CamNews

ស្វែងរកកំរិតខ្ពស់
ព័ត៌មានអន្តរជាតិ 

"បំពង់ខ្យល់ អុកស៊ីហ្សែន ISIS គឺ ប្រេងឆៅ ទីផ្សារងងឹត" វីដេអូក្តៅ អន្តរជាតិ កំទេច ទីតាំងប្រេង ISIS

ព័ត៌មានអន្តរជាតិ ៖ ក្រុមឧទ្ទាមរដ្ឋអ៊ីស្លាម ជ្រុលនិយម ISIS រកប្រាក់ចំណូលបានរាប់លានដុល្លារ តាមរយៈការលក់ចេញប្រេងទៅកាន់ទីផ្សារងងឹត នៅក្នុង  ប្រទេសទួរគី  មុននឹងមានការនាំចេញ បន្តទៅកាន់ទីផ្សារពិភពលោក នេះបើយោងតាមការគូសបញ្ជាក់ ដោយផ្ទាល់ ពីសំណាក់ នាយក រដ្ឋមន្រ្តីប្រទេសអ៊ីរ៉ាក់ និងជា អតីតក្រុមប្រឹក្សាសន្តិសុខជាតិ លោក Mowaffak al Rubaie ។ មិន ត្រឹមតែប៉ុណ្ណោះ លោកគូសបញ្ជាក់បន្ថែមអោយដឹងថា រាល់សមាជិក  ISIS ដែលរងរបួសធ្ងន់និង ស្រាល មានព័ត៌មានលេចឮអោយដឹងថា បានសម្រាកព្យាបាល នៅ ក្នុងមន្ទីរពេទ្យ ប្រទេសទួរគី ថែមទៀតផង ។

 

   ប្រតិបត្តិការវាយប្រហារ កំទេចទីតាំងប្រេង ISIS គឺជា បេសកម្ម អទិភាព ពីសំណាក់ទ័ពអាកាស

ស្រាយបំភ្លឺដោយផ្ទាល់ អំឡុងកិច្ចសម្ភាសន៍ជាមួយនឹងសារព័ត៌មាន  រុស្ស៊ី អ័រតេ លោក Mowa - ffak al Rubaie អោយដឹងថា រយៈពេល ៨ ខែចុងក្រោយនេះ ISIS លក់ចេញប្រេងទៅកាន់ទីផ្សារ ងងឹតប្រទេសទួរគី បានដល់ទៅ ៨០០លានដុល្លារសហរដ្ឋអាមេរិក ក្នុងនោះ ជាបណ្តាប្រេងខុស ច្បាប់ពី ប្រទេសអ៊ីរ៉ាក់ ក៏ដូចជា ស៊ីរី ដេញចេញតាមរថយន្តប្រេងធំតូចទៅលក់នៅឯទីផ្សារងងឹត ប្រទេសទួរគី ៥០% នៃប្រេងទាំងអស់នោះ ត្រូវបាននាំចេញទៅកាន់ទីផ្សារ ពិភពលោក ។
លោកបន្តអោយដឹងថា កញ្ចប់ថវិកា ជាច្រើនសន្ធឹកសន្ធាប់​ ដែលបានមកពី  ការ ចរាចរណ៍ប្រេង ខុសច្បាប់ទៅកាន់ទីផ្សារងងឹតនោះ ប្រៀបបាន ជាបំពង់ខ្យល់អុកស៊ីសែន   ជួយ ISIS អោយបន្ត ដកដង្ហើមបាន ឈានទៅគាំទ្រការវាយប្រហារ ភារវកម្ម ក្រុមរបស់ខ្លួន  ។   ដូច្នេះ កាលបើ យើង សម្រេចកាត់ផ្តាច់ បំពង់ខ្យល់អុកស៊ីសែន ISIS មែននោះ   ក្រុម  ភារវករ មួយនេះ ពិតជាចប់គ្មាន ពាក្យថ្លែង។
នាយករដ្ឋមន្រ្តី ប្រទេស អ៊ីរ៉ាក់  បន្តអោយដឹងថា គ្មានមន្ទិលសង្ស័យអ្វីនោះទេ ដែលថា រដ្ឋាភិ បាលប្រទេសទួរគី ពិតជាបានដឹងច្បាស់ ពីប្រតិបត្តិការចរាចរណ៍ ប្រេងខុសច្បាប់ មួយនេះ ។ អ្នកជំនួញពីទីផ្សារងងឹត នៅក្នុងប្រទេសទួរគី ច្បាស់ណាស់ ពិតជាស្ថិតនៅក្រោមភ្នែក ច្រមុះ នៃ រដ្ឋាភិបាលក្នុងស្រុក ដែលមិនអាចគេចវេសបាន ៕
ប្រែសម្រួល ៖ កុសល
ប្រភព ៖ អ័រតេ

Tags: Int news,  Breaking news,  World news,  Unt news,  Hot news,  Turkey

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......