នីតិវិធី ចូលគោរពព្រះបរមសពសម្តេចឪ ធ្វើឲ្យមហាជនខកចិត្ត
ព័ត៌មានជាតិ ៖ ព្រះរាជវាំងបានបើកទ្វារទទួលមហាជន ទូទៅអោយចូលគោរពព្រះវិញ្ញាណក្ខន្ធ
សម្តេចឳហើយបន្ទាប់ពីព្រះរាជពិធី កាន់ទុក្ខរយៈពេល៧ថ្ងៃបានបញ្ចប់ទៅ។ ប៉ុន្តែ ដើម្បីអាចចូល
គោរពព្រះបរមសពរបស់ព្រះបាទនរោត្តម សីហនុដោយផ្ទាល់នៅក្នុងព្រះបរមរាជវាំងបានគេត្រូវ
ដាក់ពាក្យសុំជាមុន ពោលគឺ មហាជនមិនអាចចូលបានដោយសេរីនោះទេ។ និតីវិធីនេះធ្វើអោយ
ប្រជាពលរដ្ឋមួយចំនួនខកចិត្តពីព្រោះតែពួកគេ យល់ថា មានលក្ខណៈស្មុគស្មាញពេក ។ យ៉ាង
ណាក៏ដោយ បញ្ហាសណ្តាប់ធ្នាប់និងសន្តិសុខ ត្រូវបានគេលើកយកសំអាងដើម្បីពន្យល់ តបនឹង
កង្វល់នេះ។
ក្រោយពីការគោរពព្រះវិញ្ញាណក្ខន្ធរបស់ព្រះបាទនរោត្តម សីហនុ នៅក្រៅព្រះបរមរាជវាំងអស់
មួយសប្តាហ៍កន្លងមក ប្រជាពលរដ្ឋទូទៅអាចត្រូវបានអនុញ្ញាតឲ្យចូលគោរពព្រះវិញ្ញាក្ខន្ធ របស់
អង្គសម្តេចឪដោយផ្ទាល់នៅក្នុងព្រះបរមរាជវាំង។ ក៏ប៉ុន្តែពួកគេមិនអាចចូលដោយសេរីទេគឺត្រូវ
ដាក់ពាក្យសុំជាមុនសិន បើតាមព្រះអង្គម្ចាស់មួយអង្គដែលសុំមិនបញ្ចេញព្រះនាម ការដែលមិន
បើកចំហសំរាប់មនុស្សទូទៅបែបនេះ គឺដោយសារ តែមានអ្នកសុំចូលគោរពព្រះបរមសពរបស់
អង្គសម្តេចឪច្រើនពេក មានទាំងមន្ត្រីក្នុងស្រុក ក្រៅស្រុក និង មិត្តបរទេសផង។
នៅថ្ងៃនេះ វិទ្យុបារាំងអន្តរជាតិមិនអាចសុំការអត្ថាធិប្បាយពីលោក ញឹកប៊ុន ឆៃ ដែលជាអនុប្រ
ធានគណៈកម្មាធិការជាតិរៀបចំព្រះរាជពិធីបុណ្យព្រះបរមសព របស់ព្រះមហាវីរក្សត្រ ស្តីពីការ
ចូលគោរពព្រះវិញ្ញាណក្ខន្ធនោះបានទេ ។ ក៏ប៉ុន្តែ លោកបានមានប្រសាសន៍ប្រាប់កាសែតក្នុង
ស្រុកមួយថា អ្នកដែលចង់ចូលគោរពព្រះវិញ្ញាណក្ខន្ធរបស់ព្រះមហាវីរក្សត្រ ត្រូវដាក់ពាក្យ និង
ត្រូវប្រាប់ពីចំនួនមនុស្ស និងអាសយដ្ឋាន ដើម្បីគណៈកម្មាធិការអាចកំនត់ថ្ងៃជូនពួកគាត់បាន ។
នីតិវិធីនេះបានធ្វើឲ្យប្រជាពលរដ្ឋមួយចំនួនដែលគោរពស្រលាញ់ព្រះបិតា ឯករាជ្យជាតិមានការ
ខកចិត្ត ដោយពួកគាត់យល់ឃើញថា គ្រាន់តែទៅគោរពព្រះបរមសពសម្តេចឪសោះ ហេតុអ្វីក៏
មាននីតិវិធីស្មុគស្មាញម្ល៉េះ។ ជាងនេះអ្នកខ្លះក៏បានលើកឡើងថាពួកគាត់មិនដឹងដាក់ពាក្យស្នើសុំ
យ៉ាងម៉េច ហើយបើបានដាក់ពាក្យហើយ តើពួកគាត់ទទួលចម្លើយតាមរបៀបណា និងនៅពេល
ណានោះទេ។
ព្រះបាទសម្តេចព្រះនរោត្តមសីហនុ បានយាងសោយទិវង្គតកាលពីថ្ងៃទី១៥ តុលា នៅមន្ទីរពេទ្យ
ក្រុងប៉េកាំងប្រទេសចិន។ ព្រះបរមសពរបស់ព្រះអង្គត្រូវបានដង្ហែមកដល់ កម្ពុជា កាលពីថ្ងៃ១៧
តុលា។ រដ្ឋាភិបាលបានចេញសារាចរណ៍ឲ្យកាន់ទុក្ខព្រះបរមសពរបស់ព្រះអង្គ រយៈពេល៧ថ្ងៃ។
ទើបតែថ្ងៃម្សិលមិញនេះទេ ដែលគណៈកម្មាធិការជាតិ រៀបចំព្រះរាជពិធីបុណ្យ ព្រះបរមសព
សម្តេចឪទទួល ពាក្យចូលគោរពព្រះបរមសពដោយផ្ទាល់ពីសំណាក់មហាជនទូទៅ។
គួររំឭកផងដែរថា នៅអំឡុងនៃការគោរពព្រះវិញ្ញាណក្ខន្ធព្រះបិតាឯករាជ្យជាតិមួយសប្តាហ៍កន្លង
ទៅ បើតាមមន្ទីរសុខាភិបាលរាជធានីភ្នំពេញ មានប្រជាពលរដ្ឋប្រមាណ ២៣៣ នាក់ បានដួល
សន្លប់ និងត្រូវបានបញ្ចូនទៅមន្ទីរពេទ្យដោយសារតែមានមនុស្សច្រើនពេក៕
ដោយ ៖ មង្គល
ប្រភព ៖ khmer.rfi
- អ្នកឡើងភ្នំល្បីៗចំនួន០៣រូប ស្លាប់ដោយសារផ្ទាំងទឹកកកបាក់សង្កត់ (22/04/2019 15:49:00)
- ធ្លាប់តែមើលវីដេអូកំប្លែងៗរបស់ប្អូនឈើ ឥលូវមកស្តាប់ប្អូននិយាយជាភាសាខ្មែរវិញ ច្បាស់ចេសម្ម៉ង!! (20/02/2019 10:15:00)
- ប៉ូលិសស្រីវ័យក្មេង ម្នាក់ត្រូវបណ្តេញពីការងារព្រោះ Selfie អាក្រាតកាយ (18/02/2019 11:00:00)
- សភាសហរដ្ឋអាមេរិកចេញសេចក្ដីសម្រេចបញ្ចប់ជំនួយយោធា នៅយេមែន (15/02/2019 11:10:00)
- មន្រ្ដីការទូតកំពូលនៃក្រសួងការបរទេសអាមេរិក លាលែងពីមុខតំណែង (23/01/2019 15:26:00)
- បារាំង ពិន័យក្រុមហ៊ុន Google ៥៧លានដុល្លារ ពីបទរំលោភលើបញ្ញត្ដិស្ដីឯកជនភាពរបស់សហភាពអឺរ៉ុប (23/01/2019 11:09:00)
- ថ្មីណាស់! លួចរៀបការបានប្រពន្ធ ៣ នាក់នៅខេត្តផ្សេងៗគ្នា ហើយនាំយកមករស់នៅក្បែរៗគ្នា (16/01/2019 10:38:00)
- ពេលទៅលេងប្រទេសជប៉ុនត្រូវដឹងអំពីថ្លៃពន្ធបន្ថែមនេះសិន (11/01/2019 14:18:00)
- មើលហើយទប់សំណើចមិនបាន!! ប្រទេសនឹងសម្បូររឿងប្លែកៗខុសគេរហូតម៉ង (មានវីដេអូ) (05/01/2019 11:44:00)
- ទៀតហើយ!! ជះលុយទិញម៉ាសុីនស្វាន មកធ្វើជារបស់ប្រើសម្រាប់បរិភោគពោត ទីបំផុតត្រូវបាក់ធ្មេញបានសម្រេច (05/01/2019 11:03:00)
ព័ត៌មានអន្តរជាតិ ដែលមើលច្រើន
