ព័ត៌មានអន្តរជាតិ ៖ សារព័ត៌មានក្នុងស្រុក ប្រទេស ទួរគីអោយ ដឹងថា មាន ករណីវាយប្រហារបំផ្ទុះ គ្រាប់បែកពីក្នុងរថយន្តមួយគ្រឿង វាយប្រហារស្នាក់ការ កណ្តាល ស្នង ការប៉ូលីស ដែលមានទីតាំង ស្ថិតនៅខេត្ត Diyarbakir ភាគខាងត្បូងឆៀងខាងកើត ប្រទេសទួរគី ដោយបានសម្លាប់ ស្រ្តី និងទារក ម្នាក់ និងធ្វើអោយជនរងគ្រោះ ២២នាក់ផ្សេងទៀតរងរបួស ។
សេចក្តីរាយការណ៍ បញ្ជាក់អោយដឹងថា ក្រុមការងារជួយសង្គ្រោះ កំពុងតែចេញប្រតិបត្តិការស្វែងរក ជនរងគ្រោះនៅក្រោមគំនរថ្មបាក់បែក នាកន្លែងកើតហេតុ។ រដ្ឋាភិបាលប្រទេស ទួរគី បានធ្វើការស្តី បន្ទោស និង ថ្កោលទោស សកម្ម ប្រយុទ្ធមកពី គណបក្ស ពលករពួកឃើត ឬ Kurdistan Worker's Party (PKK) ដែលតែងតែមានសកម្មភាពខ្លាំងខ្លា នៅក្នុងខេត្ត។ ទោះជាយ៉ាងណាក៏ដោយចុះ ពុំទាន់ មានក្រុមឧទ្ទាមណាមួយចេញមុខអះអាងថាខ្លួននៅពីក្រោយការវាយប្រហារ នោះទេ ៕
ប្រែសម្រួល ៖ កុសល
ប្រភព ៖ ប៊ីប៊ីស៊ី