ម្ចាស់បទ "ដីថ្លៃប្រល័យ ស្នេហ៍" ម៉ារ៉ា ប៊ុណ្ណា ជួបទុក្ខធំ ព្រោះម្តាយទទួល មរណភាព
ភ្នំពេញៈ អស់រយៈពេលច្រើនឆ្នាំមកហើយ អតីតតារាចម្រៀង ធ្លាប់លេចធ្លោ ក្នុងវិថីសិល្បៈ តាមរយៈបទចម្រៀង “ដីថ្លៃប្រល័យស្នេហ៍” លោក ម៉ារ៉ា ប៊ុណ្ណា បានបាត់វត្តមានពីសិល្បៈ គ្មានអ្នកណាដឹងថា លោកទៅណាមកណាឡើយ គេគ្រាន់តែឃើញលោកម្ដងម្កាល តាមរយៈការចូលរួមក្នុងកម្មវិធី មិត្តភក្តិជាអ្នកសិល្បៈដូចគ្នា ដូចជាខួបកំណើត ឡើងគេហដ្ឋានថ្មី និងមង្គលការជាដើម។ ថ្មីៗនេះ ម៉ារ៉ា ប៊ុណ្ណា ស្រាប់តែរំលេចមកជាមួយភាពទុក្ខសោក ក្រៀមក្រំរកអ្វីប្រៀបផ្ទឹម ពុំបាន ដោយសារតែម្តាយជាទីស្រលាញ់របស់លោក បានទទួលមរណភាព កាលពីថ្ងៃទី១២ ខែសីហា នេះ ដោយសារតែជំងឺបេះដូងធ្ងន់ធ្ងរ ។
បើតាមប្រភពពីមិត្តភក្តិ របស់លោក ម៉ារ៉ា ប៊ុណ្ណា បានបង្ហើបប្រាប់គេហទំព័រ LookingTODAY ឲ្យដឹងថា ម្តាយរបស់លោក ម៉ារ៉ា ប៊ុណ្ណា បានទទួលមរណភាព ក្នុងវ័យជាង៦០ឆ្នាំ ដោយសារតែជំងឺបេះដូង ហើយមុនពេលដែលគាត់ទទួល មរណភាពនេះ គឺគ្រួសារបានបញ្ចូនទៅព្យាបាល នៅតាមមន្ទីរពេទ្យជាច្រើន រួមទាំងប្រទេសវៀតណាមផងដែរ ។ ប៉ុន្តែជំងឺហាក់មិនធូរស្រាលសោះ ហើយ ប៉ុន្មានថ្ងៃចុងក្រោយនេះ ស្ថានភាពកាន់តែធ្ងន់ទៅៗ បណ្តាលឲ្យគាត់ស្លាប់តែម្តង។
ពេលនេះសពម្តាយរបស់ ម៉ារ៉ា ប៊ុណ្ណា តម្កល់ធ្វើបុណ្យនៅផ្ទះ មានទីតាំង នៅតាមបណ្តោយ ផ្លូវវ៉េងស្រេង ទល់មុខផ្សារត្រពាំងថ្លឹង នៅក្នុងខណ្ឌពោធិ៍សែនជ័យ រាជធានីភ្នំពេញ ។
ប្រភពដដែល បានប្រាប់ឲ្យដឹងថា តាមរយៈការបង្ហើបប្រាប់នេះ គឺលោកគោលបំណងចង់ ចែករំលែកនូវ រឿងអកុសមួយនេះ ទៅដល់អ្នកសិល្បៈ រួមអាជីព អាចអញ្ជើញចូលរួមគោរព ពិធីបុណ្យសពម្តាយ របស់លោក ម៉ារ៉ា ប៊ុណ្ណា ឲ្យបានគ្រប់ៗគ្នា៕
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
- ឧទ្ធរណ៍តម្កល់សាលក្រម នារីម៉ាស្សាសម្លាប់ថៅកែ យកលុយទុកជួយប្ដីជាប់ពន្ធនាគារ (25/05/2019 10:29:00)
- អ្នកដំណើរក្នុងតាក់ស៊ីស្លាប់ទាំអស់ ក្នុងនោះមានជនជាតិចិន ពីរនាក់ (24/05/2019 11:45:00)
- អន្តរក្រសួងនឹងចាត់វិធានការជាបន្ទាន់ដើម្បីដោះស្រាយបញ្ហាទឹកកខ្វក់នៅក្រុងព្រះសីហនុ (24/05/2019 11:04:00)
- ក្រុមហ៊ុនជប៉ុន នឹងវិនិយោគលើដំណាំ sorghum នៅគាស់ក្រឡ (24/05/2019 09:12:00)
- តាមរយៈគោឧសភរាជ ការធ្វើកសិកម្មនៅឆ្នាំនេះទទួលបានផលល្អប្រសើរ (23/05/2019 12:04:00)
តារា ដែលមើលច្រើន
