អង្គការលើកលែងទោសអន្តរជាតិចោទប្រកាន់កងកម្លាំងសន្តិសុខមីយ៉ាន់ម៉ាពីបទឧក្រិដ្ឋកម្មប្រឆាំងនឹងមនុស្សជាតិ
អន្តរជាតិ ៖ អង្គការលើកលែងទោសអន្តរជាតិ កាលពីថ្ងៃអង្គារ បានចោទប្រកាន់កងកម្លាំងសន្តិសុខមីយ៉ាន់ម៉ាពីបទប្រព្រឹត្តឧក្រិដ្ឋកម្មប្រឆាំងនឹងមនុស្សជាតិ ក្នុងអំពើបណ្តេញប្រជាជនម៉ូស្លីមរូហិងយ៉ាចេញពីប្រទេស។
របាយការណ៍ ដែលមានចំណងជើងថា ""My World Is Finished": Rohingya Targeted in Crimes against Humanity in Myanmar ផ្តល់នូវកំណត់ត្រាដោយផ្ទាល់ អំពីជនរងគ្រោះ ដែលគេចចេញពីអំពើប្រល័យពូជសាសន៍។ អង្គការលើកលែងទោសអន្ដរជាតិ បាននិយាយជាមួយជនភៀសខ្លួន ប្រើប្រាស់រូបភាពផ្កាយរណប និងពឹងផ្អែកលើអ្នកស៊ើបអង្កេតក្នុងស្រុកដើម្បីធ្វើការសន្និដ្ឋានថា កងទ័ពមីយ៉ាន់ម៉ា មន្រ្តីប៉ូលីស និងជនស៊ីវិលក្នុងមូលដ្ឋាន បានធ្វើការរួមគ្នាដើម្បីបង្ខំឱ្យជនជាតិរ៉ូហ៊ីងយ៉ាចេញពីផ្ទះរបស់ពួកគេ។
ការវាយប្រហារលើប្រជាជនរ៉ូហ៊ីងយ៉ា គឺមានលក្ខណៈជាប្រព័ន្ធ និងមានទ្រង់ទ្រាយធំ ដែលអាចរាប់បានថា ជាការរំលោភសិទ្ធិមនុស្សធ្ងន់ធ្ងរ និងជាឧក្រិដ្ឋកម្មប្រឆាំងមនុស្សជាតិ អនុលោមតាមច្បាប់អន្តរជាតិ។ ការរំលោភបំពាន និងឧក្រិដ្ឋកម្ម ត្រូវបានប្រព្រឹត្ត នៅក្នុងបរិបទនៃការរើសអើង ដែលដឹកនាំដោយរដ្ឋ និងការធ្វើទុក្ខបុកម្នេញលើប្រជាជនរ៉ូហ៊ីងយ៉ា និងការផ្ទុះឡើងនូវអំពើហិង្សាទ្រង់ទ្រាយធំ។
អង្គការលើកលែងទោសអន្ដរជាតិ កំពុងអំពាវនាវឱ្យសហគមន៍អន្តរជាតិបញ្ឈប់ការជួញដូរអាវុធ ឬការបង្វឹកសន្តិសុខ ដែលខ្លួនកំពុងធ្វើជាមួយប្រទេសមីយ៉ាន់ម៉ា។ លើសពីនេះទៅទៀតអង្គការនេះ កំពុងស្នើសុំឱ្យសហគមន៍អន្តរជាតិប្រើឥទ្ធិពល និងធនធានរបស់ខ្លួនដើម្បីបញ្ឈប់អំពើហិង្សា ដែលបានបណ្តាលឱ្យជនភៀសខ្លួនរ៉ូហ៊ីងយ៉ាជាងកន្លះលាននាក់ រងទុក្ខវេទនា ៕
ប្រែសម្រួល៖ សារ៉ាត
ប្រភព៖ Jurist
- អ្នកឡើងភ្នំល្បីៗចំនួន០៣រូប ស្លាប់ដោយសារផ្ទាំងទឹកកកបាក់សង្កត់ (22/04/2019 15:49:00)
- ប៉ូលិសស្រីវ័យក្មេង ម្នាក់ត្រូវបណ្តេញពីការងារព្រោះ Selfie អាក្រាតកាយ (18/02/2019 11:00:00)
- សភាសហរដ្ឋអាមេរិកចេញសេចក្ដីសម្រេចបញ្ចប់ជំនួយយោធា នៅយេមែន (15/02/2019 11:10:00)
- មន្រ្ដីការទូតកំពូលនៃក្រសួងការបរទេសអាមេរិក លាលែងពីមុខតំណែង (23/01/2019 15:26:00)
- បារាំង ពិន័យក្រុមហ៊ុន Google ៥៧លានដុល្លារ ពីបទរំលោភលើបញ្ញត្ដិស្ដីឯកជនភាពរបស់សហភាពអឺរ៉ុប (23/01/2019 11:09:00)
- ថ្មីណាស់! លួចរៀបការបានប្រពន្ធ ៣ នាក់នៅខេត្តផ្សេងៗគ្នា ហើយនាំយកមករស់នៅក្បែរៗគ្នា (16/01/2019 10:38:00)
- ពេលទៅលេងប្រទេសជប៉ុនត្រូវដឹងអំពីថ្លៃពន្ធបន្ថែមនេះសិន (11/01/2019 14:18:00)
- មើលហើយទប់សំណើចមិនបាន!! ប្រទេសនឹងសម្បូររឿងប្លែកៗខុសគេរហូតម៉ង (មានវីដេអូ) (05/01/2019 11:44:00)
- ទៀតហើយ!! ជះលុយទិញម៉ាសុីនស្វាន មកធ្វើជារបស់ប្រើសម្រាប់បរិភោគពោត ទីបំផុតត្រូវបាក់ធ្មេញបានសម្រេច (05/01/2019 11:03:00)
- ចោរអត់គម្រោង! នឹកឃើញចង់រកលុយថែម បែកគំនិតលួចខ្សែ ក តែម្ចាស់ហាងឆ្លាត ចុងក្រោយគុក (07/12/2018 09:59:00)
ព័ត៌មានអន្តរជាតិ ដែលមើលច្រើន
