CamNews

ព័ត៌មានអន្តរជាតិ ៖   បើយោងតាមការដកស្រង់អត្ថបទផ្សាយ  ពីគេហទំព័រសារព័ត៌មាន
ស្កាយ    ដែលទើបតែបានចេញផ្សាយ  កាលពីវេលាល្ងាចម្សិលមិញនេះ  បានគូសបញ្ជាក់
អោយដឹងថា នៅឯប្រទេសចិនឯណោះវិញ កូនភ្លោះមួយគូ ទើបតែបានជួបគ្នាសាជាថ្មីម្តង
ទៀត    ក្នុងរយៈពេល ៤១ ឆ្នាំក្រោយ  បន្ទាប់ពីបានបែកគ្នា  កាលពីពួកគេនៅជាទារកតូច
ម្ល៉េះ។

គួរបញ្ជាក់ផងដែរថា កូនភ្លោះប្រុសមួយគូ ដែលមានវ័យ ៤១ ឆ្នាំដូចគ្នានេះ មានឈ្មោះថា
លោក  Zeng និងលោក  Liu  Yonggang  ។  ហើយបើនិយាយពីមូលហេតុដែលបាន
បណ្តាលអោយពួកគេបានជួបគ្នាវិញនោះ ក៏ព្រោះតែ មិត្តភក្កិលោកZeng បានយល់ច្រឡំ
បុរសម្នាក់ ថាជាលោក Zeng ខណៈពេលដែលបុរសម្នាក់នោះ   (Liu Yonggang) មានរូប
រាងដូចបេះបិទ ទៅនឹងមិត្តភក្កិរបស់ខ្លួន ។  ករណីយល់ច្រឡំនេះហើយ  ក៏បានធ្វើអោយ
មិត្តភក្កិលោក    Zeng  យកដំណើររឿងមកប្រាប់   រហូតដល់ថ្នាក់  លោក Zeng មានជា
ចំងល់និងស្វែងរកដំណើរដើមទងនៃរឿងមួយនេះ។

ពិតជាមានភាពភ្ញាក់ផ្អើលជាខ្លាំង  ខណៈពេលដែលកូនភ្លោះ ប្រុសមួយគូនេះ បានជួបគ្នា
វិញ បន្ទាប់ពីបានដឹងសវតារបស់ខ្លួន ។ យ៉ាងណាមិញ  បើយោងតាមប្រភពសារព័ត៌មាន
បានអោយដឹងថា ពួកគេទាំងពីរនាក់ បានបែកគ្នា កាលពីឆ្នាំ ១៩៧២ មកម្ល៉េះ ស្របពេល
ដែលពួកគេ  ទើបតែមានវ័យ  ២ ខែតែប៉ុណ្ណោះ  ក៏ព្រោះតែជីវភាព គ្រួសារទីទ័លក្រ ទើប
ពួកគេទាំងពីរនាក់ ត្រូវក្រុមគ្រួសារពីរផ្សេងគ្នា យកទៅចិញ្ចឹមរៀងៗខ្លួន។

បន្ទាប់ពីបានជួបជុំគ្នាហើយនោះ កូនភ្លោះប្រុសមួយគូនេះ បានដឹកដៃគ្នាទៅជួបអ្នកមា្តយ
បង្កើត    ដែលមានវ័យ ៧៤  ឆ្នាំរស់នៅក្នុងខេត្ត Fujian ប្រទេសចិន ។  គួររំឭកផងដែរថា
ករណីជួបជុំគ្នាវិញ រ    បស់បងប្អូនប្រុសភ្លោះមួយគូនេះ  ពិតជាបង្កជាភាពភ្ញាក់ផ្អើល និង
ចាប់អារម្មណ៍ជាខ្លាំង នៅក្នុងបណ្តាញទំនាក់ទំនងសង្គមចិនដ៏ពេញនិយម Sina Weibo៕

ដោយ ៖ មង្គល
ប្រភព ៖ ស្កាយ