CamNews

ស្វែងរកកំរិតខ្ពស់
ព័ត៌មានអន្តរជាតិ 

ថៃ ប្រកាសបោះឆ្នោត នៅថ្ងៃទី០២ ខែកុម្ភៈ តាមការគ្រោងទុក ដោយមិនមាន លើកពេល

បាងកក៖បើទោះបីជាមានការលើកឡើងពីក្រុម បក្សប្រឆាំងនៅក្នុងប្រទេសថៃ សុំឲ្យពន្យារ ពេលការបោះឆ្នោតយ៉ាងណាក៏ដោយ ក៏រដ្ឋាភិបាលចាំផ្ទះរបស់លោកស្រី នាយករដ្ឋមន្រ្តី យ៉ីងឡាក់ នៅតែមានះកំណត់ឲ្យមានការបោះឆ្នោតតាមការគ្រោងទុក ថ្ងៃទី០២ ខែកុម្ភៈ ឆ្នាំ២០១៤ដដែល។

យោងតាមសេចក្តីរាយការណ៍ព័ត៌មានរបស់ទីភ្នាក់ងារព័ត៌មានចិនស៊ីនហួ បានឲ្យដឹងកាលពីថ្ងៃទី២៨ ខែមករា ឆ្នាំ ២០១៤ម្សិលមិញ ដោយដកស្រង់សំដីលោក ឧបនាយករដ្ឋមន្រ្តី ភុងថេប ថេបកាយ៉ាណា មកបញ្ជាក់ថា រដ្ឋាភិបាលចាំផ្ទះរបស់ថៃ បានសម្រេចយកថ្ងៃទី០២ ខែកុម្ភ ជាការបោះឆ្នោត។

លោក ភុងថេប បានបន្តទៀតថា រដ្ឋាភិបាលនឹងអាចទប់ទុលគ្រប់បញ្ហាកង្វល់ទាំងអស់ ទាក់ទងទៅនិងដំណើរការ បោះឆ្នោត ហើយថា ការពន្យារពេលវាមិនមែនជាដំណោះស្រាយនោះទេ។ ការលើកឡើងរបស់ឧបនាយករដ្ឋមន្រ្តី រូបនេះ បានធ្វើឡើងនៅក្នុងសន្និសីទកាសែត បន្ទាប់ពីមានកិច្ចប្រជុំរវាងរដ្ឋាភិបាលចាំផ្ទះ លោកស្រី យ៉ីងឡាក់ និង សមាជិកគណៈកម្មការបោះឆ្នោត។

លោក ស៊ុមឆៃ ស្រ៊ីស៊ូធីយ៉ាកន សមាជិកគណៈកម្មការបោះឆ្នោត បាននិយាយថា គណៈកម្មការបោះឆ្នោតពុំបាន យល់ព្រមជាមួយការសម្រេចរបស់រដ្ឋាភិបាលចាំផ្ទះនោះទេ ក៏ប៉ុន្តែគណៈកម្មការបោះឆ្នោតនៅតែធ្វើកិច្ចការនេះឲ្យ អស់ពីសមត្ថភាព សម្រាប់រៀបចំដំណើរការបោះឆ្នោត។

លោក ស៊ុមឆៃ បាននិយាយទៀតថា ប្រសិនបើការបោះឆ្នោតថ្ងៃទី០២ ខែកុម្ភៈ ដំណើរការទៅមុខតាមគ្រោងទុក នោះកិច្ចប្រជុំលើកដំបូង នៃសភាថ្មី នឹងត្រូវបានពន្យារពេល ៣-៤ខែទៀត។

ឆ្លើយតបនឹងការមានះក្នុងការបោះឆ្នោតរបស់រដ្ឋាភិបាលចាំផ្ទះនេះ លោក ស៊ូថេប ដែលកំពុងបាតុករតវ៉ាកណ្តាល ក្រុងបាងកក បានប្រកាសថា នឹងធ្វើការបិទផ្លូវទៅកាន់មណ្ឌលបោះឆ្នោត មិនឲ្យដំណើរការទៅបានឡើយ៕

ផ្តល់សិទ្ធិដោយ៖ ដើមអម្ពិល


Tags: International News

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......