CamNews

ប្លែកៗ ៖ ដើម្បីធានាអោយបានថា សុំមិត្តស្រីរៀបការបានសម្រេច និងបង្ហាញឲ្យកាន់តែច្បាស់ ថា ខ្លួនពិតជាស្រឡាញ់មិត្តស្រី និងកូនក្នុងផ្ទៃខ្លាំង បុរសម្នាក់មកពីទីក្រុង Guangzhou  ប្រទេសចិន បានសម្រេចចិត្ត តម្រៀបខោទឹកនោមទារក ដល់ទៅ៤៥០០ខោជារៀងបេះដូងនៅតាមបណ្តោយ ផ្លូវសាធារណៈក្នុងក្រុង ដើម្បីសុំមិត្តស្រីរៀបការ ។ ជាលទ្ធផល វាពិតជាបានការ និង មានប្រសិទ្ធ ភាពពិតប្រាកដមែន ។

បុរសជាមិត្តប្រុស ដែលនឹកឃើញគំនិតប្លែករូបនេះ មានឈ្មោះថា Feng   លោកបានស្នើសុំជំនួយ ពីមិត្តភក្កិជិតស្និទ្ធ ៦ នាក់ និងសមាជិកក្រុមគ្រួសារឯទៀត អោយជួយតម្រៀប  ខោទឹកនោមជាង ៤៥០០ខោ ដែលស្នើនឹង ៥០កញ្ជប់ធំនៃខោទឹកនោម ។ ជាការពិត លោក​ Feng មានទំនាក់ទំនង ស្នេហាស្រឡាញ់គ្នាជាមួយនឹងមិត្តស្រី នាង Lin អស់រយៈកាល ២ ឆ្នាំមកហើយ លោកក៏ធ្លាប់គិត ពីការស្នើសុំនាងរៀបការដូចគ្នាដែរ។ ដើមឡើយ លោកចង់  ប្រគល់បាច់ផ្កា  ជូន នាង និងសុំនាង រៀបការ ប៉ុន្តែ វិធីសាស្រ្តនេះ ដូចជាច្រំដែលពេក ។   ផ្ទុយ ទៅវិញ  នៅពេលលោកដឹងថា មិត្តស្រី របស់ខ្លួន មានកូនលោកនៅក្នុងផ្ទៃហើយនោះ លោក   ក៏បែកគំនិតសុំរៀបការ ដោយរៀបខោទឹក នោមជារៀងបេះដូង សុំនាងរៀបការតែម្តង ។

មានពេលមួយនោះ លោក Feng ក៏បានណាត់មិត្តស្រីរបស់ខ្លួន ទៅកាន់មាត់ទន្លេ Pearl River ខណៈពេលដែលមានមនុស្សច្រើនកុះករ ចាប់អារម្មណ៍ខ្លាំង និងខោទឹកនោម រៀងបេះដូងរបស់ លោក ដោយឡែកតែ នាង Lin ជាមិត្តស្រីមិនបានដឹងអ្វីសោះនោះ ពេល ទៅដល់នាងពិតជាមាន ភាពភ្ញាក់ផ្អើលជាខ្លាំង ។ វិនាទីដ៏អស្ចារ្យ លោក Feng បានលុតជង្គង់ចុះ ហែកខោទឹកនោម ដែល នៅក្នុងនោះមានចិញ្ចៀន និងស្នើសុំនាងរៀបការតែម្តង "ចាប់ពីពេល  នេះ តទៅ សុភមង្គលរបស់ អូន និងកូន គឺជាទំនួលខុសត្រូវរបស់បង ។ រៀបការជាមួយ បងទៅ" ។ រំភើ បហួស ជាមួយ  នឹង អារម្មណ៍ស្រឡាញ់គ្នាខ្លាំងតាំងពីយូរមកហើយនោះ នាង Lin ក៏បានយល់ព្រម ៕

ប្រែសម្រួល ៖ កុសល

ប្រភព ៖ អនឡាញ