ផ្ទុកលើសចំណុះ + ខ្យល់ព្យុះ ញ៉ាំងអោយ មានគ្រោះថ្នាក់ លិចទូកចម្លង ស្លាប់មនុស្ស ២២ នាក់
ព័ត៌មានអន្តរជាតិ ៖ ប្រមាណជាង ២ ម៉ោងមុននេះ គេហទំព័រសារព័ត៌មានរបស់ប្រទេស សឹង្ហបុរី channelnewsasia បានចេញផ្សាយ សម្រង់អត្ថបទ សារព័ត៌មានអោយដឹងថា មកទល់នឹងពេល បច្ចុប្បន្នភាព អំឡុង ថ្ងៃសុក្រនេះ ចំនួនអ្នកស្លាប់បាត់បង់ជីវិត ដោយសារតែ គ្រោះថ្នាក់ លិចនាវា ចម្លង នៅឯ ប្រទេស បង់ក្លាដេស កាលពីថ្ងៃព្រហស្បត្តិ៍ កន្លងទៅ បានកើនឡើង ដល់យ៉ាងហោច ណាស់ ២២ នាក់ហើយ ស្របពេលដែល ជាច្រើនសិបនាក់ផ្សេងទៀត បន្តបាត់ខ្លួននៅឡើយ ។
គួរបញ្ជាក់ថា នាវា ក៏ដូចជា សាឡាងចម្លងខាងលើ បើតាមសេចក្តីរាយការណ៍ បញ្ជាក់អោយដឹង ថា បានដឹកក្រុមមនុស្ស ដែលជាអ្នកធ្វើដំណើរ លើសចំណុះ ពោលដឹកមនុស្ស ច្រើនជាង ២០០ នាក់ទៅទៀត ដោយនៅក្នុងនោះ នាវា ខាងលើ បានជួបនឹងគ្រោះថ្នាក់ ក្រឡាប់លិច នៅឯទន្លេ Meghna ភាគខាងត្បូង ក្រុង Dhaka ប្រទេស បង់ក្លាដេស អំឡុងពេលដែល មានព្យុះភ្លៀង ។
យ៉ាងណាមិញ បើតាមសម្តីមន្រ្តីប៉ូលីស ប្រចាំតំបន់ សរបញ្ជាក់អោយដឹងថា ក្រុមមនុស្សប្រមាណ ជាង ៤០ នាក់ បានហែលបក់មកច្រាំង ក្រោយពីគ្រោះថ្នាក់លិច ក្រឡាប់នាវា ខាងលើ ស្របពេល ដែលចំនួនជនរងគ្រោះ ត្រូវបានគេរកឃើញ ថាបានស្លាប់ជាបន្តបន្ទាប់ ខណៈពេលដែលជាច្រើន រយនាក់ផ្សេងទៀត នៅ បន្តបាត់ ខ្លួននៅឡើយ ហើយអ្វីដែល ជាការអស់សង្ឃឹមនោះរកអោយ ឃើញថា បណ្តាអ្នកបាត់ខ្លួនទាំងនោះ សុទ្ធសឹងតែប្រឈម នឹងសេចក្តីស្លាប់ ។
គួរបញ្ជាក់ថា បង់ក្លាដេស ជាប្រទេសមួយ ដែលធ្លាប់មានប្រវត្តិជូរចត់ នៃសោកនាដកម្ម គ្រោះថ្នាក់ បែបនេះ ខណៈបានបណ្តាលអោយមនុស្សស្លាប់ កើនដល់រាប់រយនាក់ ដែលពិតជាបានកើតឡើង ចេញពីការផ្ទុកចំនួនមនុស្សលើសចំណុះ ក៏ដូចជា កង្វះខាត ប្រព័ន្ធការពារ ទៅតាមស្តង់ដាតួយ៉ាង កង្វះខាតទូកជួយសង្គ្រោះជាដើម ៕
ប្រែសម្រួល ៖ កុសល
ប្រភព ៖ channelnewsasia
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
- កាន់តែវីវរ, បញ្ជា ត្រឹមតែ ៥ ថ្ងៃ ឲ្យប្រមូលសាច់ ត្រលប់មកវិញ ពី ៣ ក្រុមហ៊ុន ប្រេស៊ីល ក្រោយផ្ទុះអាស្រូវ (25/03/2017 09:28:00)
- ស្លាប់សិស្សសាលាបឋម ២នាក់ ព្រោះតែរត់ជាន់គ្នា ពេលទៅបន្ទប់ទឹក ក្នុងសាលារៀន (24/03/2017 15:35:00)
- ថាមែនមែន, ISIS ចេញមុខ ថាខ្លួនជាអ្នកវាយប្រហារ ភារវកម្ម នៅក្រុង London សម្លាប់មនុស្ស ៤នាក់នៅជិតរដ្ឋសភា (24/03/2017 09:50:00)
- ភារវកម្ម សម្លាប់មនុស្ស ៤នាក់ នៅមុខសភា ជនសង្ស័យ ៧នាក់ ត្រូវចាប់ខ្លួនបានហើយ (23/03/2017 15:56:00)
ព័ត៌មានអន្តរជាតិ ដែលមើលច្រើន
