌មានអន្តរជាតិ 

លោកគ្រូបង្រៀនម្នាក់ ទះកំភ្លៀងសិស្ស ត្រូវសិស្សវាយវិញ ផ្អើលពេញថ្នាក់(មានវីដេអូ)

វីដេអូឃ្លីបមួយដែលមានរយះពេល ជាង១នាទី បានផ្តិតជាប់នូវរូបភាពនៃសកម្មភាព លោកគ្រូបង្រៀន ម្នាក់ បានវាយទៅលើមុខសិស្សប្រុសពីរនាក់ ពេលហៅមកកាន់មុខក្តារខៀន ក្នុងថ្នាក់រៀនមួយ។ ដោយ សារតែមានកំហឹងខ្លាំង មានសិស្សប្រុសម្នាក់ ក្នុងចំណោមពីរនាក់ ដែលត្រូវលោកគ្រូវាយ បានហក់មក វាយ លោកគ្រូបង្រៀនរបស់ខ្លួនវិញ។

រឿងហេតុនេះ បានកើតឡើងនៅក្នុងថ្នាក់រៀន ពេលកំពុងស្ថិតក្នុងម៉ោងសិក្សា។ លោកគ្រូបង្រៀន បានហៅសិស្សម្នាក់ ឡើងមកមុខក្តារខៀន ហើយក៏បានធ្វើការទះកំភ្លៀងយ៉ាងខ្លាំងៗទៅលើមុខ របស់សិស្សនោះ។ ប៉ុន្តែសិស្សម្នាក់នេះ មិនតបតអ្វីទេ ហើយក៏ឱនមុខចុះ។

សិស្សទីមួយ ដែលលោកគ្រូបង្រៀន ទះមុខជាបន្តបន្ទាប់

បន្ទាប់មក លោកគ្រូម្នាក់នេះ ក៏បានហៅសិស្សប្រុសម្នាក់ទៀត ឡើងមកមុខក្តារខៀន ហើយធ្វើសកម្ម ភាពដូចសិស្សម្នាក់មុននេះដែរ ប៉ុន្តែទះបានមួយដៃប៉ុណ្ណោះ សិស្សក្រោយនេះ បានមានកំហឹងខឹង ខ្លាំង ទ្រាំមិនបាន ក៏ហក់ស្ទុះទៅវាយ លោកគ្រូវិញ បង្កឲ្យមានចលាចល ពេញថ្នាក់រៀនតែម្តង។ ភ្លាមៗ នោះសិស្សដទៃផ្សេងទៀតជាច្រើន ក៏បានចេញមកហាមឃាត់ ផងដែរ។

សិស្សទីពីរ ដែលវាយតបទៅលើលោកគ្រូវិញ បន្ទាប់ពីគ្រូទះមួយដៃ

បន្ទាប់ពីវីដេអូនេះត្រូវបានធ្វើការបង្ហោះនៅអ៊ីនធឺណេត វាទទួលបានការចាប់អារម្មណ៍ចុចចូលទស្សនា យ៉ាងច្រើន ដោយរយះពេលតែ ២ម៉ោងប៉ុណ្ណោះ មានអ្នកចូលទស្សនាដល់ទៅ ជិត ៥០០០០ ដង និង មានរាប់សិបពាន់ មតិយោបល់ ផ្សេងៗគ្នាផងដែរ។ មនុស្សភាគច្រើន បានធ្វើការរិះគន់ និងស្តីបន្ទោស ទៅលើទង្វើប្រើអំពើហឹង្សា របស់លោកគ្រូនោះ ទៅលើសិស្ស ប៉ុន្តែក្នុងករណីនេះ សិស្សដែលបាន ធ្វើការ វាយតបទៅលើគ្រូវិញ ក៏ត្រូវមានទោសកំហុស ផងដែរ។ 

គួរបញ្ជាក់ផងដែរ រឿងហេតុនេះ បានកើតឡើងនៅក្នុងវិទ្យាល័យមួយកន្លែង នៅស្រុក តីសឺន ខេត្ត ប៊ីញឌីញ ប្រទេសវៀតណាម។

ពិតណាស់ទាំងទង្វើរបស់លោកគ្រូបង្រៀនម្នាក់នេះ និងសិស្សដែលវាយតបទៅលើ លោកគ្រូវិញ សុទ្ធតែជាទង្វើខុសឆ្គង និងមានទោសកំហុស។​ ក្នុងនាមខ្លួនជាលោកគ្រូ អ្នកគ្រូដែលឆ្លងកាត់ ការ រៀនសូត្រផ្នែកគរុកោសល្យ បង្រៀន សិស្ស មិនគួរណាប្រើអំពើហឹង្សា មកលើសិស្សឡើយ។ ហើយ ក្នុងនាមខ្លួនជាសិស្សម្នាក់ ក៏មិនត្រូវធ្វើទង្វើមិនគប្បីដូច្នេះ ទៅលើលោកគ្រូ អ្នកគ្រូ ដែលបានផ្តល់ ចំណេះដឹងមកឲ្យខ្លួន ដែលត្រូវបានចាត់ទុកថា ជាមាតាបិតាទី២ របស់ខ្លួននោះទេ។ បើសិនជាមាន កំហុសខុសឆ្គងអ្វី ចូរនាំគ្នាធ្វើការដោះស្រាយ ដោយសន្តិវិធី ផ្អែកលើមូលដ្ឋានច្បាប់ជាគោល។ អំពើ ហឹង្សាគឺជាទង្វើ គួរឲ្យស្អប់ខ្ពើមមួយ ដែលមិនគួរយកមក ដោះស្រាយបញ្ហានោះទេ៕


ប្រែសម្រួល៖ សិលា
ប្រភព៖ zing


Tags: international news,  social,  ព័ត៌មានអន្តរជាតិ

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......