CamNews

ស្វែងរកកំរិតខ្ពស់
ព័ត៌មានអន្តរជាតិ 

លោកត្រាំ អំពាវនាវឱ្យនិរទេសជនអន្ដោប្រវេស្ដន៍ខុសច្បាប់ ចេញពីអាមេរិក ដោយមិនចាំបាច់ឱ្យមាននីតិវិធី

ប្រធានាធិបតីអាមេរិកលោក ដូណាល់ត្រាំ បាននិយាយកាលពីថ្ងៃអាទិត្យថា ជនណា ដែលចូលទឹកដីអាមេរិកដោយខុសច្បាប់ នឹងត្រូវបញ្ជូនទៅប្រទេស ដែលពួកគេមកភ្លាមៗ ដោយមិនចាំបាច់ឱ្យមាននីតិវិធីផ្លូវច្បាប់ជួយឡើយ។

ដោយប្រឈមនឹងកំហឹងសាធារណៈ និងសម្ពាធពីគណបក្សសាធារណរដ្ឋ កាលពីសប្ដាហ៍មុននេះ លោកត្រាំ បានធ្វើការកែប្រែគោលនយោបាយពង្រាត់កូនពីឪពុកម្ដាយ នៅព្រំដែនរបស់លោកវិញ ដូច្នេះមនុស្សពេញវ័យ អាចនឹងត្រូវឃាត់ខ្លួន និងផ្ដន្ទាទោស ជាដំណើរការមួយ ដែលនឹងប្រើពេលវេលាជាច្រើនខែ។


ចាប់តាំងពីការដោះស្រាយបញ្ហាគោលនយោបាយកាលពីថ្ងៃពុធមក លោក ត្រាំ បានលើកឡើងពីការរិះគន់របស់លោក អំពីច្បាប់អន្តោប្រវេសន៍របស់អាមេរិក នៅលើបណ្ដាញ Twitter និងនៅក្នុងសុន្ទរកថានានា ជាកន្លែង ដែលលោក បានប្រៀបធៀបជនអន្តោរប្រវេសន៍ខុសច្បាប់ទៅនឹងអ្នកឈ្លានពាន ដែលកំពុងព្យាយាមចូល ទៅក្នុងប្រទេសរបស់លោក។

លោក បាននិយាយនៅលើបណ្ដាញ Twitter កាលពីថ្ងៃអាទិត្យថា៖ "យើងមិនអាចអនុញ្ញាតឱ្យមនុស្សទាំងអស់នេះឈ្លានពានប្រទេសរបស់យើងឡើយ។ នៅពេលដែលជនណាម្នាក់ចូលមកប្រទេសរបស់យើង យើងត្រូវចាត់វិធានការបញ្ជូនពួកគេទៅកាន់ប្រទេសដើមរបស់ពួកគេវិញភ្លាមៗ ដោយពុំចាំបាច់ឱ្យមានវត្ដមានចៅក្រម ឬបណ្ដឹងតុលាការ"។

លោក Trump មិនបានធ្វើការបែងចែករវាងមនុស្ស ដែលបានចូលសហរដ្ឋអាមេរិកដើម្បីសុំសិទ្ធិជ្រកកោននិងជនអន្តោប្រវេសន៍ខុសច្បាប់ឡើយ។

ច្បាប់អន្តោប្រវេសន៍របស់សហរដ្ឋអាមេរិក ផ្តល់ជូននូវសិទ្ធិសម្រាប់ជនអន្តោប្រវេសន៍គ្មានឯកសារ ដែលត្រូវបានចាប់ខ្លួនដោយក្រុមអនុវត្តន៍ច្បាប់អន្តោប្រវេសន៍ និងគយ។ ភាគច្រើន ពួកគេត្រូវបានអនុញ្ញាតឱ្យទទួលបានការជំនុំជម្រះក្ដីពេញលេញ នៅចំពោះមុខចៅក្រមអន្តោប្រវេសន៍ មុនពេលត្រូវបាននិរទេសទៅប្រទេសរបស់ខ្លួនវិញ ៕

ប្រែសម្រួល៖ សារ៉ាត

ប្រភព៖ ស៊ីអិនប៊ីស៊ី


Tags: International news

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......