អាថ៌កំបាំង ជួយធ្វើឱ្យបបូរមាត់ មានទំហំស្មើគ្នា
អ្នកកំពុងតែមានការពិបាកចិត្តជាមួយនិងសម្រស់នៅលើរង្វង់មុខរបស់ខ្លួន ព្រោះតែបបូរមាត់របស់
អ្នកមានទ្រង់ទ្រាយ ឬទំហំមិនស្មើគ្នា ដោយបបូរមាត់ក្រោមធំជាងបបូរមានលើ? សូមកុំអាលព្រួយ
ចិត្ត វិធីសាស្ដ្រខាងក្រោមអាចជួយអ្នកដោះស្រាយបញ្ហានេះបាន។
ប្រសិនប្រើប្រាស់វិធីសាស្ដ្រខាងក្រោម អ្នកនឹងមិនចាំបាច់ពឹងទៅលើមន្ទីរកែសម្ផស្សនោះទេ ដោយ
គ្រាន់តែប្រើបច្ចេកទេសតូចតាចប៉ុណ្ណោះ អ្នកនឹងទទួលបានរូបរាងនៃបបូរមាត់ស្មើគ្នា និងស្រស់ស្អាត
ដូចបំណង។
សូមត្រៀម ៖
+ ដែកខ្មៅគូសគែមបបូរមាត់
+ ក្រែមលាបបបូរមាត់ប្រភេទទឹក
អនុវត្ត ៖
+ ដំបូង អ្នកគួរខាត់ស្បែកងាប់នៅលើបបូរមាត់ ដោយប្រើប្រាស់ធាតុផ្សំ ស្ករ និងទឹកឃ្មុំ ហើយផ្ដិត
ឱ្យស្ងួត ដើម្បីធ្វើឱ្យបបូរមាត់មានសភាពទន់ភ្លន់។ បន្ទាប់មក យកដែកខ្មៅគូសពង្រីកផ្នែកខាងលើនៃ
បបូរមាត់លើឱ្យ ធំប្រហែលបបូរមាត់ក្រោម។ បញ្ជាក់ ៖ សូមកុំគូសពង្រីកឱ្យឆ្ងាយហួសពេកពីព្រំដែន
បបូរមាត់លើ ដើម្បីធានារក្សាបាននូវលក្ខណៈជាធម្មជាតិរបស់បបូរមាត់។
+ បន្ទាប់ពីបានគូសពង្រីកបបូរមាត់ខាងលើរួច ចូរប្រើប្រាស់ក្រែមលាបបបូរមាត់ប្រភេទទឹក លាប
ទៅលើបបូរមាត់ទាំងមូល រួមទាំងផ្នែកនៃបបូរមាត់លើដែលទើបបានគូសពង្រីកបន្ថែម។
+ ក្រោយពេលដែលបានគូស និងលាបក្រែមរួច អ្នកនឹងឃើញថា បបូរមាត់របស់អ្នកមានភាពពេញ
លេញ ដោយបបូរមាត់លើ ក្រោម មានទំហំប្រហាក់ប្រហែលគ្នា និងស្រស់ស្អាត។
ដោយ ៖ តារា
ប្រភព ៖ thebeautydepartment/dep
- Yumi ត្រូវក្រុមអ្នកគាំទ្រ សសើរមិនដាច់ពីមាត់ថា ស្អាតអស់ទាស់ ទោះមិនបាន Makeup ក៍ដោយ (ប្រជុំរូបភាព) (20/04/2016 08:46:00)
- បបូរមាត់ប្រេះ និងជាំខ្មៅ ក្នុងរដូវខ្យល់ស្ងួត ត្រូវដោះស្រាយបែបណា? (08/11/2013 13:07:00)
- ព្យាបាលបបូរមាត់ ស្រអាប់ពណ៌ ដោយវិធីសាមញ្ញបំផុត (18/09/2013 20:16:56)
- ក្រែមបបូរមាត់ក្រហម សមស្របជាមួយសម្បុរស្បែក និងសម្លៀកបំពាក់ បែបណា? (11/09/2013 11:38:00)
- ស្វែងយល់វិធីផាត់មុខ សម្រាប់រដូវរំហើយ នៅ New York Fashion Week (31/08/2013 14:55:00)
- ស្រស់ស្អាតដោយវិធី ផាត់មុខ បែបធម្មជាតិ (28/08/2013 13:08:00)
- ស្រីស្អាតកូរ៉េខាងត្បូង កំពុងចាប់អារម្មណ៍លើ ការកែមាត់ឱ្យដូច “Joker" (24/08/2013 13:01:00)
- ផាត់មុខបែបកូរ៉េខាងត្បូង នឹងជួយឱ្យអ្នកមានមន្ដស្នេហ៍ (20/07/2013 14:16:00)
- វិធីផាត់ភ្នែកពណ៌ស្វាយ lavender សម្រាប់រដូវក្ដៅ (20/07/2013 09:06:00)
- គ្រឿងសំអាងអាចប៉ះពាល់ដល់ កូនក្នុងផ្ទៃ (30/09/2012 10:37:00)
សម្រស់ ដែលមើលច្រើន
