"គ្នាមិនរស់ទេ ឡានផ្ទុះឥលូវហើយ ឆាប់រត់ទៅ" ហេតុការណ៍ រន្ធត់ ៥ វិនាទី ឡានផ្ទុះឆេះ

មិនគួរឲ្យជឿ

"គ្នាមិនរស់ទេ ឡានផ្ទុះឥលូវហើយ ឆាប់រត់ទៅ" ហេតុការណ៍ រន្ធត់ ៥ វិនាទី ឡានផ្ទុះឆេះ

11:49 AM 24.10.2015
Print Email

គ្រោះថ្នាក់ ស្ទើរតែមិនគួរអោយជឿ ៖ បុរសម្នាក់ មានវត្តមានមកពីខេត្ត Jiangsu ប្រទេសចិន វេលា ល្ងាចដើមខែ តុលា នេះ លោកបានបើករថយន្តនៅតាមបណ្តោយផ្លូវហាយវេមួយកន្លែងអមដំណើរ ដោយភរិយាមានគភ៌របស់ខ្លួន និង បងប្អូន ប្រុសថ្លៃ ម្នាក់ ផ្សេងទៀត ។ កំឡុងពេលបើករថយន្ត តាមបណ្តោយផ្លូវហាយវេ ត្រង់ចំនុចផ្លូវកោងនោះ ភ្លាមៗលោកបានប្រទះឃើញរថយន្តមួយគ្រឿង ផ្សេងទៀត ជូបនឹងគ្រោះអកុសល បើកបុកបង្កាន់ដៃផ្លូវហាយវេ ខណៈរថយន្តកំពុងឆេះនោះ បុរស ជាអ្នកបើកបរ ភរិយារបស់គេ និងកូនតូចរបស់ពួកគេ ទាំង អស់គ្នា ជាប់គាំងនៅក្នុងរថយន្តកំពុង តែឆាបឆេះ ។

ដោយមិនបង្អង់យូរលោកWu Chenjia ចេញបទអន្តរាគមន៍ភ្លាមៗលោករត់សំដៅទៅរថយន្តកំពុង តែ ឆាបឆេះ និងចាប់ផ្តើមជួយសង្គ្រោះ សមាជិកក្រុមគ្រួសារ ពោល សង្គ្រោះបានកូនតូច និងស្រ្តី ជាម្តាយចេញពីរថយន្តបានសម្រេច ដោយឡែកតែ បុរសជាប្តី និងជាអ្នកបើកបរ នោះ នៅបន្តជាប់ គាំងនៅក្នុងរថយន្តនៅឡើយ។ "ឡានកំពុងតែឆេះ ដូច្នេះ វានឹងផ្ទុះឥលូវនេះហើយ ខ្ញុំជាប់គាំងនៅ ទីនេះហើយ មិនអាចចេញបាននោះទេ លោកមិនចាំបាច់ជួយខ្ញុំនោះទេ លោក ឆាប់រត់ទៅ" បុរស នៅក្នុងរថយន្តស្រែក ។ មិនខ្វល់ពីការស្រែកបន្លឺឡើង ពីសំណាក់បុរសរងគ្រោះ លោក Wu សំរេច វាយកំទេចកញ្ជក់រថយន្ត និងជួយសង្គ្រោះរហូតទទួលបានជោគជ័យ ។ ពិតជារន្ធត់ខ្លាំងថេរៈវេលា ត្រឹមតែ ៥ វិនាទីក្រោយ រថយន្តក៏បានផ្ទុះឡើង ។

ក្រោយជួបគ្រោះអកុសល ដ៏រន្ធត់ ស្រ្តីជាម្តាយ និងកូនតូច ស្ថានភាព ធូរស្រាលច្រើនហើយ បន្ទាប់ ពីសម្រាកព្យាបាលនៅឯមន្ទីរពេទ្យ មិនត្រឹមតែប៉ុណ្ណោះ បុរសដែលជាអ្នកបើករថយន្ត ត្រូវជាស្វាមី និងឪពុកនោះ លោកក៏បានធូរស្រាលច្រើនដូចគ្នាដែរ ។ ដោយឡែក លោក Wuត្រូវបានគេប្រសិទ្ធ នាមថា ជាវីរៈបុរស ពិតប្រាកដ ៕