រថយន្តដ៏មហាទំនើបដែលប្រធានាធិបតីអាមេរិក លោក ដូណាល់ ត្រាំ បញ្ជាឲ្យផលិតនោះមិនទាន់ធ្វើរួចទេ!
(វ៉ាស៊ីនតោន)៖ ដំបូងឡើយរថយន្តលីម៉ូស៊េរីថ្មីសម្រាប់ប្រធានាធិបតីអាមេរិក នឹងបង្ហាញវត្តមានជាផ្លូវការឲ្យពិភពលោកបានឃើញនៅថ្ងៃស្បថឡើងកាន់តំណែងរបស់ លោក ដូណាល់ ត្រាំ ក៏ប៉ុន្តែរថយន្តលីម៉ូដែលបានដឹកលោកប្រធានាធិបតីអាមេរិកថ្មី នៅក្នុងក្បួនដង្ហែរក្រោយពិធីស្បថកាន់តំណែង គឺជារថយន្តម៉ូដែលចាស់ដែលជាយានជំនិះរបស់លោក បារ៉ាក់ អូបាម៉ា នៅក្នុងអំឡុងពេលប៉ុន្មានឆ្នាំកន្លងទៅនេះប៉ុណ្ណោះ ហើយលោក ត្រាំ ចាំបាច់ត្រូវបន្តប្រើប្រាស់រថយន្តនេះមួយរយៈពេលទៀតសិន ដោយសារតែរថយន្តប្រធានាធិបតីថ្មីដែលលោក បញ្ជាឲ្យផលិតពុំទាន់សម្រេចហើយរួចរាល់នៅឡើយ។ នេះបើតាមការដកស្រង់ការផ្សាយដោយ Yahoo News នៅមុននេះបន្តិចនាព្រឹកថ្ងៃពុធ ទី២៥ ខែមករា ឆ្នាំ២០១៧។
ដោយឡែកព័ត៌មានលម្អិតជាក់ច្បាស់អំពីលក្ខណៈពិសេសបន្ថែម ទៅលើរថយន្តដ៏ទំនើប និងរឹងមាំបំផុតដូចជារថពាសដែកនេះ មិនត្រូវបានលាតត្រដាងឲ្យសាធារណជនបានដឹងនិងបានឃើញឡើយ ដោយវាត្រូវបានបិទបាំងយ៉ាងដិតដល់បំផុតដើម្បីលាក់លក្ខណៈពិសេសៗទាំងនោះ ក៏ប៉ុន្តែរថយន្តសម្រាប់មេដឹកនាំកំពូលនៃប្រទេសមហាអំណាចមួយនេះ ត្រូវបានគេសង្ស័យថានឹងមានរូបរាងមិនខុសប្លែកឆ្ងាយពីរថយន្តប្រធានាធិបតីអាមេរិកពីមុនៗប៉ុន្មាននោះទេ។
ចំណែកម៉ូដែលរថយន្ត «The Beast» បច្ចុប្បន្នដែលកំពុងត្រូវបានប្រើប្រាស់ដោយលោក បារ៉ាក់ អូបាម៉ា វិញមានបំពាក់នូវអាវុធទំនើបៗជាច្រើនរួមមាន កន្លែងបាញ់ឧស្ម័នបង្ហូរទឹកភ្នែក កាំភ្លើងមួយដើម កញ្ចប់ផ្ទុកប្រភេទឈាមរបស់លោកប្រធានាធិបតី និងបំពង់ស្តុកខ្យល់អុកស៊ីសែនដែលចាំបាច់ក្នុងករណីគ្រោះអាសន្នណាមួយ។
បន្ថែមពីនេះវាត្រូវបានបំពាក់ដោយបន្ទះដែកថែបនៅពីខាងក្រោម ដែលមានសមត្ថភាពការពារអ្នកជិះក្នុងរថយន្តពីគ្រាប់បែកបង្កៃនៅតាមដងវិថី ហើយតួរថយន្តទាំងមូលមានកម្រាស់ប្រមាណ ២០សង់ទីម៉ែត្រនិងទម្ងន់០៨តោន ជាមួយទ្វារព្រមទាំងកញ្ចក់នានាត្រូវបានការពារមិនឲ្យគ្រាប់កាំភ្លើងបាញ់ធ្លុះនោះឡើយ ខណៈផ្ទៃខាងក្នុងនៃរថយន្តទាំងមូលត្រូវបានបិទយ៉ាងជិតឥតចន្លោះផងដែរ ដើម្បីការពារពីការវាយប្រហារដោយអាវុធគីមី។
ម៉្យាងវិញទៀតរថយន្តនេះក៏មានបំពាក់នូវកាមេរ៉ាសម្រាប់មើលពេលយប់ ឧបករណ៍តាមដាន GPS និងប្រព័ន្ធទំនាក់ទំនងផ្កាយរណបថែមទៀតផង ដើម្បីអនុញ្ញាតឲ្យវាអាចដំណើរការបាននៅគ្រប់លក្ខខណ្ឌនិងស្ថានភាពទាំងអស់ និងដើម្បីធានាថាលោកប្រធានាធិបតីស្ថិតក្នុងការទាក់ទងបានជានិច្ច។ រីឯធុងសាំងរបស់រថយន្តនេះត្រូវបានស្រោបដោយលោហៈធាតុការពារយ៉ាងរឹងមាំបំផុត និងមានផ្ទុកនូវសារធាតុម៉្យាងដែលនឹងពង្រីកខ្លួននៅពេលមានការប៉ះទង្គិចណាមួយមិនថាតិច ឬខ្លាំងនោះឡើយ ដែលប្រការហេតុនេះនឹងការពារវាពុំឲ្យផ្ទុះឆេះបាន។ ជាមួយគ្នានេះដែរកង់ទាំងបួនរបស់រថយន្តត្រូវបានទ្រាប់ដោយសរសៃក្រណាត់ (Kelvar) ដ៏ធន់បំផុតដើម្បីការពារពួកវាពីការផ្ទុះបែក ហើយបើសិនជានៅតែបែកទៀតនោះ រថយន្តនេះក៏នៅតែអាចបន្តដំណើរបាន ដោយប្រើប្រាស់ផ្នែកលោហៈដ៏រឹងមាំរបស់ខ្នងកង់ទាំងនោះបានដែរ។
គួរបញ្ជាក់ថារថយន្តលីម៉ូ Cadillac One របស់ប្រធានាធិបតីអាមេរិកថ្មីលោក ដូណាល់ ត្រាំ នឹងត្រូវយកទៅប្រើប្រាស់ជំនួសរថយន្តចាស់ៗមានរូបរៀងដូចគ្នាបេះបិទចំនួនប្រហែល ១២គ្រឿងដែលលោក បារ៉ាក់ អូបាម៉ា បានប្រើប្រាស់ចាប់តាំងពីឆ្នាំ២០០៩មក ខណៈក្រុមហ៊ុន General Motor ទទួលបានប្រាក់ចំនួន ១៥លានដុល្លារដើម្បីធ្វើការអភិវឌ្ឍរថយន្តប្រធានាធិបតីជំនាន់ថ្មីនេះ៕
ផ្តល់សិទ្ធដោយ ៖ ហ្វ្រេសញូវអាស៊ី
- មេដឹកនាំពិភពលោក ចិន-អាមេរិក ណាត់ជួបគ្នាដោយផ្ទាល់ នៅអាទិត្យក្រោយ តើនឹងមានអ្វីកើតឡើង?? (30/03/2017 15:02:00)
- កាត់ក្បាល ប្រពន្ធ យួរពេញផ្លូវ រួចដុតសាកសព ផ្អើលគេផ្អើលឯង ទាំងកណ្តាលថ្ងៃ (30/03/2017 14:43:00)
- ដល់ក, មន្រ្តីទូតអាមេរិក ត្រូវចាប់ឃាត់ខ្លួន ជុំវិញការចោទប្រកាន់ ទទួលសំនូក រាប់ម៉ឺនដុល្លារពីចារកម្មចិន (30/03/2017 14:06:00)
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សិស្សវិទ្យាល័យ ៦នាក់ រងនូវការសម្លាប់ ដោយបាក់ផ្ទាំងទឹកកក នាព្រឹកថ្ងៃច័ន្ទនេះ (27/03/2017 14:36:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
ព័ត៌មានអន្តរជាតិ ដែលមើលច្រើន
