CamNews

ព័ត៌មានអន្តរជាតិ ៖ រុស្ស៊ី និងសហរដ្ឋអាមេរិក បានសម្រេចកិច្ចព្រមព្រៀងផ្លូវការមួយ ដែលប្រជា ជាតិទាំងពីរមានក្តីសង្ឃឹមអោយដឹងថា នឹង​​   ជម្លៀស  បាននូវការប៉ះទង្គិច ដែនអាកាស រវាងកង កម្លាំង ទ័ពអាកាស មកពីរុស្ស៊ី និង អាមេរិក នៅក្នុងប្រទេសស៊ីរី នេះបើយោងតាមការគូសបញ្ជាក់ ពីសម្តីមន្រ្តីផ្លូវការមកពី ២ ប្រទេស (រុស្ស៊ី អាមេរិក) ។

                                                    បញ្ជាក់ ៖ រូបភាព ឯកសារ

សេចក្តីរាយការណ៍ បញ្ជាក់អោយដឹងថា រុស្ស៊ី បាន  ចាប់ ផ្តើមវាយប្រហារ ផ្លូវអាកាស ទៅលើ ប្រ ទេសស៊ីរី ចាប់តាំងពីថ្ងៃទី ៣០ ខែ កញ្ញា ឆ្នាំ ២០១៥ ប្រឆាំង ទៅនឹងឈ្លើងសង្គ្រាម នៃក្រុមឧទ្ទាម រដ្ឋអ៊ីស្លាមជ្រុលនិយម ISIS ។ គួរបញ្ជាក់ថា សប្តាហ៍កន្លងទៅនេះ   សហរដ្ឋអាមេរិក អោយដឹងថា យន្តហោះចម្បាំង មកពី ២ ភាគី (អាមេរិក រុស្ស៊ី) ចេញប្រតិបត្តិការ   បើក  ការវាយប្រហារ ទៅលើ សមរភូមិផ្លូវអាកាសតែមួយ ខណៈយន្តហោះទាំង ២ មានរយៈចម្ងាយ ជិតគ្នាជាខ្លាំង។ បរិបទនេះ ហើយទើបធ្វើអោយមានការព្រួយបារម្ភ ពីការប៉ះទង្គិចដែនអាកាសរវាង ទ័ពអាកាសប្រទេសទាំង ពីរ ឈានទៅសម្រេចកិច្ចព្រមព្រៀង នៃអនុស្សរណៈយោគយល់គ្នា ជាផ្លូវការ តែម្តង ។

អ្នកនាំពាក្យ អោយ មន្ទីរបញ្ជកោណសហរដ្ឋអាមេរិក លោក Peter Cook អោយដឹងថា អត្ថបទផ្លូវ ការនៃកិច្ចព្រមព្រៀង MOU អាមេរិក រុស្ស៊ី នឹងបន្តរក្សាអោយនៅ មាន  ភាពអាថ៍កំបាំង ស្របតាម សំណើរបស់រដ្ឋាភិបាល ទីក្រុង ម៉ូស្កូ ។ គួររំឮកថា កិច្ចព្រមព្រៀង   ផ្លូវការ ដែលរុស្ស៊ី និងអាមេរិក សម្រេចលើកនេះ​មានឈ្មោះពិតប្រាកដ និង   ពេញលេញ ថា   "  The Memorandum of Mutual Understanding between the Defense Ministries of Russia and the  United  States on pre - venting incidents and providing for aviation flights during operations in Syria"  ជា កិច្ចព្រម នៃអនុស្សរណៈយោគយល់គ្នា រវាងអាមេរិក និងរុស្ស៊ី ទៅលើ ការចែក  សមរភូមិដែនអាកាស នៅ ប្រទេសស៊ីរី ជៀសវាងអោយបាននូវការប៉ះទង្គិច រវាងទ័ពអាកាស     ប្រទេស  រុស្ស៊ី និង អាមេរិក ផ្ទាល់តែម្តង ៕

ប្រែសម្រួល ៖ កុសល

ប្រភព ៖ អ័រតេ