CamNews

ព័ត៌មានអន្តរជាតិ ៖ សន្លឹករូបថត ត្រឹមតែមួយសន្លឹក បង្ហាញច្បាស់ជាក់ស្តែង បុរសជាឪពុកជាជន ភៀសខ្លួន ពីប្រទេសស៊ីរី កំពុងតែ អោបក្រសោប និងថើបកូនស្រីក្រោមតំណក់ភ្លៀងនោះមិនត្រឹម តែធ្វើអោយលោកអ្នក ប៉ះពាល់ផ្លូវចិត្ត ឈាន ដល់ស្រក់ទឹកភ្នែក តែប៉ុណ្ណោះទេ តែក៏អាចធ្វើអោយ លោកអ្នកនឹកគិតដល់ វិបត្តិជនអន្តោប្រវេសន៍ ដែលជាប្រធានបទក្តៅ បំផុត សម្រាប់សហភាព អឺ រ៉ុបដូចគ្នាដែរ ។

គួរបញ្ជាក់ថា សន្លឹករូបថត មួយសន្លឹកនេះ ថតអោយ   អ្នក  កាសែត ពីទំព័រសារព័ត៌មាន Reuters ដែលមានឈ្មោះថា Yannis Behrakis បង្ហាញយ៉ាងច្បាស់អោយដឹងថា ជនភៀសខ្លួន កំពុងតែដើរ នៅកណ្តាលផ្លូវ ពោរពេញទៅដោយ ទឹកភ្លៀងរយលានតំណក់ នៅក្នុងប្រទេស ក្រិក ។

មនុស្សរាប់ពាន់នាក់ បាននាំគ្នា ​រត់ភៀសខ្លួន ពីអំពើហឹង្សា ចាប់រំលោភ  ក៏ដូចជា​ ភ្លើងសង្គ្រាម ជា មួយនឹងការពាំនាំ កូនតូចជាទីស្រឡាញ់នៅក្នុង   រង្វង់ដៃ ប្រការនេះ ជា  ការដាក់បន្ទុកមួយបន្ថែម ទៀត សម្រាប់ពួកគេ ក្នុងបេសកម្ម ចង់អោយតែកូនល្អ​    មានអនាគត នៅទីកន្លែងសុវត្ថិភាព និង ស្ងប់សុខ ។

ជនភៀសខ្លួន នៅក្នុងរូបភាពខាងលើ កំពុងតែធ្វើដំណើរ ទៅ កាន់ ព្រំប្រទល់ដែន ប្រទេស Mace- donian ខណៈ​ព្រំប្រទល់ដែន ប្រទេស តំបន់អឺរ៉ុបមួយនេះ កំពុង  តែ   កើនឡើងខ្លាំង ក្រុមមនុស្ស ស្វែងរកសិទ្ធជ្រកកោន។ ដោយឡែក រដ្ឋាភិបាល ប្រទេសនេះ     រង  នូវការរិះគន់ជាខ្លាំង ពាក់ព័ន្ធ នឹង ការប្រើប្រាស់ ឧស្ម័នបង្ហូរទឹកភ្នែក ទៅលើជនភៀសខ្លួន ជាការ បង្ខំអោយពួកគេ ចេញពីព្រំប្រ ទល់ដែនភាគខាងត្បូង ជាប់ប្រទេស ក្រិក ។

អំឡុងខែសីហា កន្លងទៅនេះ គណៈកម្មការ អន្តោប្រវេសន៍ សហភាពអឺរ៉ុប Dimitris Avramopou- los អោយដឹងថា វិបត្តិជនអន្តោប្រវេសន៍ គឺជាវិបត្តិដ៏ប្រឈមខ្លាំងបំផុត របស់សហ ភាពអឺរ៉ុប ចាប់ តាំង ពីសង្គ្រាម លោក លើកទី ២ ។ ជនអន្តោប្រវេសន៍ ច្រើនជាង ៣៣០,០០០ នាក់​ បានភៀស ខ្លូនដល់ទឹកដី ប្រទេស អឺរ៉ុប ខណៈច្រើនជាង ២៦០០ នាក់ បានស្លាប់បាត់បង់ ជីវិត អំឡុងដំណើរ ភៀសខ្លួន ទាំងប្រថុយប្រថាន តាមដែនទឹក ។ ថ្ងៃអង្គារ កន្លងទៅនេះ អគ្គលេ ខា ធិការ​នៃ​អង្គការ​សហ​ប្រជាជាតិ លោក បាន គីមូន ជម្រុញអោយមេដឹកនាំ តំបន់អឺរ៉ុប ធ្វើសកម្ម ភាព ប្រកបដោយ ទំនួលខុសត្រូវ ទៅលើ ក្រុមមនុស្ស ស្វែងរកសិទ្ធជ្រកកោណ ដោយគូសបញ្ជាក់ ក្តែងៗអោយ ដឹង ថា "ភៀសខ្លួនពីសង្គ្រាម ពួកគេមានសិទ្ធទទួលបានការជ្រកកោន ជាជាង មាន ការរើសអើង ពួជ សាសន៍" ៕

ប្រែសម្រួល ៖ កុសល

ប្រភព ៖ អ៊ិនសាយដើ