ថៃ ប្រកាស ផ្លូវការ ថា គ្មានករណីឆ្លងវីរុស មរណៈ Mers នោះទេ
ព័ត៌មានអន្តរជាតិ ៖ បុរសវ័យចំណាស់ មក ពី ប្រទេស Oman ដែលរងនូវមន្ទិលសង្ស័យ ថាបាន ឆ្លង វីរុស Mers ករណីដំបូងគេបង្អស់ នៅក្នុងប្រទេសថៃ កាល ពីពេលកន្លងទៅនោះ បានជាសះ ស្បើយពីជម្ងឺមរណៈផ្លូវដង្ហើមមួយនេះ ជាផ្លូវការហើយ នេះបើយោង តាមការគូសបញ្ជាក់អោយ ដឹងពីរដ្ឋមន្រ្តីក្រសួងសុខាភិបាលថៃ អំឡុងថ្ងៃច័ន្ទ ដើមសប្តាហ៍ ម្សិលមិញនេះ ផ្ទាល់តែម្តង ។
គួររំឮកថា បុរស វ័យ ៧៥ឆ្នាំ មានផ្ទុកជំងឺផ្លូវដង្ហើម MERS ពេលធ្វើដំណើរ មកពីប្រទេសមួយក្នុងតំបន់មជ្ឈិមបូព៌ាចូលប្រទេសថៃ កាលពីថ្ងៃទី១៥ ខែមិថុនា។ ក្រោយមក បុរសរងគ្រោះដែលមានជំងឺបេះដូងជាប់ខ្លួនផងនោះ ត្រូវបានដាក់ឲ្យនៅដាច់ឆ្ងាយ ពីគេនាវិទ្យាស្ថានជំងឺឆ្លង Bamrasb - aradura ក្នុងខេត្ត Nonthaburi ។ កាលពីថ្ងៃ ចន្ទម្សិលមិញ ក្រសួងសុខាភិបាលបានបញ្ជាក់ថា បុរសចំណាស់នោះបានរួចផុតពីគ្រោះថ្នាក់ហើយ។
ប្រភពបន្តអោយដឹងថា “ការ ធ្វើតេស្តចុងក្រោយ យើងមិន បាន រកឃើញមេរោគ MERS ក្នុងខ្លួនអ្នកជំងឺទេ”។នេះបើតាមការបញ្ជាក់របស់លោក Surachet Satitramaiដែលលេខាធិការអចិន្ត្រៃយ៍ ស្ដីទីនៅក្រសួងសុខាភិបាល ប្រាប់ទីភ្នាក់ងារព័ត៌មានអង់គ្លេស Reuters។
លោក បានបន្តទៀតថា ទោះបីបុរសចំណាស់នេះ បានរួចផុត ពីមេរោគមរណៈក្ដី ក៏ត្រូវស្ថិតនៅក្រោមការឃ្លាំមើលបន្ត ដើម្បីតាមដានពី បញ្ហាសុខភាព ផ្សេងៗទៀត រាប់ទាំងជំងឺបេះដូង ដែលអាចនឹងប៉ះពាល់ដល់ការជាសះស្បើយជំងឺ MERS ។ របាយការណ៍ បញ្ជាក់អោយដឹងថា ចំពោះ សាច់ញាតិ ៣ នាក់ទៀតរបស់អ្នកជំងឺ ដែលធ្វើដំណើរជាមួយគ្នាចូលមក ប្រទេសថៃ ក៏ពុំមានមេ រោគ MERS ជាប់ខ្លួនដែរ។ ទោះយ៉ាងណា ក្រសួងសុខាភិបាលនៅបន្តឃ្លាំមើលនិងតាមដានសុខ ភាពមនុស្សមួយចំនួនទៀត ដែលមានជាប់ពាក់ព័ន្ធជាមួយអ្នកជំងឺ។
នៅ ប្រទេសកូរ៉េខាងត្បូង ចំនួនអ្នកស្លាប់បានកើនឡើងរហូតដល់ ៣៣ នាក់ហើយ នៅព្រឹកនេះ ចំណែកអ្នកឆ្លងមាន ១៨៣នាក់។ ជំងឺ MERS បានឆ្លង មកដល់មនុស្ស ដំបូងក្នុងឆ្នាំ២០១២ នៅតំបន់មជ្ឈិមបូព៌ា និងសម្លាប់ជីវិតមនុស្សអស់ជាង ៤០០នាក់ទូទាំងពិភពលោក៕
ប្រភព ៖ CNA
- សភាសហរដ្ឋអាមេរិកចេញសេចក្ដីសម្រេចបញ្ចប់ជំនួយយោធា នៅយេមែន (15/02/2019 11:10:00)
- មន្រ្ដីការទូតកំពូលនៃក្រសួងការបរទេសអាមេរិក លាលែងពីមុខតំណែង (23/01/2019 15:26:00)
- ធូលីព្រមទាំងខ្យល់ពុលនៅទីក្រុងបាងកក កំពុងកើនឡើងហួសកម្រិតសុវត្ថិភាព (09/01/2019 14:56:00)
- ភ្លាមៗពេកហើយ! គ្រោះថ្នាក់ចរាចរណ៍បានឆក់យកជីវីត Centimetre Khemnark (04/01/2019 10:32:00)
- ចោរអត់គម្រោង! នឹកឃើញចង់រកលុយថែម បែកគំនិតលួចខ្សែ ក តែម្ចាស់ហាងឆ្លាត ចុងក្រោយគុក (07/12/2018 09:59:00)
- រឿងគ្រូបង្វឹកម្នាក់ និងក្មេង ១២ នាក់ជាប់ក្នុងល្អាង កំពុងចាប់ផ្តើម ក្រោមចំណងជើងថា....! (26/11/2018 14:31:00)
- ស្តេចសង្ឃបាប៊ុនឈុំ ត្រលប់ទៅរូងភ្នំម្ដងទៀត ដើម្បីធ្វើរឿងមួយទៀត!! (05/07/2018 11:13:00)
- ចម្លែកមែន!! ម្ដាយ និងកូនស្រីជំទង់ដេកស្លាប់ក្នុងរថយន្ដកណ្ដាលចម្ការដូង ដោយមិនដឹងមូលហេតុ (10/04/2018 11:35:00)
- ស្មានតែប៉ូលីសចាប់ជនជាតិបារាំងរឿងអី ដល់ពេលឆែកកុំព្យូទ័រគាត់មើល ស្ទើរគាំងបេះដូង!! (10/04/2018 10:41:00)
- អាជីវកម្មមួយខាងផ្នែកសំលៀកបំពាក់ប្រពៃណី កំពុងមានការរីកចម្រើនយ៉ាងខ្លាំង!! (10/04/2018 10:23:00)
ព័ត៌មានអន្តរជាតិ ដែលមើលច្រើន
