CamNews

ព័ត៌មានអន្តរជាតិ ៖ ក្រោយពីមានភាពរង្គោះរង្គើផ្ទួនៗ ស្តីពី សោកនាដកម្ម ដែនអាកាស រដ្ឋាភិបាល ប្រ ទេសម៉ាឡេស៊ី កាលពីថ្ងៃអង្គារ ម្សិលមិញនេះ បានធ្វើសេចក្តី ប្រកាស គម្រោងបង្កើតក្រុមហ៊ុនអាកាស ចរណ៍ថ្មី មានឈ្មោះថា Flymojo ។

ប្រភពពីទំព័រសារព័ត៌មាន ស៊ីអិនអិន បន្តអោយដឹងថា ៖ ក្រុមហ៊ុនអាកាសចរណ៍ថ្មីមួយនេះ បានចុះកិច្ច សន្យា  រួចជាស្រេច ជាមួយនឹងក្រុមហ៊ុនផលិតយន្តហោះ    ប្រទេស  កាណាដា ក្រុមហ៊ុន Bombardier ក្នុងទំហំទឹកប្រាក់១,៥ ពាន់ លានដុល្លារ  សម្រាប់បញ្ជាទិញ  យន្ត  ហោះថ្មី ២០ គ្រឿង ។ របាយការណ៍ អាចបញ្ជាក់ថា ម៉ាឡេស៊ី កាលពីអំឡុងឆ្នាំ កន្លងទៅនេះ បានទទួល   រងនូវសោកនាដកម្ម ដែនអាកាស ដល់ទៅ ៣ លើក ក្នុងនោះ រួមមាន អាថ៍កំបាំងដែនអាកាស នៃការបាត់ខ្លួនយន្តហោះ MH370 ដែល កំ ពុងតែធ្វើអោយពិភពលោកមានភាពតក់ស្លុត និង ងឿយឆ្ងល់ ខណៈ សោកនាដកម្ម   ចុងក្រោយបំផុត ក្នុង ចំណោម សោកនាដកម្មទាំង​៣ លើ គឺករណីធ្លាក់យន្តហោះ របស់ក្រុមហ៊ុនអាកាសចរណ៍ AirAsia កាលពីអំឡុងខែ ធ្នូ ចុងឆ្នាំ ២០១៤ ធ្លាក់ចូលទៅក្នុងសមុទ្រ ជ្វា បណ្តាលអោយមនុស្សស្លាប់ មានចំនួន ១៦២ នាក់ ។

ដោយឡែក ក្នុង  កំឡុង ខែ  កក្កដា ឆ្នាំ ២១៤ កន្លងទៅ យន្តហោះ ក្រុម  ហ៊ុនអាកាសចរណ៍   ម៉ាឡេស៊ី MH17 ត្រូវបានបាញ់ទម្លាក់នៅភាគខាងកើត ប្រទេស អ៊ុយក្រែន បណ្តាល  អោយ ក្រុមអ្នកដំណើរ និង ក្រុមសហសេវិក បម្រើការលើកយន្តហោះ សរុប ២៩៨ នាក់ បានស្លាប់  បាត់បង់ជីវិតទាំងអស់ ។ ទន្ទឹម នឹងនេះផងដែរ បណ្តាអន្តរប្រទេស ក៏ដូចជា សហគមន៍អន្តរជាតិ    ក្រុមហ៊ុនរដ្ឋ និង ឯកជន នៅតែបន្ត រុករកនៅឡើយ នៅសមុទ្រ ឥណ្ឌាភាគខាងត្បូង នូវយន្តហោះបាត់ខ្លួន MH370 ដែលបានបាត់ខ្លួនកាល ពីអំឡុងខែ មីនា ឆ្នាំ ២០១៤ កន្លងទៅនេះ ជាមួយនឹងវត្តមានមនុស្សសរុប ២៣៩ នាក់ ។

គួររំឭកថា ក្រុមហ៊ុនអាកាសចរណ៍ថ្មីមួយនេះ Flymojo មិនត្រូវបានបង្កើតឡើង   ជំនួសអោយក្រុមហ៊ុន អាកាសចរណ៍ ម៉ាឡេស៊ី នោះទេ ។ របាការណ៍បញ្ជាក់ថា យន្តហោះថ្មី របស់    ក្រុមហ៊ុនអាកាសចរណ៍ ថ្មីមួយនេះ Flymojo ប្រភេទ Bombardier C100 អាចផ្ទុក អ្នកដំណើរបាន ១៥០ នាក់ខណៈនឹងប្រតិបត្តិ ការជើងហោះហើររបស់ខ្លួន រវាងទីក្រុង Sabah និងទីក្រុង  Sarawak ប្រទេស ម៉ាឡេស៊ី ក៏ដូចជា ហោះ ទៅបណ្តាទីក្រុងធំៗឯទៀត  ។  លោក Alies Anor Abdul    ប្រធាន  ក្រុមហ៊ុន អាកាសចរណ៍ថ្មី flymojo អោយដឹងថា អ្វីដែលជាគោលដៅរបស់ក្រុមហ៊ុន នោះ គឺ  បង្កើត  អោយបាននូវបទពិសោធន៍ហោះហើរ ប្រកបដោយភាពទុកចិត្ត និងចូលរួមកាន់តែច្រើន និង បង្កើន  អោយមនុស្សវិលត្រលប់មកវិញ ជាមួយ នឹងនិន្នាការ ធ្វើដំណើរតាមអាកាសជាដើម ។ ក្រុមហ៊ុនអាកាសចរណ៍ថ្មីមួយនេះ ត្រូវបានប្រកាសឡើង ជាផ្លូវការ ដោយមន្រ្តីផ្លូវការ ប្រទេស ម៉ាឡេស៊ី និង កាណាដា នៅឯព្រឹទ្ធិការណ៍ ឧស្សាហកម្ម នាដីកោះ Langkawi ប្រទេស ម៉ាឡេស៊ី ៕

ប្រែសម្រួល ៖ កុសល

ប្រភព ៖ ស៊ីអិនអិន