CamNews

ព័ត៌មានកីឡា៖ ប៉ាក់គីអៅ បានបង្ហើបពាក្យសម្ដីចុងក្រោយប៉ុន្មានម៉ាត់ បញ្ជាក់បកទៅវិញ បន្ទាប់ពី​មិត្ដ​សម្លាញ់​ដៃគូរចុងក្រោយបាន សើចចំអកខ្លាំងថា រូបលោកគឺជាកីឡាករកំសាក អន់ ចាញ់ហើយមិនព្រមទទួលកំហុស​របស់ខ្លួន បែជាយកលេះថា​មកពីបញ្ហារបួសទៅវិញ ពាក្យសម្ដីទាំងនេះ ត្រូវបាន ប៉ាក់គីអៅ ស៊កទៅវិញថា អ្នក​​​ដែលប្រកួតរត់គឺជាមនុស្សកំសាក ហើយអន់ ។ 

យោងតាមការចុះផ្សាយរបស់ គេហទំព័រ boxingnews24 បានលើកឡើងថា ប៉ាក់គីអៅមិនបានចង្អុលបង្ហាញ​ពី​ជនណាម្នាក់នោះឡើយ ហើយគាត់ក៏បានប្រតិកម្មនឹងពាក្យសម្ដីនេះម្ដងដែរ​ ប៉ុន្ដែគាត់ក៏បានអះអាងផងថា គាត់​គ្មានបំណងយកលេះរបួសជំនួសឲ្យការបរាជ័នេាះទេ គាត់គ្រាន់តែចង់បង្ហាញពីការ​​ពិតតែប៉ុណ្ណោះ។​ ហើយ​​​​ម្យ៉ាងវិញទៀត ពាក្យចោទប្រកាន់ថាគាត់ជាមនុស្សកំសាក គឺគាត់សូមលើក​​ឡើងទៅវិញថា កីឡាករដែរ​​កំសាក​ គឺជា​កីឡាករដែល វ៉ៃរត់ មិនហ៊ានប្រឈមមុខត្រង់ៗ នឹងដៃ​គូរ នោះទើបជាមនុស្សកំសាក។ គាត់បាន​​យល់ស្រប នឹង​គំនិតរបស់ គណៈកម្មការ មេប្រយោគដែល​​សម្រេចឲ្យរូបគាត់ចាញ់ការប្រកួតនេះ ពីព្រោះ​ Floyd គឺជាកីឡាករ​ខ្លាំង ឆ្លាត ហើយច្បាស់ណាស់​ Floyd ​មិនបានប្រកួត រត់គេចនោះទេ ដូច្នោះវាគឺជារឿងមួយ​មិនច្បាស់ទាល់តែ​សោះ ដែល​ មើលឃើញ​ថាគាត់រត់។ សម្រាប់គំនិតដែលគាត់បានលើកឡើង មិនត្រឹម​តែគាត់ទេ យល់ដូច្នោះ បើសូម្បី​តែ ប្រិយមិត្ដគាំទ្រក៏គិតអ៊ីចឹងដែរ ថា មនុស្សកំសាកគីជាមនុស្សដែលរត់គេច​ ។ 

ប៉ាក់គីអៅ ក្រោយពីទទួលលទ្ធផលនៃការប្រកួត ក៏មិនសប្បាយចិត្ដនោះដែរ ដោយឃើញប្រិយមិត្ដគាំទ្ររបស់ ខ្លួនច្រើន ហូរទឹកភ្នែកសោកស្ដាយនឹងការប្រកួតមួយនេះ។ ប៉ាក់គីអៅ មិនត្រឹមតែបរាជ័យ​​​តែប៉ុណ្ណោះទេ ថែម​ទាំងទទួលរងរបួសធ្ងន់ពិតប្រាកដមែន ដោយរូបលោក ត្រូវឈានទៅដល់​​ការវះកាត់ព្យាបាលឡើងវិញ។ 

ដោយ៖ អឿ អ៊ុយ

ប្រភព៖ boxingnews24