CamNews

ព័ត៌មានអន្តរជាតិ ៖ បើយោងតាមការដកស្រង់អត្ថបទផ្សាយ ដែលចេញដោយទំព័រសារព័ត៌
មានបរទេស CNN នាវេលាមុននេះបន្តិចបានបញ្ជាក់អោយដឹងថា ជាលទ្ធផលបេសកម្មរបស់
ភ្នាក់ងារ តាមដានស៊ើបអង្កេត ពិសេស សហរដ្ឋអាមេរិក  FBI  ត្រូវបានបញ្ចប់ហើយ បន្ទាប់ពី
ចាប់បានជនសង្ស័យ បំផ្ទុះគ្រាប់បែកនៅរដ្ឋ Boston និងបញ្ជូនទៅកាន់មន្ទីរឃុំឃាំង។

គួរបញ្ជាក់ផងដែរថា  ​ព័ត៌មានមួយនេះ  វាគឺជាការសាទរមួយពីសំណាក់ប្រជាពលរដ្ឋរស់នៅ
ក្នុងរដ្ឋ Boston បន្ទាប់ពីជនដៃដល់  ស្តិតនៅពីក្រោយការបំផ្ទុះគ្រាប់បែក  ត្រូវបានចាប់ឃាត់
ខ្លួន។

ប្រភពសារព័ត៌មានដដែលថា ការចាប់ឃាត់ខ្លួននោះ អាចធ្វើទៅបាន បន្ទាប់ពីមានការតាម
ដានស៊ើបអង្កេតយ៉ាងម៉ត់ចត់  និងឈានទៅដល់ការចាប់ឃាត់ខ្លួនជនសង្ស័យ ដែលកំពុង
តែលាក់ខ្លួន នៅក្នុងទូកមួយគ្រឿង  នាទីប្រជុំជន Watertown រដ្ឋ Massachusetts សហរដ្ឋ
អាមេរិក។

យ៉ាងណាមិញ អំឡុងនៃពេលចេញប្រតិបត្តិការតាមចាប់ឃាត់ខ្លួនជនសង្ស័យទាំងនោះ ក៏
បានកើតមានឡើងនូវការផ្ទុះអាវុធ បាញ់តទល់ជាមួយនឹងសមត្តកិច្ច  ដែលនៅក្នុងនោះ ក៏
បានបាញ់សម្លាប់ជនសង្ស័យពីររូប ក្នុងនោះមានឈ្មោះ Tamerlan Tsarnaev វ័យ ២៦ ឆ្នាំ
ខណៈពេលដែលជនសង្ស័យម្នាក់ទៀត ត្រូវបានចាប់ឃាត់ខ្លួន និងបញ្ចូនទៅកាន់មន្ទីរឃុំ
ឃាំង គេមានឈ្មោះ  Dzhokhar A Tsarnaev វ័យ ១៩ ឆ្នាំ។

             Tamerlan Tsarnaev បានស្លាប់នៅក្នុងមន្ទីរពេទ្យ បន្ទាប់ពីមានការផ្ទុះអាវុធ

ដោយឡែក    ក៏មានការបញ្ជាក់អះអាងផងដែរ  ពីសំណាក់ម្តាយមីងជនជាប់ចោទ ឈ្មោះ
Maret Tsarnaeva ពួកគេទាំងពីរនាក់ ជាបងប្អូននិងគ្នា ( Tamerlan Tsarnaev និង Dzh-
okhar A Tsarnaev) ហើយពួកគេបានក្លាយជាពលរដ្ឋស្របច្បាប់ក្នុងរដ្ឋ  Massachusetts
នេះ    បន្ទាប់ពីបានផ្លាស់ទីលំនៅ  ពីប្រទេសរុស្ស៊ី កាលពីអំឡុង ១០ ឆ្នាំមុន ។  លោកស្រី
បន្ថែមថា ថ្មីៗនេះ គេបានក្លាយជាអ្នកកាន់សាសនាម៉ូស្លីម  (Muslim)  ជ្រុលនិយម ខណៈ
ពេលដែលធ្វើការបន់ស្រន់ (Pray) ដល់ទៅ ៥ ដងក្នុងមួយថ្ងៃ។

លើសពីនេះទៅទៀត  ក៏មានការបង្ហោះជា Status នៅក្នុងទំព័រ  Twitter ផងដែរពីសំណាក់
មន្រ្តីផ្លូវការប្រចាំរដ្ឋ   Boston  ដោយបានបញ្ជាក់ថា ៖  ការតាមប្រមាញ់ត្រូវបានបញ្ចប់​ ការ
រុករកស្រាវជ្រាវ  ក៏រួចរាល់   ភារវកម្ម ក៏ត្រូវបញ្ចប់ផងដែរ ជាលទ្ធផល យុត្តិធម៌ ពិតជាបាន
ឈ្នះ៕

ដោយ ៖ រិទ្ធី
ប្រភព ៖ ស្កាយ