រថភ្លើង សាកកម្លាំង ជាមួយរថយន្តក្រុង ដឹកអ្នកធ្វើការ សម្លាប់ យ៉ាងហោច បុគ្គលិក ៩ នាក់
ព័ត៌មានអន្តរជាតិ ៖ ដោយយោងតាមទីភ្នាក់ងារ សារព័ត៌មានក្នុងស្រុក ទំព័រសារព័ត៌មានបរទេស ប៊ី ប៊ីស៊ីបានចុះផ្សាយអត្ថបអោយដឹងថា យ៉ាងហោចណាស់ មនុស្ស ៩ នាក់ បានស្លាប់បាត់បង់ជីវិត ក្រោយពី រថភ្លើងដឹកអ្នកដំណើរ មួយគ្រឿង បានជួបនឹងឧបទ្ទេវហេតុ បុកជាមួយនឹងរថយន្តក្រុង ដឹកក្រុមមនុស្សទៅធ្វើការ ។
លើសពីនេះ ប្រភពសារព័តមានដដែល បន្តអោយដឹងថា ករណីគ្រោះថ្នាក់ សម្លាប់មនុស្សយ៉ាង អណោចអធម លើកនេះ បានកើតឡើង នៅឯក្រុងជាប់កំពង់ផែ ក្រុង Mersin ប្រទេស ទួរគី។ យ៉ាង ណាមិញ បើតាមសេចក្តីរាយការណ៍ បន្តអោយដឹងថា មនុស្ស ៩ នាក់ ដែលបានស្លាប់ និង ៥ នាក់ ផ្សេងទៀត ដែលបានរងរបួសនោះ សុទ្ធសឹងតែជាបេក្ខភាព អ្នកដំណើរ នៅក្នុងរថយន្តក្រុង ផ្ទុយ ស្រឡះពី អ្នកដំណើរ នៅលើរថភ្លើង ពួកគេ ពិតជា មិនបានទទួលរងរបួសអ្វីនោះទេ ។
ខណៈកើតមានឡើង នៅលើផ្លូវមុខកាត់ នៃខ្សែរថភ្លើងនោះ ទីភ្នាក់ងារ សារព័ត៌មានក្នុងស្រុក អះ អាងអោយដឹងថា របាំងការពារ បង្ខាំងកុំអោយមានការឆ្លងកាត់នោះ អាចនឹងបើកឡើង ជាហេតុនាំ អោយមានគ្រោះថ្នាក់លើកនេះ ។
លោក Basri Guzeloglu ជាមន្រ្តីផ្លូវការ ប្រចាំតំបន់ បានគូសបញ្ជាក់អោយដឹងថា ករណីលើកនេះ គឺ កំពុងតែស្ថិតនៅក្រោមការតាមដាន ស៊ើបអង្កេតនៅឡើយ ខណៈក្រុមមនុស្ស ជាជនរងគ្រោះ ត្រូវ បានគេជួយទៅសម្រាកព្យាបាល នៅឯមន្ទីរពេទ្យ ក្បែរកន្លែង កើតហេតុ ៕
ប្រែសម្រួល ៖ កុសល
ប្រភព ៖ ប៊ីប៊ីស៊ី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
