អតីតប្រធានាធិបតីកូរ៉េខាងត្បូង ត្រូវបានចាប់ខ្លួនពីបទពុករលួយទឹកប្រាក់ ១០ លានដុល្លារ
អតីតប្រធានាធិបតីកូរ៉េខាងត្បូងលោក Lee Myung-bak ត្រូវបានតុលាការចាប់ខ្លួន និងឃុំខ្លួនកាលពីថ្ងៃសុក្រពីបទចោទប្រកាន់ពុករលួយជាច្រើនរូបភាព រួមទាំងការទទួលសំណូក ការលួចបន្លំ និងការរំលោភអំណាចផងដែរ។
តុលាការក្រុងសេអ៊ូល បានអនុម័តដីកាចាប់ខ្លួន ដោយផ្អែកលើការចោទប្រកាន់ដ៏ធ្ងន់ធ្ងរអំពីឧក្រិដ្ឋកម្ម និងលទ្ធភាព ដែលអតីតប្រធានាធិបតីរូបនេះ អាចប៉ុនប៉ងបំផ្លាញភស្តុតាង។
អង្គការអយ្យការ បានចោទប្រកាន់លោក Lee ថា បានទទួលប្រាក់សំណូកចំនួន ១១ ពាន់លានវ៉ុន (១០ លានដុល្លារ) ពីភ្នាក់ងារចារកម្មរបស់ខ្លួន និងក្រុមធុរកិច្ចដទៃទៀត រួមទាំងក្រុមហ៊ុន Samsung ផងដែរ។
ការចាប់ខ្លួនរបស់លោក Lee គឺបានបន្ថែមទៅលើរឿងក្ដីនាពេលថ្មីៗនេះរបស់មេដឹកនាំ ដែលប្រឈមនឹងរឿងអាស្រូវពុករលួយ បន្ទាប់ពីចាកចេញពីពីតំណែង។ លោក Lee ត្រូវបានគេស៊ើបអង្កេត កាលពីពេលមុនថា មានការជាប់ទាក់ទងនឹងការក្លែងបន្លំ កាលពីឆ្នាំ ២០០១ ដែលលោកបានបដិសេធថា ខ្លួនមិនបានប្រព្រឹត្ដខុសនោះទេ។
ដីកានេះ នឹងអនុញ្ញាតឱ្យព្រះរាជអាជ្ញាឃាត់ខ្លួនលោក Lee រហូតដល់រយៈ ២០ ថ្ងៃមុនពេល ធ្វើការចោទប្រកាន់ជាផ្លូវការ ៕
ប្រែសម្រួល៖ សារ៉ាត
ប្រភព៖ Jurist
- អ្នកឡើងភ្នំល្បីៗចំនួន០៣រូប ស្លាប់ដោយសារផ្ទាំងទឹកកកបាក់សង្កត់ (22/04/2019 15:49:00)
- ប៉ូលិសស្រីវ័យក្មេង ម្នាក់ត្រូវបណ្តេញពីការងារព្រោះ Selfie អាក្រាតកាយ (18/02/2019 11:00:00)
- សភាសហរដ្ឋអាមេរិកចេញសេចក្ដីសម្រេចបញ្ចប់ជំនួយយោធា នៅយេមែន (15/02/2019 11:10:00)
- មន្រ្ដីការទូតកំពូលនៃក្រសួងការបរទេសអាមេរិក លាលែងពីមុខតំណែង (23/01/2019 15:26:00)
- បារាំង ពិន័យក្រុមហ៊ុន Google ៥៧លានដុល្លារ ពីបទរំលោភលើបញ្ញត្ដិស្ដីឯកជនភាពរបស់សហភាពអឺរ៉ុប (23/01/2019 11:09:00)
- ថ្មីណាស់! លួចរៀបការបានប្រពន្ធ ៣ នាក់នៅខេត្តផ្សេងៗគ្នា ហើយនាំយកមករស់នៅក្បែរៗគ្នា (16/01/2019 10:38:00)
- ពេលទៅលេងប្រទេសជប៉ុនត្រូវដឹងអំពីថ្លៃពន្ធបន្ថែមនេះសិន (11/01/2019 14:18:00)
- មើលហើយទប់សំណើចមិនបាន!! ប្រទេសនឹងសម្បូររឿងប្លែកៗខុសគេរហូតម៉ង (មានវីដេអូ) (05/01/2019 11:44:00)
- ទៀតហើយ!! ជះលុយទិញម៉ាសុីនស្វាន មកធ្វើជារបស់ប្រើសម្រាប់បរិភោគពោត ទីបំផុតត្រូវបាក់ធ្មេញបានសម្រេច (05/01/2019 11:03:00)
- ចោរអត់គម្រោង! នឹកឃើញចង់រកលុយថែម បែកគំនិតលួចខ្សែ ក តែម្ចាស់ហាងឆ្លាត ចុងក្រោយគុក (07/12/2018 09:59:00)
ព័ត៌មានអន្តរជាតិ ដែលមើលច្រើន
